سؤال عن الاصول افيدوني عنه

[خالد محمد بن الشيخ]

انا محاسب في شركة مقاولات نقوم احيانا بشراء اجهزة جوالات لبعض العمال الذين يعملون في بعض المشاريع لكي نتواصل معهم هل تعتبر هذه الجوالات مصاريف تتحمل على المشاريع او تعتبر من اصول الشركة في قائمة الاصول الثابتة ؟

[mmebied]

تعتبر هذه الجوالات ضمن اصول الشركة لأنه ستستفيد بها الشركة وإن انتهي تنفيذ المشروع وما يتحمل على المشروع ما تنفقه الشركة حتي يكتمل المشروع

[محمد عبد الرحمن السيد]

السلام عليكم قبل معالجة الموضوع محاسبيا سنسال سؤال هل التلفون المحمول مرتبط بهذا المشروع فقط بمعنى هل عند انتهاء المشروع سيتم التلخص منه سواء بالبيع او بالتخريد(سكراب) اما التلفون مرتبط بالشركة بمعنى ان نفس العمال سيعملون فى مشاريع اخري فى نفس الوقت او فى مشاريع تالية بنفس هذة التلفونات

فى الحالة الاولي يعتبر التلفون مصروف يحمل قيمتة على تكلفة المشروع واذا تم بيعة فى نهاية المشروع تخفض بالايراد الناتج عنة تكلفة المشروع

اما الحالة الثانية فعتبر التلفون اصل من الشركة يجري علية ما يجري على الاصول

والله اعلم

[mismael]

السلام عليكم..

اجهزة المحمول تعتبر من الاصول وتوضع فى بند اصول الشركة واذا كان لديكم جرد اصول سنوى فيمكن تصنيفها على انها اصول مستخدمة فى المشروع. ولكن اقساط اهلاكها وكذلك اى مصاريف متعلقة بها كمدفوعات الفواتير او الصيانة او قطع الغيار فتحمل على تكلفة المشروع الذى خصصت له.

شكرا

[alaaaboulela]

انا محاسب في شركة مقاولات نقوم احيانا بشراء اجهزة جوالات لبعض العمال الذين يعملون في بعض المشاريع لكي نتواصل معهم هل تعتبر هذه الجوالات مصاريف تتحمل على المشاريع او تعتبر من اصول الشركة في قائمة الاصول

الثابتة ؟

بسم الله الرحمن الرحيم

ت التليفون بما فيها الخط " الشريحه " أو رسوم الإشتراك في الخدمة فيتم معالجتها على إنها أصل يتم إهلاكها على مدة الإنتفاع بالأصل

أما فاتورة التليفون ت كروت الشحن فهي بمثابة مصروف إيرادي يتم تحمليه على الفتره التي سددت فيها ويتم تحميل كل مشروع بتكاليف الإتصال الخاصه به ضمن مصروفاته ده بالنسبة لعمال وموظفي الموقع أما بالنسبه لتليفونات الإداره فتكون كالأتي

المهندسين والإستشاريين متابعى الموقع ومهندسي الموقع ومحاسبي الموقع الذين يقومون بمتابعة أكثر من مشورع في ذات الوقت فيتم توزيع التكلفه بأساس عادل أو طريقة عادله بنسب التوزيع بين المشروعات

الإداريين والإدارة العليا بالمنشأه تليفوناتهم الخاصه بالعمل يتم حميلها بالمصروفات العموميه أما أصحاب العمل والمديرين الذين يستخدمون تليفونات العمل في أغرض شخصية يتم تحميلهم بنسه 1/3 التكلفه ويتم إعتماد 2/3 من التكلفه بشرط تأييد المصروف بمستندات مثل فواتير التليفون شأنها في ذلك شأن سيارت التي تسمح الجمعيهى العموميه لرؤساء مجلس الإادرة وأعضاءها بإستخدامها فيي الأغراض الشخصية أو السيارت الخاصة بأصحاب العمل في الإستخدام في العمل فيتم إعتماد فواتير تموين السيارات بالبنزين وم الصيانه وقطع الغيار بنسه 3:2 من التكلفه .

