طلب عاااااااااااجل وارجو الاهميه والاعتناء والرد الفورى نظرا لضيق الوقت لدى !!!!!

[djvampire]

بسم الله الرحمن الرحيم

طلب عاااااااااااجل وارجو الاهميه والاعتناء والرد الفورى نظرا لضيق الوقت لدى !!!!!

اولا

الاسم هانى

خريج كليه تجاره جامعه الزقازيق ( 2003 )

بس المشكله عندى انى نسيت المحاسبه تمام ومحتاج المســـــــــــــــــــاعده منكم لانى بعد العيد ان شاء الله مسافر السعوديه ومعرفش اى حاجه عن المحاسبه يعنى تقدروا تقولى ((( فقد كل شىء عنها تمام )))

ومحتاج المساعده ضرورى علشان مستقبلى متوقف على الشغل ده

اللى عنده خبره عن شغل المحاسبه فى السعوديه يا ريت ما يبخل عليه بأى حاجه

اكون شاكر ليه جدا

ملحوظه

عملى فى شركه مقاولات والمحاسبه اللى هستعملها هناك هتكون دفتريه ((( يعنى شغل ورقه وقلم )))

يعنى اللى يعرف اى حاجه عن المحاسبه فى السعوديه خاااااااااااااصا فى مجال المقاولات يا ريت ما يبخل عليه

اكون شااااااااااكر جدا جدا جدا

رجاء اللى يفدنى يرفق مسأل وحلها ويا ريت يكون بالصور

واسف انى طولت عليكم

ولكم جزيل الشكر

[طه على]

بسم الله الرحمن الرحيم الاخ / هانى اولا ربنا يوفقك ثانيا محاسبة المقاولات من افضل مجالات المحاسبه عموما ولكن هى نظرا لطبيعة النشاط بها بعض المعالجات الخاصه بها دون غيرها من الانشطه وفى الحقيقه انا لا اعرف من اين ابدا ولكن انا انصحك بان تتصفح هذا الموقع جيدا فبه الكثير عن طبيعة هذا النشاط وانا قد انزلت الكثير من الملفات التى يقوم بارفاقها الساده الاعضاء واذا لم تصل الى شئ راسلنى وانا ساحاول ان افيدك حيث انى عملت بهذا المجال 4 سنوات ولكن بمصر ولا اظن ان الموضوع سيختلف كثيرا وكنت اعمل ايضا بدفاتر يدويه ارجو ان اكون قد افتدك وانا على استعداد تام للمساعده

[alaaaboulela]

طلب عاااااااااااجل وارجو الاهميه والاعتناء والرد الفورى نظرا لضيق الوقت لدى !!!!!

بس المشكله عندى انى نسيت المحاسبه تمام ومحتاج المســـــــــــــــــــاعده منكم لانى بعد العيد ان شاء الله مسافر السعوديه ومعرفش اى حاجه عن المحاسبه يعنى تقدروا تقولى ((( فقد كل شىء عنها تمام )))

ومحتاج المساعده ضرورى علشان مستقبلى متوقف على الشغل ده

والله يا أٍتاذ هاني فكرتني بأيام الجامعه

" يا إخواني أخوكم مزنوق ولو حد عنده محاضرات للدكتور فلان يديهالي أصورها ويارب تنجحو كلكلم وتلاقي واحد كويس يدلك يوقلك انا لقيت كل محاضراته في مكتب التصوير الفلاني قدام باب الجامعه روح إشتريها "

المشكله مش في المذكرات المشكله إنه طيب لو الإمتحان جه من براها هتعمل أيه يا حلو ......

يا صديقي أنت مش عايز مذكرات ولا كتب ولا مشاركات إنت م الأخر عايز فيتامينات محاسبة وبراشيم مقويات يعني

لغاية إمتى يا شباب هنعتمد على الملخصات والمذكرات على فكره بيبان فرق كبير قوي بين المحترف والحديث من خلال مسكة الأدوات من خلال مصطلحاته من خلال نبرة صوته من خلال كلامه من خلال إنجازه للعمل

أنا أسف يا زميلي أنا مش بعنفك ولكن يجب علينا أن نفيق من غفلتنا حتى نتدارك ما قد فاتنا يا ريت تفهمنى وياريت كلنا يتعظ لان التعليم مبيكونش بين يوم وليله ومش كل اللي الزملاء هيقولهولك هيعلق بذهنك لربما يسقط من ذاكرتك وإنت في الطياره مسافر للسعوديه

