zoma87

ممكن اخواني المحاسبين يجوبني علي الاسئلة التالية وهي خاصة بالقانون 81 القديم وياريت الاجابة بتوضيح ولو امكن ضرب امثال 1\ما هي اسعار الضريبة القديمة 2\ نسب وقواعد خصم الاعباء العائلية 3\اسعار الضريبة علي الثروة العقارية وقواعد اضافتها علي الدخل 4\ مقابل التاخير علي سداد الضريبة ولو امكن شوية معلومات عن قانون 81 واهم قواعدة

اخواني اريد ان افهم منكم ماهي طبيعة عمل مكاتب المحاسبة مثلا مين المنشات التي تذهب لمكاتب المحاسبة؟؟ ولماذا تذهب وهي تملك قسم للحسابات فيها وبيه محاسبين زي اللي في مكتب المحاسبة؟؟ وماهو المطلوب من مكاتب المحاسبة لتلك المنشات؟؟ وهل تستخدم مكاتب المحاسبة البرامج مثل كويك بوكس في اعداد حسابتها؟؟ وماهو الربح الذي تجنيه مكاتب المحاسبة من عملهاوهل هو مناسب ؟؟ ياريت حد يجوبني

شكرا يا خواني لتقديم النصيحة انا قدامي فرصة تدريب في مكتب محاسبة تنصحوني بايه وهل اللي بتعلموا دلوقتي خاص بشركات الاستراد والتصدير ام هذا مبادي اساسية للمحاسبة

يا جماعة انا خريج تجارة دفعة 2007 واشتغلت من اسبوع في شركة استيراد كماليات السيارات في قسم الحسابات وبصراحة الراجل رئيسي محترم جدا وذوق جدا وبيعلمني وحدة وحدة وباقية اللي شاغلين في الشركة نفس الوضع انا كل اللي بعمله دلوقتي ان الفواتير بتجي القسم الصبح من المحزن بسجلها في حسابات العملاء وبعد كدة في حساب المبيعات وفي الاخر احط الفاتورة في فايل العميل وتيجي بعد كدة كشوف حسابات معرض الشركة اللي بنبيع فيه قطع مش كراتين للعملاء العادين ارجعهاواسجلها في حسابات عملاء المحل اللي هما علي قدهم وبعد كدة اسجلها في حساب مبيعات المحل وتروح بعد كدة للمحزن علشان يسجلوا الكميات اللي اتبعات علي الكمبيوتر بعد كدة اسجل الاذون اللي جايه من الخازنة سواء استلام او صرف لما اخلص بطلع دفتر الخازنة افضل ارصد فيه وارحل اهي تسلية والسلام طبعا كل دا وناس بتراجع ورايا بعد ما اخلص كل دا اساعد زمايل ليا في حاجات بسيطة زي الرسايل اللي جايه من الجمرك وكدة انا عايز اعرف هل كدة انا بتعلم محاسبة ولا كل دا حاجات بسيطة مع العلم اني لسه بقول يا هادي وعايز اخد رايكم مش افضل لو كنت ادربت في مكتب محاسبة

يا جماعة انا طالب مساعدتكم ويا ريت اللي يفكر يساعدني يكون عن تجربة او متاكد وواثق من كلامه لاني بسمع كلام كتير كل يوم انا خريج تجارة دفعة 2007 من اسكندرية وعايز اعرف ايه احسن مكان في اسكندرية ممكن اخد فيه كورسات في المحاسبةعلشان اثقل نفسي ولاقي حاجة اكتبها في السي في بتاعي وتبقي منظر حلو بدل ما هي فاضية يا ريت تقوليلي علي افضل الاماكن في دورات المحاسبة في اسكندرية بس ارجوكم يكون عن تجربة او سابق معرفة من اهل ثقة وشكرا ليكم جميعا