::شهادة الجامعة الامريكية Professional Certificate in Accounting & Financing

[rafiko]

أود ان اعرض عليكم اليوم شهادة من الشهادات الهامة فى مصر وهى ليست بشهادة مهنية ولكنها تعدك للدخول الى شهادة من الشهادات المهنية مثل cma,acca . لأن اغلب المواد بها تقريبا موجودة بالمواد التى تدرس فى مناهج الشهادات المهنية.

وهذة الشهادة هى التى قمت بدراستها والحمد لله انهيتها بتقدير جيد جدا وافادتنى كثيرا... حيث اقوم الان بتحضير Acca

ويقوم بتدريس مواد هذة الشهادة نخبة من أكبر الاساتذة الحاصلين على أعلى الشهادات المهنية , وأقدم اليكم نبذة عن هذة الشهادة وانصح بها جميع الخريجين والطلاب الدارسين فى كليات التجارة:

وهذة المعلومات من موقع الجامعة الامريكية بالقاهرة

وهذا الرابط الخاص بالموضوع على موقع الجامعة الامريكية:

http://www.aucegypt.edu/conted/sce/bus-profaccandfin.html

وبالمرفقات ملخص للشهادات المقدمة من الجامعة الامريكية من مركز التعليم المستمر وشرح أكثر لهذة الشهادة.

Professional Certificate in Accounting & Financing

A graduate certificate designed to provide participants with the combination of accounting and financial management expertise. Certificate graduates are prepared to meet the demand for professionals in financial accounting and internal auditing, management accounting, and financial management. The certificate curriculum qualifies the graduates to sit for the exams of the CMA program as well as the first and second level of ACCA exams.

Admission Requirements:

University graduate or holds the ‘Certificate in Accounting and Finance’

English Proficiency Test (EPT): 71% minimum or General English Level 302

Interviews: Vocational Tendency (VT) and English Oral Placement Test (EOPT)

Courses:

The certificate consists of the following fourteen, 3-IU courses:

وهذة المواد الخاصة بالدراسة.

Preparation of Financial Statements

Business Economics

Financial Management and Control

Managing People

Financial Reporting

Accounting Information System

Management Accounting I

Financial Analysis

Corporate Reporting

Management Accounting II

Auditing, Internal Review

Direct Tax

General Sales Tax

Banking Operations

Graduation Requirements:

Complete all certificate courses

GPA: 2.5 minimum

Details on courses can be viewed or printed by clicking on the Course and Certificate Catalog

cace-catalog.pdf

[Mr.A.Saif]

جزاك الله خيرا انت اخدتها دلوقتى ولا لسه ؟؟ظ

[rafiko]

بفضل الله أتمتها وبتقدير شكرا لك واتمنى الافادة للجميع

[s0m3a]

اخي العزير جزاك الله خيرا لو واحد الانجليزي بناعه مش تمام اوي يعمل ايه ؟ حتي يجب ال score بتاع English Proficiency Test الرجاء الافاده لو كان في كتب معينه تساعد الواحد او اماكن للدراسه وكل عام وانتم جميعا بخير

[rafiko]

يبدو انه لديك فكرة عن نظام القبول بهذة الشهادة , فتدخل اختبار الانجليزى وتحرز فية على الاقل 70% حتى يتم قبولك. والله انا وجدت افضل شئ كتب الدارسة بالمدارس من حيث Grammer و Vocabulrary , واذا لم تحقق score فيلزمك ان تدخل كورسات اللغة الانجليزية بالجامعة الامريكية ويحدد لك المستوى الذى تدرسه.

[s0m3a]

شكرا اخي العزيز للردك ياريت تقوللي علي تكاليف الكورس كاملا بالكتب والمصاريف اجماليا وجزاك الله كل خير

[rafiko]

تكلفة المادة الواحدة 550 جنية مصرى, وهم 14 مادة فقط. ويمكنك أن تأخذهم براحتك اى انك غير ملزم بميعاد معين للانتهاء من هذة المواد. مدة الدراسة للترم الواحد 3 شهور, تأخذ على الاقل مادتين فى الترم. ميعاد التقديم أخر ديسمبر 2007.

[ahmed_wagih]

السلام عليكم ورحمة الله وبركاتة

الاخ الفاضل احمد محمد رفيق جزاك الله خيرا انا فى حاجة الى مساعدتك والتواصل معك عن طريق الميل او رقم الموبيل

ahmed_wagih10@hotmail.com

ahmed_wagih10@yahoo.com

0121267087

لدى عدة اسئلة بخصوص الشهادات المهنية

انا محاسب خريج 98 لدى خبرة فى الحسابات ولكن بالطبع ينقصنى اشياء كثيرة ومنها

اللغة والشهادات المهنية

وكيف ابدا وهل شهادة الجامعة الامريكية التى وفقك الله فى النجاح فيها مهمة جداا فى مصر وسوف تفتح مجالات جديدة ام سى ام اه مع العلم بان اللغة عندى ضعيفة