أكرر أسفى وربنايوفقك يا رب يا زميلي العزيز

قدامك حوالي 15 يوم وم يمكنك تصفح المنتدى وكل حاجه هتقراها أكيد هتفيدك لان المحاسبه محاسبة في أي مكان وفي أي مجال .والله الموفق ,,,

[بن خلدون]

أولا : توكل على الله ولا تخف من شيء

ثانياً : قم بوضع خطة عمل كاملة وهي عبارة عن وضع نظام محاسبي وإداري في هذه الشركة كأن تقوم بوضع الدليل المحاسبي للشركة وأنا أنصحك باستخدام الحاسب الآلي وأن تطلب من صاحب الشركة شراء برنامج محاسبي خاص بشركات المقاولات وهو سوف يساعدك كثير ا وهو متوفر في المملكة . إما إذا نسيت مبادئ المحاسبة عليك بالرجوع إلى الكتب المحاسبية الموجود في الموقع فهي غنية بالمعلومات التي سوف تساعدك

[djvampire]

بسم الله الرحمن الرحيم الف شكر يا جماعه على الاهتمام بالموضوع ولاكن انا مش بطلب المستحيل انا كل اللى محتاجه حاجه معينه وهى اساسيات المحاسبه وتكون ملخصه فى كلمتين بس خصوصا المحاسبه الدفتريه فى المجال اللى ذكرته او راى ملخص عنه ولكم جزيل الشكر

[وائل العراقي]