والله الموفق ,,,

[mzohairy]

اسمحولي اقول رأي مخالف لحضراتكم

في الشركات الكبيره و المتوسطه يوجد دائما تحديد للمبلغ الذي يبدأ من عنده احتساب الشيئ من ضمن الأصول

و لنقل مثلا 1000 جنيه او ريال و أقل من ذلك يعتبر مصروف

فلو عندنا مثلا 100 جهاز تليفون قيمة كل منهم 200 جنيه و يستهلك (كطبيعة التليفونات المخموله) بسرعه جدا للإنخفاض السريع في سعره في السوق

فمن العبث فتح 100 صفحه في الأصول و متابعتهم و متابعة استهلاكهم

و قيمة الوقت اللذي سيقضيه المحاسب في مراقبة استهلاك ال 100 تليفون اكبر من قيمة التليفونات نفسها

و القاعده العامه تقول لو تجاوز المصروف الإيراد يتوقف المشروع او الفكره

و بالتالي انا ارى تسجيلهم كعهد شخصيه في شئون الموظفين و احتسابهم كمصروف في الدفاتر طالما قيمة الوحده أقل من المبلغ المتفق عليه لإحتسابه كأصل

و شكرا

[alaaaboulela]

اسمحولي اقول رأي مخالف لحضراتكم

في الشركات الكبيره و المتوسطه يوجد دائما تحديد للمبلغ الذي يبدأ من عنده احتساب الشيئ من ضمن الأصول

و لنقل مثلا 1000 جنيه او ريال و أقل من ذلك يعتبر مصروف

فلو عندنا مثلا 100 جهاز تليفون قيمة كل منهم 200 جنيه و يستهلك (كطبيعة التليفونات المخموله) بسرعه جدا للإنخفاض السريع في سعره في السوق

فمن العبث فتح 100 صفحه في الأصول و متابعتهم و متابعة استهلاكهم

و قيمة الوقت اللذي سيقضيه المحاسب في مراقبة استهلاك ال 100 تليفون اكبر من قيمة التليفونات نفسها

و القاعده العامه تقول لو تجاوز المصروف الإيراد يتوقف المشروع او الفكره

و بالتالي انا ارى تسجيلهم كعهد شخصيه في شئون الموظفين و احتسابهم كمصروف في الدفاتر طالما قيمة الوحده أقل من المبلغ المتفق عليه لإحتسابه كأصل

و شكرا

أنا هرد عليك بكلامك وهثبت لك العكس

إن الفرق بين المصروف الرأسمالي والإيرادي هو تكرار الصرف أو مدى الإستفاده على أكثر من فتره ماليه

فليس معنى إن المصروف أقل من 1000 لا أثبتة ولا أهلكه وإلا كان من باب أول لا يتم إعتبار العدد والأدوات ضمن الأصول ويتم إعتبارها مصروفات إيرادايه تحمل على فتره ماليه والسلام ولا كان أدوات المطبخ وما يتم إحلاله من المفروشات والبياضات وأطقم وغطاء الأسره والمقاعد في الطائرات والمستشفيات والفنادق وإعتباره مصروفات ولكن هذا لا يحدث ولكن المعالجة الوحيده لمثل هذه المصروفات

1- الإهلاك بمعدل أعلى نسبياً كما في حالتنا هذه فمن أجل ذلك تم تعديل بعض اللوائح والتعليمات التنفيذه لقانون الضرائب المصري بواسطة مصلحة الضرائب ليناسب بيئة العمل في بعض الشركات فتم الأتي

- إحتساب بعض الأصول بنسب ومعدلات أهلاك أعلى من 25%

- إهلاك الأصول الملحوظ فيها مستوى تقدم علي ىتكنولوجيا وتقادم الأصول الممتلكه بواسطة الشركه