ارجو التواصل عن طريق الميل او الموبيل

[rafiko]

أهلا وسهلا بيك يا أستاذ أحمد, أحب اقول لك على حاجة مهمة جدا, فى ناس كتير اللى بيدخلوا شهادة Cma , يعنى اللى عايزين ياخدوا الشهادة دى كتير ولكن فى نفس الوقت قليل منهم اللى بينجحوا, ودة أسبابة من ان اللغة ضعيفة بعض الشئ لدى الكثير. ولهذا فأنى أنصحك اذا كانت اللغة لديك محتاجة ان تقوى فلتفعل ذلك, ومن ثم يمكنك الدخول على شهادة Cma مباشرة حيث من الواضح انة لديك خبرة جيدة فى المحاسبة. واهلا بك أخى وفى انتظارك على الماسينجر باذن الله

[ahmed_wagih]

اخى ابو استاذ احمد اولا انا بجد متشكر انك رديت عليا وانك بجد مهتم بيا جزاك الله خيرا وايضا اود ان اشكر كل عضو شارك وساعد وساهم فى زيادة المعرفة ونقل المعلومة والخبرة الى باقى المحاسبين ثانيا انا طبعا محترم وجهة نظرك ومقتنع بيها وكمان انا حسات من اجابتك انك بتفضل شهادى سى ام اه عن شهادة الجامعة الامريكية وانا اميل لهذا الراى ايضا بسبب تعب بتعب الواحد ياخذ شهادة اعلى واقيم انا عارف انى اتعب شويتن تلاتة ثالثا بالنسبة لموضوع اللغة بس يا ابو حميد انا مقتنع بحاجة ان الواحد فى وسط البحر غصبن عنه ايتعلم العوم انا معايا شهادة دولية فى الكمبيوتر دراسة تسع شهور والكتب كلها انجليزى والاكتحانات كمان والحمد لله نجحت فيها عايز اقول لك انى حاولت اقوى نفسى فى اللغة واخذت كورسات بس الانجليزى عامل زى السبرتة من غير ممارسة بيروح ولذلك انا اريد شهادة مهنية لسببين اولا طبعا تعديل وتحسين وضعى كمحاسب وثانيا انى غصبن عنى اتعلم انجليزى رابعا على فكرة انا سالت ناس قالت لى ان فيه مكان فى روكسى تقريبا كدة تبع جامعة الدول العربية ومدعم منها بحوالى 25 % على سبيل المثال انا سالت فى مركز وجدت اسعارة بارت 2 2600 والثلاث الاخرين ب 2350 والمركز المدعم لقيت سعرة بارت 2 1800 والباقى كل بارت ب 1500 لو حد جرب المركز دى يارت يساعدنى خامسا استاذ احمد يارت نتكلم على الماسنجز او على الموبيل انا بجد محتاج لك ومحتاج خبرتك فى الانجليزى ملحوظة بالنسبة لموضوع اللغة انا طول عمرى بعرف محاسبة عربى بس بس الشركة كبرت والحمد لله واشتغلت على برنامج اسمة بيتش ترى لقيت فى الاول كان صعب علشان اسم الحسابات بالانجليزى بس مع الوقت الحمد له حفظت المصطلحات وكمان فيه حاجة بردة قيلت لى من ناس درست شهاردة سى ام اه ان المادة العلمية مش صعبة قوىى يعنى المحاسبة هى المحاسبة المشكلة بس فى اللغة معلش انا اسف انى طولت عليك كل سنة وانت طيب وكل الاخوة والاخوات طيبين ويارب بحق الايام المباركة دى جازى كل واحد ساهم فى مساعدة اخوى وعلى فكرة المعلومات اللى بيتفضلوا الاخوة وبيسعدونا بيها تعتبر صدقة جارية

[rafiko]

أستاذ احمد دة واجبنا فى المنتدى تجاه كل عضو واللى بيقدر يساعد بمعلومة ويفيد غيرة ولو بكلمة صغيرة دة كلة ثوابه عند ربنا, واستفسر زى ما انت عايز فى اى وقت.

أولا عايز اقول لك قد اية انا كنت معجب بشهادة cma ولكن أحب اقول لك انى غيرت وجهه نظرى خالص لأن لاقيت شهادة معنية افضل منها بكثير, وغير منتشرة حاليا ولكن لها مستقبل كبير, الا وهى شهادة Acca ويمكنك معرفة المزيد منها على هذا الرابط فى المنتدى لتجد موضوع مفصل عنها.

http://www.infotechaccountants.com/forums/showthread.php?t=2238

ثانيا عايز اقول لك على معلومة هامة جدا, شهادة الجامعة الامريكية دى معروفة ومشهورة فى مصر جدا وفى اغلب الشركات التجارية والطيبة ومكاتب المحاسبة و المراجعة مثل مكتب حازم حسن ومكتب Pricewater House للمراجعة. ويوجد الكثير الذين يتمنوا فعلا الحصول على هذة الشهادة, بل وان بعض الشركات بتعطى موظفيها هذة الشهادة حيث تساهم بنصف المبلغ معهم. وهذا قمت بلمسة بيدى وليس كلام فقط.