الأخ العزيز / djvampire ( وإن كنت أنا شخصيا معترض علي هذا الإسم ) بعد التحية طبعا إنت رايح علي شركة مقاولات في السعودية .. وبالتأكيد إن هذه الشركة لديها نظام محاسبي قائم وكادر محاسبي موجود بالتالي إنت ما عليك سوي إنك تعتبر نفسك ترس في هذا النظام وهم أكيد عارفين إنك جاي من مصر ماتعرفش حاجة يعني هم هيعلموك كل شي واحدة واحدة بس أنا أحب أعطيك بعض المقويات ( علي رأي زميلنا العزيز ) في مجال المقاولات شوف ياحبيبي : - محاسب المقاولات إما إنه يكون محاسب في مشروع ( محاسب مشروع يعني ) وبالتالي مش هيكون عندك برنامج محاسبي في المشروع لأن معظم شركات المقاولات هنا في السعودية تعتمد علي المركزية في كل شي يعني لا هتعمل قيود ولا شي .. وكل المهام الخاصة بمحاسب المشروع أحصرها لك في الآتي 1 - إعداد كشوف تسوية العهدة النقدية للموظفين 2 - مراقبة كروت الدوام ( يعني الحضور والإنصراف ) للموظفين 3 - عمل مطابقات شهرية مع المقاولين .. يعني المركز الرئيسي هيبعت لك كشف حساب مقاول مثلا وإنت تتصل علي المقاول وتطلب منه كشف حساب وتحط الكشفين جنب بعض وتطابقهم .. إذا تطابقوا مافيش مشكلة وإذا اختلفوا تشوف الفرق فين وتبحث أن أسبابه وتعالجه وتبعت مذكرة بالكلام هذا إلي مكتبك الرئيسي أو بطريقة تانية .. هتلاقي في شركتك نموذج إسمه مطابقة حساب هتكتب فيه اسم المقاول أو المورد وهتكتب فيه رصيده عندكم كام وهتبعته له علي الفاكس أو بالبريد . اذا كان الرصيد مطابق هو هيكتب في هذا النموذج مايفيد ذلك وهيختمه وهيرسله لك مرة ثانية ، واذا كان غير مطابق هيكتب لك الرصيد الصحيح ( طبقا لحساباته طبعا ) وهيرسله لك مرة ثانية وعليك انت بقي إنك تعرف كيف تكتشف سبب اختلاف رصيد الحساب بينك وبينه وتعمل تقرير ( مذكرة داخلية ) وترسله لمكتبك الرئيسي وهم هيقوموا بعمل المعالجة اللازمة . 4 - عمل مطابقة شهرية مع الموردين ( نفس الكلام زي مطابقة المقاول بالضبط ) 5 - مطابقة أوامر الشراء مع فواتير الشراء ... شركة المقاولات قبل ما تشتري أي مواد بترسل للمورد نموذج إسمه طلب شراء .. فيه اسم الصنف والكمية والسعر .. كل اللي عليك لما تجيلك فاتورة شراء إنك تطابقها مع أمر الشراء وتشوف فيه اختلافات ولا لأ .. بعدها هتقوم بإرسال الفاتورة مع صورة أمر الشراء لمكتبك الرئيسي وهناك هم هيقوموا باللازم . 6 - مراجعة مستخلصات المقاولين المعده من قبل مدير المشروع ومطابقتها مع مطالبات المقاولين .. فأي مقاول باطن بيشتغل مع شركتكم بيصرف فلوسه عن طريق حاجة اسمها مستخلص اللي بيقوم بإعداد المستخلص ده هو مدير المشروع أو المهندس المختص ( مدني - انشائي - كهربائي - ميكانيكي ) انت هتقوم بس بعمل مراجعة حسابية لهذا المستخلص الكميات انت مالك علاقة فيها لانها شغل المهندس .. انت بس تتأكد من السعر الموجود ( عن طريق الرجوع لعقد المقاول ) وتتأكد من العمليات الحسابية ( الضرب والجمع والطرح وخلافه ) ويفضل انك ترفق مع المستخلص هذا صورة من عقد المقاول عشان زملائك في المكتب الرئيسي يعرفوا انك راجل فاهم وتسهل عليهم شغلهم 7 - نيجي بقي للشغل الثفيل .. وهو مستخلص شركتك اللي من خلاله بتصرفوا مستحقاتكم من مالك المشروع اللي انتوا شغالين فيه ... طبعا انت لازم تكون شاطر في الأكسل لأن شغلك كله هيكون عليه والمستخلص ده بقي ياسيدي عبارة عن جدول بيوضح إسم البند وكميته طبقا للعقد وسعر الوحدة بعدين ثلاث خانات رئيسية ( السابق - الحالي - الإجمالي ) ا السابق هي القيمة اللي شركتك صرفتها من هذا البند خلال الفترة السابقة والحالي هي القيمة اللي شركتك هتصرفها في هذا المستخلص والاجمالي بالطبع هو السابق + الحالي بعد ما تخلص المستخلص وتراجعه مزبوط ( لان الاكسل بيعمل فروق هللات ) لازم تتأكد من شغلك باستخدام الآلة الحاسبة لأن المالك لو كان جهة حكومية ممكن يرجعوا لك المستخلص عشان غلطة في هللة ( هذا حقيقي ) بعدها هيقوم مدير المشروع بتاعك بالتوقيع والختم وهيرسله لاستشاري المشروع هيراجعه ويوقع ويختم وبعدين هيرسله للمالك عشان يعتمده ويطلع شيك لشركتكم بقيمة المستخلص دي نبذة بسيطة عن عمل محاسب المشروع.. وبالطبع الكلام النظري لوحده مش كفاية عشان كده هرفق لك نماذج من المستخلص ومن كشوف تسوية العهد النقدية عشان تتضح الصورة قدامك بس نصيحتي لك انك لازم تكون شاطر في الاكسل لان هذا هيسهل لك كثير أما لو رحت بقي علي المكتب الرئيسي وهيكون شغلك هناك فماتقلقش من حاجة هم هيبتدوا يدولك شغل بسيط وواحدة واحدة هتتعلم كل حاجة بس لازم يكون عندك الأساس مظبوط .. يعني لازم تكون راسك مليانة محاسبة لذلك هارفع لك بعض الملفات الخاصة بمحاسبة المقاولات تقرأها كويس وبإذن الله هتشعر انك أخذت فكرة ممتازة عن محاسبة المقاولات وربنا يوفقك محاسب / وائل العراقي

نموذج المستخلص 2 المعدل.rar

النموذج.rar

مقاولات.rar

محاسبة المقاولات.rar

كتاب عقود التشييد.rar

ContractingAccFinalone.rar

[hazimhsn]

رجاء اللى يفدنى يرفق مسأل وحلها ويا ريت يكون بالصور

السلام عليكم أخى الكريم

رمضان كريم وتروح السعودية وإن شاء الله و تنبسط وتبقى الأمور تمام

أخى الفاضل علم المحاسبة ليست فيلما سينمائيا أو مجلة مصورة أو صفحة ويب تتصفح الأخبار فيها إنما هى في الأساس مراجع ومذكرات وأبحاث ونشرات دورية و قبل كل شئ مبادئ ومعايير محاسبية دولية ومنها المصرية ومنها الخليجية .