- رفع معدلات اهلاك أجهزة الحاسب الألي إلى 50 % أو تهلك على 2 سنة

2- الإهلاك بطريقة الإحلال

- يتم حساب معدلات إهلاك المفروشات والبياضات بطريقة الإحلال وما يتم شراءه في الفتره الماليه من تلك الأصول

- كما في الأصول والمعدات سريعة التلف والتي ليس لها قطع غيار والتي تستخدم لمرة واحده

والله الموفق ,,,

[alaaaboulela]

بالنسبة للموبايل والتطور المملحوظ والتقدم التكنولوجي يجعلنا نطبق عليه ما يتم تطبيقه على أجهزة الحاسب الألي

فيتم إستخدام معدلات إهلاك أعلى له فيتم إهلاكه بمعدل 50 % ويهلك على 2 سنة

[mzohairy]

طيب صلي على النبي و خدني على قد عقلي شويه

معنى كلامك ان مفيش حد أدنى اطلاقا للمبلغ المدفوع في شيئ ما لإحتسابه كأصل؟ و المهم انك بتستفيد منه على اكتر من سنه ماليه؟

مش البرايه اللي ب 5 جنيه بتستفيد منها ييجي 10 سنين؟

هل ممكن نحسبها أصل و نعملها استهلاك 10% كل سنه نص جنيه؟

أكيد لازم يكون في حد معين اقل منه يكون مصروف و أعلى منه يكون أصل

صح؟

[alaaaboulela]

يا أستاذ / محمد

مانا قولتلك في طريقة للإهلاك إسمها

طريقة الإحلال

يعني

في المستشفيات والفنادق والطائرات والمطاعم فيه مفارش وفوط و معالق وشوك وسكاكين

يغني النهارده إشترينا دستة معالق ولا دسته فوط ولا دستة فوط أو ملايات أو ستائر وإحتمال الإسبوع الجاي لو إتكسررت دستة كبايات أو ماجات هشتري غيرهم مش هقعد أعملها إلاهلاك السنادي عن عدد أيام متبقية من السنه وكل ما أشتري أعمل كده غمليه صعبه ....مش كده ؟؟؟

عشان كده بقولك ريح نفسك وإعمل إهلاك بطريقة الإحلال ... وإسأل فيها !!!

ولو أنا غلطان يا جماعه حد يقول الصح بس يكون يستند لمعيار أو مبدأ أو أساس محاسبي .

....................................................................................

نيجي للبرايه :

...........

وحتى بالنسبة للأدوات الكتابيه والمكتبيه الي حضرتك بتتكلم عليها لما أشتريها أول السنه بكميات عشان أعمل وفر عشان خصم الكميه مثلا مبسسجلش كل المصروف م. أدوات كتابيه في المصروفات العموميه وإلا كده هبقى غلطان عشان أنا بشتري 500 قلم جاف و250 قلم رصاص و 60 أستيكه و 35 مسطره في السنه وبشتريهم في شهر يناير و 24بوكس فايل و 30 فايل 6 cm و 1000 ظرف ورق للمرتبات و50 رزمة ورق تصوير و ولو حتى بعملهم في مطبعه أمر تشغيل مينفعش إني أحمل شهر يناير بكل مصروفات السنه وأنا عارف كمان إن الكمية دي هيتبقى نصفها للسنه الجايه.

طيب أيه الحل

الحيل في القيد الي جاي

من ح / المصروفات المقدمة

أدوات كتابيه ومكتبيه

إلى ح / الصندوق

وأجي أخر كل شهر أو أخر كل سنه أحمل الفتره بما إستنفذ من الكميه بطرح الرصيد من فاتورة الشراء مش هقولك نمسك لهم كروت صنف ولا كشف عهده عشان متقوليش ده هيكلفني مرتب أعلة وتطبيقاً لمبدأ التكلفة والعائد أو المقابله مع إنه العكس صحيح كإجراء رقابي لمتابعة الرصيد .