هذا من ناحية اما من الناحية الاخرى فاذا كانت البارت cma بمبلغ 2350 جنية فسيكون المجموع 9000 جنية تقريبا هذا غير مصاريف التسجيل بالجمعية والامتحانات.

اما بالنسبة للغة الانجليزية برضة اريد ان اعطيك معلومة أخرى وهو ان النظام الدراسة لشهادة الجامعة الامريكية التى ذكرتها نظام امريكى, اى ان طريقة الشرح على الطريقة الامريكية ونظام الامتحانات على الطريقة الامريكية, اضف على ذلك ان الشرح والحديث مع الدكتور باللغة الانجليزية, لتسأل سؤال فتسألة باللغه الانجليزية, وهذا ليس لأن الدكاتره من امريكا ولكن هم مصريين ولكن الطريقة والاسلوب بالنظام الامريكى حتى يعودك على ذلك.

أذكر انة فى مرة من المرات كانوا يقولون لنا اذا اردت ان تقول نكتة فقولها بالانجليزى ما تستخدمش عربى.

ولذلك فهذة الشهادة ليست شهادة فقط, ولكنها ايضا تقوى لغتك جيدا.

دة غير انك عشان تقبل فى الدخول لهذة الشهادة لابد ان تخضع لاختبار فى اللغة الانجليزية وتحرز على الاقل 70% فى هذا الاختبار.

http://www.aucegypt.edu/conted/sce/bus-profaccandfin.html

وأخيرا عايز اقول لك ان برنامج PeachTree هو من البرامج المحاسبية القوية, ويستخدمه اغلب الشركات فى دول الخليج والسعودية. يعنى ممكن يكون ليك فرصة برة باذن الله كويسة وربنا يوفقنا ويوفقكم وكل سنة وانت طيب.

[aly hamissa]

استاذ احمد الف شكر على المعلومة دى انا اسمى على خميسة و متخرج من سنة من كلية التجارة و باخد كورسات انجلش فى الجامعة الامريكية و فى المستوى السابع المهم كنت عاوز اعرف منك ايه شروط الشهادة دى و هل ممكن ان اخد مواد معينة و لا لازم ال 14 مادة كلهمو المواعيد بتاعتاها امتا و اخر ميعاد امتا و هل الشهادة دى محاسبة بس و لا شا ملة مواد اخرى زى التسويق و الادارة ارجو الرد و الافادة و ده الاميل بتاعى ابعتلى عليه الردmizo_mizo200773@yahoo.comو الف شكر يا باشا سلام

[rafiko]

اهلا بيك استاذ على معانا فى المنتدة ببساطة شديدة المواد اللى انت حتدرسها هى نفسها المواد اللى بتدرسها فى كلية تجارة. يعنى فى ادارة ومبادئ المحاسبة واقتصاد وتكاليف ومراجعه. الشهادة كل شروطها انك تعدى من الاختبار الانجليزى أكثر من 72%, وبامكانك تختار المواد اللى انت عايز تدرسها بس لو انت عايز تاخد الشهادة لازم تنتهى من 14 مادة كلهم. التسجيل الجديد حيبدأ فى اخر ديسمبر 2007 تروح وتسجل. واى استفسار نحن فى الخدمة

[Mahmoud Rabie]

انا سعيد جداً بمشاركة فى هذا المنتدى لانه فى حالة احتياجى لبعض الاشياء المهنية بدخل واحصل عليها فى اى وقت شكراً محمود ربيع محاسب قانونى

[the real falcon]

أخى أحمد جزاك الله خيرا

لكن هل الشهاده هل معترف بيها دوليا أم لا !!!!!!لأنك بتقول انها مهمه جدا داخل مصر ولم تعمم دوليا

يعنى هاتنفع سفرى خارج مصر أم لن تنفع؟؟؟؟

لأنى خلاص أنا فعلا رحت الجامعه الأمريكيه واستفسرت عنها ..وبالمناسبه هايرفعوا أسعار الموااد كلها

[rafiko]

هذة الشهادة شهادة مهنية وهى تعدك للشهادات الاخرى ولكنهم يحاولون مع المجلس الاعلى للجامعات فى مصر انها تعتمد كدبلومة يمكن بعدها اعداد ماجيستير ....

[Mr.A.Saif]

انا سجلت للشهادة وهبدا الدراسة باذن الله نهاية الشهر

دعواتكم ولو في نصائح لمن اخذ الشهادة ياريت يفيدني بيها

جزاكم الله خيرا

[rafiko]

ربنا يوفقك باذن الله لهذة الشهادة، الحضور على فكرة علية درجات فالتزم بالحضور والتزم بما يقال فى المحاضرة نفسها وذاكر كويس جدا. وربنا يكرمك باذن الله وتخلصها على خير