الكثير من قد تصل النسبة إلى 99.999 % من خريجي التجارة إذا سألتهم عن معايير المحاسبة أو مبادئ المحاسبة ينظر إليك بوجوم كأنك تتكلم لاوندي ( لا أعلم هل هذه لغة أم ماذا اللي يعرف يقولي )

طبعا إنت عايز المهم جدا جدا يعني الثمان مسائل اللي هيجوا في الإمتحان و عايز المحذوف علشان متتعبش لإن فاضل 15 يوم ويمكن عايز الإمتحان كمان على فكرة بهذا الطريقة لن تكون محاسب ناجح في حياتك إنما ستكون تابع فقط أو مجرد مدخل بيانات أو مجرد محاسب في مخزن أو أي حاجه تانية ( يعني شوية عمليات حسابية والسلام )

المحاسب الناجح يجب أن يكون مؤسس من الأول أي تكون فهمت أول شىء مبادئ المحاسبة المالية اللي درستها في الفرقة الأولى ( طبعا مش عارف فاكر إسم المادة دي ولا لأ )

وأن تكون فاهم جدا للمحاسبة المتوسطة والمتقدمة

وأن تكون فاهم جدا لمحاسبة المقاولات محاسبة الشركات الأشخاص ومحاسبة شركات الأموال وملم بالمحاسبة الإدارية وأصول المراجعة وبعض فروع المحاسبة الأخرى

طبعا أن أصبتك بالإحباط

ولكن هذا إن كنت عايز تدخل إنتر فيو وتدخل في إختباروةتنجح بمجهودك

أما إنك مسافر السعودية فيعني إنت مسافر بعقد ومحدش شافك ولا يعرف عنك حاجة لإن الممانعة بتيجي بالواسطة والمحسوبية.

أخى الفاضل عليك بمراجعة مذكرات الجامعة و قرائتها بعناية وخاصة الكتب التي ذكرتها لك و مراجعة مشاركة الأخ وائل العراقي هى مشاركة مفيده فعلا.

والمنتدى به بعض المشاركات عن محاسبة القاولاتوالعقود طويلة الأجل إتعب شوية ودور عليها متستناش حد يجبها لك

وسلملي على مصر قبل ما تسافر

ربنا يصلح حال مصرويطهرهها من كل من أراد بها سوء ويرفع عنها البلاء و الغلاء

[mzohairy]

انت محتاج حاجتين يا هاني

اول حاجه انك تذاكر (انا عندي 40 سنه و معايا ماجستير و لسه بذاكر)

تاني حاجه اننا ندعيلك

و ربنا معاك

[al-baz]

اخوي الفاضل انا طالب بجامعة الملك سعود في الرياض لو انت راح تشتغل في الرياض ممكن أعطيك رقم تليفوني وأول ماتوصل أعطيك الأشياء الي درسناها بجامعتنا ومتعلقه بمحاسبة المقاولات

[shishoo]

أخى الكريم قد قمت سيادتكم بمشاركة فعالة فى هذا الموضوع (طلب عاااااااااااجل وارجو الاهميه والاعتناء والرد الفورى نظرا لضيق الوقت لدى !!!!! محاسبة المقاولات) الرابط بالأسفل

وقد وضعت فى المرفقات (كتاب عقود التشييد) وقد تبين لى وجود خطأ فى الصفحه 3 بالملف وذلك فى الأية الكريمة

ويسألونك على الروح قل الروح من أمر ربى وما أوتيتم من العلم إلا قليلا

التصحيح

و يسألونك عن الروح قل الروح من أمر ربي وما أوتيتم من العلم إلا قليلا

سورة الإسراء - الجزء 15 - الآية 85 - الصفحة 290 من المصحف

http://infotechaccountants.com/forums/showthread.php?t=2574&highlight=%E3%DE%C7%E6%E1%C7%CA+%C7%E1%D3%DA%E6%CF%ED%C9

أرجو ان تقوم بإتخاذ اللازم إما بتوجيه كل من يتطلع الى الموضوع

أو تقوم بتعديلها من داخل الملف أو ما تراه شرعيا

[shishoo]