والإستهلاك أعمل بيه قيد تسويه كالتالي

من ح / المصروفات العموميه

أدوات كتابيه ومكتبيه

إلى ح / المصروفات المقدمة

أدوات كتابيه ومكتبيه

وكان الله بالسر عليم

والله الموفق ,,,

[خالد محمد بن الشيخ]

شكرأ جزيلا لكل الاعضاء اللذين ساهموا في هذا الموضوع وبالرغم من اختلاف الاراء اقول لهولاء انني استفدت من مشاركتكم ,واخيرا اقول ان هذا الجوالات تخص مشروع واحد فقط حيث ان فتر المشروع اربع سنوات (مشروع طريق بطول 101 كيلو )

[محمد نبيل محمد]

هذه الجولات تعتبر اصل من اصول الشركه مثل المعدات والات اما فواتير المكالمات تعتبر ضمن الصاريف العموميه

[mismael]

السلام عليكم...

صلوا على النبى ياخواننا احنا جايين نهدى النفوس :cool:

شوفوا ياشباب الموضوع ده جميل جدا واسمحولوا اكلم فيه المره دى وهاستخدم المعايير المصرية لا الدوليه ولا الامريكية عشان فعلا انا شايف ان ده واحد من المعايير الممتازة التى تناولتها المعايير المصرية، والكلام ده هاتلقوه فى بند 7 ، 8 ، 9 من المعيار العاشر تحت اسم الاصول الثابتة واهلاكها.

بتقول ايه بقى البنود ديه:

الاعتراف بالاصول الثابتة:

7- يعترف بأى بند من بنود الاصول الثابتة كأصل فقط عندما:

(أ) يكون من المحتمل ان يحقق استخدام هذا البند منافع اقتصادية مستقبلية للمنشأة.

و (ب) يمكن للمنشأة قياس تكلفة اقتناء البند بدرجة عالية من الدقة.

8- عادة مايتم معالجة معظم قطع الغيار ومعدات الصيانة كمخزون على ان تحمل كمصروفات عند الاستخدام. وغير انه بالنسبة الى الاجزاء الاساسية للاصل ذات الاهمية النسبية وكذا المعدات الاحتياطية فتعتبر كأصول ثابتة عندما تتوقع المنشأة استخدامها فى اكثر من فترة محاسبية واحدة.

9- هذا المعيار لم يصف وحدة قياس لما يمكن اعتباره كأصل ثابت ففى بعض المنشآت ذات الظروف او الطابع الخاص قد يتطلب الامر اللجوء الى التقدير الشخصى لتطبيق شروط الاعتراف بالاصول الثابتة. فقد يكون من الملائم تجميع البنود ضئيلة القيمة فى مفرده واحدة مثل العدد والادوات ويطبق المعيار على القيمة المجمعة.

اعتقد ان الكلام شارح نفسه ومش محتاج تعليق هو محتاج تطبيق، فمهم قوى دلوقتى اننا ننشر العلم ده بين كل المحاسبين اللى نعرفهم عشان دى رسالتنا جميعا فياريت كل اللى قرأ البنود دى ينشرها بين زمايله عشان الكل ينتفع بيها.

عرفتوا بقى اننا جايين نهدى النفوس

شكرا

[wajsoft]

طبعا من الاصول و يمكن اضهارها في الميزانية العمومية بإسم عدد و أدوات صغيرة

[mzohairy]

نرجع تاني لموضوع البرايه

يعني أنا لو في شركه صغيره و اشتريت برايه بقيمة 15 جنيه (و هي البرايه الوحيده في الشركه) (شركه تعبانه شويه)

و سيتم استخدامها لخمس سنوات مثلا و هو عمر البرايه الافتراضي

هل نحسبها اصول ثابته و نحسبلها اهلاك 3 جنيه كل سنه؟

هل يوجد حد أدنى لقيمة الشيئ لإحتسابه من ضمن الأصول؟