الأخ العزيز / djvampire ( وإن كنت أنا شخصيا معترض علي هذا الإسم )

بعد التحية

طبعا إنت رايح علي شركة مقاولات في السعودية .. وبالتأكيد إن هذه الشركة لديها نظام محاسبي قائم وكادر محاسبي موجود

بالتالي إنت ما عليك سوي إنك تعتبر نفسك ترس في هذا النظام وهم أكيد عارفين إنك جاي من مصر ماتعرفش حاجة يعني هم هيعلموك كل شي واحدة واحدة

بس أنا أحب أعطيك بعض المقويات ( علي رأي زميلنا العزيز ) في مجال المقاولات

شوف ياحبيبي : -

محاسب المقاولات إما إنه يكون محاسب في مشروع ( محاسب مشروع يعني ) وبالتالي مش هيكون عندك برنامج محاسبي في المشروع لأن معظم شركات المقاولات هنا في السعودية تعتمد علي المركزية في كل شي

يعني لا هتعمل قيود ولا شي .. وكل المهام الخاصة بمحاسب المشروع أحصرها لك في الآتي

1 - إعداد كشوف تسوية العهدة النقدية للموظفين

2 - مراقبة كروت الدوام ( يعني الحضور والإنصراف ) للموظفين

3 - عمل مطابقات شهرية مع المقاولين .. يعني المركز الرئيسي هيبعت لك كشف حساب مقاول مثلا وإنت تتصل علي المقاول وتطلب منه كشف حساب وتحط الكشفين جنب بعض وتطابقهم .. إذا تطابقوا مافيش مشكلة وإذا اختلفوا تشوف الفرق فين وتبحث أن أسبابه وتعالجه وتبعت مذكرة بالكلام هذا إلي مكتبك الرئيسي

أو بطريقة تانية .. هتلاقي في شركتك نموذج إسمه مطابقة حساب هتكتب فيه اسم المقاول أو المورد وهتكتب فيه رصيده عندكم كام وهتبعته له علي الفاكس أو بالبريد . اذا كان الرصيد مطابق هو هيكتب في هذا النموذج مايفيد ذلك وهيختمه وهيرسله لك مرة ثانية ، واذا كان غير مطابق هيكتب لك الرصيد الصحيح ( طبقا لحساباته طبعا ) وهيرسله لك مرة ثانية وعليك انت بقي إنك تعرف كيف تكتشف سبب اختلاف رصيد الحساب بينك وبينه وتعمل تقرير ( مذكرة داخلية ) وترسله لمكتبك الرئيسي وهم هيقوموا بعمل المعالجة اللازمة .

4 - عمل مطابقة شهرية مع الموردين ( نفس الكلام زي مطابقة المقاول بالضبط )

5 - مطابقة أوامر الشراء مع فواتير الشراء ... شركة المقاولات قبل ما تشتري أي مواد بترسل للمورد نموذج إسمه طلب شراء .. فيه اسم الصنف والكمية والسعر .. كل اللي عليك لما تجيلك فاتورة شراء إنك تطابقها مع أمر الشراء وتشوف فيه اختلافات ولا لأ .. بعدها هتقوم بإرسال الفاتورة مع صورة أمر الشراء لمكتبك الرئيسي وهناك هم هيقوموا باللازم .

6 - مراجعة مستخلصات المقاولين المعده من قبل مدير المشروع ومطابقتها مع مطالبات المقاولين .. فأي مقاول باطن بيشتغل مع شركتكم بيصرف فلوسه عن طريق حاجة اسمها مستخلص

اللي بيقوم بإعداد المستخلص ده هو مدير المشروع أو المهندس المختص ( مدني - انشائي - كهربائي - ميكانيكي )

انت هتقوم بس بعمل مراجعة حسابية لهذا المستخلص

الكميات انت مالك علاقة فيها لانها شغل المهندس .. انت بس تتأكد من السعر الموجود ( عن طريق الرجوع لعقد المقاول ) وتتأكد من العمليات الحسابية ( الضرب والجمع والطرح وخلافه ) ويفضل انك ترفق مع المستخلص هذا صورة من عقد المقاول عشان زملائك في المكتب الرئيسي يعرفوا انك راجل فاهم وتسهل عليهم شغلهم

7 - نيجي بقي للشغل الثفيل .. وهو مستخلص شركتك اللي من خلاله بتصرفوا مستحقاتكم من مالك المشروع اللي انتوا شغالين فيه ... طبعا انت لازم تكون شاطر في الأكسل لأن شغلك كله هيكون عليه

والمستخلص ده بقي ياسيدي عبارة عن جدول بيوضح إسم البند وكميته طبقا للعقد وسعر الوحدة

بعدين ثلاث خانات رئيسية ( السابق - الحالي - الإجمالي ) ا

السابق هي القيمة اللي شركتك صرفتها من هذا البند خلال الفترة السابقة

والحالي هي القيمة اللي شركتك هتصرفها في هذا المستخلص

والاجمالي بالطبع هو السابق + الحالي

بعد ما تخلص المستخلص وتراجعه مزبوط ( لان الاكسل بيعمل فروق هللات ) لازم تتأكد من شغلك باستخدام الآلة الحاسبة لأن المالك لو كان جهة حكومية ممكن يرجعوا لك المستخلص عشان غلطة في هللة ( هذا حقيقي )

بعدها هيقوم مدير المشروع بتاعك بالتوقيع والختم وهيرسله لاستشاري المشروع هيراجعه ويوقع ويختم وبعدين هيرسله للمالك عشان يعتمده ويطلع شيك لشركتكم بقيمة المستخلص

دي نبذة بسيطة عن عمل محاسب المشروع.. وبالطبع الكلام النظري لوحده مش كفاية عشان كده هرفق لك نماذج من المستخلص ومن كشوف تسوية العهد النقدية عشان تتضح الصورة قدامك

بس نصيحتي لك انك لازم تكون شاطر في الاكسل لان هذا هيسهل لك كثير

أما لو رحت بقي علي المكتب الرئيسي وهيكون شغلك هناك فماتقلقش من حاجة هم هيبتدوا يدولك شغل بسيط وواحدة واحدة هتتعلم كل حاجة

بس لازم يكون عندك الأساس مظبوط .. يعني لازم تكون راسك مليانة محاسبة

لذلك هارفع لك بعض الملفات الخاصة بمحاسبة المقاولات تقرأها كويس وبإذن الله هتشعر انك أخذت فكرة ممتازة عن محاسبة المقاولات وربنا يوفقك

محاسب / وائل العراقي

أخى الكريم وائل العراقى قد قمت سيادتكم بمشاركة فعالة فى هذا الموضوع وقد وضعت فى المرفقات (كتاب عقود التشييد) وقد تبين لى وجود خطأ فى الصفحه 3 بالملف وذلك فى الأية الكريمة

ويسألونك على الروح قل الروح من أمر ربى وما أوتيتم من العلم إلا قليلا

التصحيح

و يسألونك عن الروح قل الروح من أمر ربي وما أوتيتم من العلم إلا قليلا

سورة الإسراء - الجزء 15 - الآية 85 - الصفحة 290 من المصحف

أرجو ان تقوم بإتخاذ اللازم إما بتوجيه كل من يتطلع الى الموضوع

أو تقوم بتعديلها من داخل الملف أو ما تراه شرعيا

[mismael]

أخى الكريم قد قمت سيادتكم بمشاركة فعالة فى هذا الموضوع (طلب عاااااااااااجل وارجو الاهميه والاعتناء والرد الفورى نظرا لضيق الوقت لدى !!!!! محاسبة المقاولات) الرابط بالأسفل

وقد وضعت فى المرفقات (كتاب عقود التشييد) وقد تبين لى وجود خطأ فى الصفحه 3 بالملف وذلك فى الأية الكريمة

ويسألونك على الروح قل الروح من أمر ربى وما أوتيتم من العلم إلا قليلا

التصحيح

و يسألونك عن الروح قل الروح من أمر ربي وما أوتيتم من العلم إلا قليلا

سورة الإسراء - الجزء 15 - الآية 85 - الصفحة 290 من المصحف

http://infotechaccountants.com/forums/showthread.php?t=2574&highlight=%E3%DE%C7%E6%E1%C7%CA+%C7%E1%D3%DA%E6%CF%ED%C9

أرجو ان تقوم بإتخاذ اللازم إما بتوجيه كل من يتطلع الى الموضوع

أو تقوم بتعديلها من داخل الملف أو ما تراه شرعيا

نعم يا اخى معك حق ونشكرك على انتباهك واهتمامك

المشكلة هنا ان الملف يقرأ فقط ولا يمكن تعديله ولذا الحل الوحيد هو الحذف تماما من المنتدى طالما ان به تحريف لكلام الله.. وانا عن نفسى ساحاول الاتصال بالمؤسسة العامة للتعليم الفنى والتدريب المهنى بالسعودية ولفت نظرهم الى هذا والذى هو لاشك انه خطأ مطبعى.

واتمنى ان يقوم الاستاذ وائل العراقى بنفسه بحذف الملف او حل الموضوع بطريقة اخرى قد يراها تجنبا لهذا الخطأ المطبعى فى آيات القرآن الكريم

[وائل العراقي]

نعم يا اخى معك حق ونشكرك على انتباهك واهتمامك

المشكلة هنا ان الملف يقرأ فقط ولا يمكن تعديله ولذا الحل الوحيد هو الحذف تماما من المنتدى طالما ان به تحريف لكلام الله.. وانا عن نفسى ساحاول الاتصال بالمؤسسة العامة للتعليم الفنى والتدريب المهنى بالسعودية ولفت نظرهم الى هذا والذى هو لاشك انه خطأ مطبعى.

واتمنى ان يقوم الاستاذ وائل العراقى بنفسه بحذف الملف او حل الموضوع بطريقة اخرى قد يراها تجنبا لهذا الخطأ المطبعى فى آيات القرآن الكريم

الأخوة الأعزاء

أشكركم علي اهتمامكم وانتباهكم إلي هذا الخطأ الغير مقصود بالطبع

فأنتم تعلمون أنه بالتأكيد خطأ مطبعي

ونظرا لظروف ابتعادي عن المنتدي في الفترة الأخيرة لدواعي السفر ، فأنا لم أنتبه لردودكم إلا منذ أيام قليلة

وسأحاول بإذن الله ان أجري بعض الأتصالات لتصحيح هذا الخطأ

وأري أنه لا يوجد داعي لحذف الملف وهذا للفائدة المرجوة منه

وبإذن الله يتم تدارك الخطأ وتصحيح الآية

وللعلم فإنه ليس لي أي يد في طباعة أو تعديل الآية الكريمة ، حيث اقتصر دوري علي تحميل ورفع الملف فقط حتي إنه لم تتسني لي الفرصة بعد للإطلاع علي محتوي الملف

تحيات وتمنياتي للجميع بالتوفيق

محاسب / وائل العراقي

[وائل العراقي]

الأخ العزيز / شيشو أشكر لك اهتمامك وقوة ملاحظتك وبالفعل فهو خطأ مطبعي وليس لي فيه أي دخل حيث اقتصر دوري علي تحميل الملف ورفعه علي الموقع ولم تتسني لي الفرصة حتي للإطلاع عليه وأعتذر عن تأخري في الرد وذلك لدواعي سفري وبإذن الله سأحاول تصحيح الخطأ وأري أنه لاتوجد ضرورة ملحة لحذف الملف وذلك للفائدة المرجوة منه تحياتي وتمنياتي لك بالتوفيق محاسب / وائل العراقي

[وائل العراقي]

الأخوة الأعزاء السلام عليكم ورحمة الله وبركاته إستكمالا لمداخلاتكم بخصوص الخطأ في الآية الكريمة في ملف عقود التشييد الصفحة رقم 3 أفيدكم بما يلي : - قمت بالإتصال بمؤسسة التعليم والتدريب المهني - الإدارة العامة بمدينة الرياض بالمملكة العربية السعودية وحصلت علي رقم الإدارة العامة لتصميم وتطوير المناهج وقمت بالإتصال والتحدث مع أخ فاضل يعمل هناك ، وأرسلت له الملف علي ايميله الخاص وقد اتصل بي صباح اليوم علي رقم جوالي ، حيث أرشدته إلي الخطأ الموجود وأخبرني بأن الكتاب بالكامل يخضع حاليا للتطوير ورجوته أن يرسل لي نسخة من الملف بعد تعديل الخطأ ، وذلك حتي أتمكن من رفعها علي الموقع واستبدالها محل النسخة السابقة وأنا حاليا في انتظار أن يرسل لي النسخة المعدلة علي الايميل الخاص بي وهذا للعلم ،،، تحياتي وتمنياتي لكم جميعا بالتوفيق محاسب / وائل العراقي