دورة فى المحاسبة المالية .. مقدمة

[koky_cola]

بسم الله الرحمن الرحيم

انشاء الله هحاول فى الدورة دى انى اشرح محاسبة مالية بالانجليزى Financial Accounting

تعالوا كدا نرجع بالتاريخ لايام العصور الوسطى , ايام ما كان الرحالة بيعمولوا رحالات بالسفن لاكتشاف العالم .

دلوقتى الرحالة هيسافروا بالسفينة , لازم ياخدوا على السفينة كل احيتاجتهم من مو ارد Resources سواء كانت اخشاب او حبال او فلوس او معدات .... ألخ

طبعا اكيد كانوا بيستلفوا بعض الاشياء من الناس , مقابل وعود منهم Promises انهم هيرجعوها

مش بس كدا , دا كمان كانوا بيقولولهم لما نرجع من الرحلة ليكم جزء او اسهم stocks من الحاجات اللى هنرجع بيها .

نفس الحكاية مع المحاسبة المالية , كلنا عارفين ان المعادلة المحاسبية Accounting Equation هى :

كود:

الأصول = الخصوم ( الالتزامات ) + حقوق الملكية

كود:

Assets = Liabilities + Owners equity

طيب تعالوا كدا مع بعض نشوف المعادلة المحاسبية بتتكون من ايه ؟؟؟ ... هنلاقيها بتتكوت من 3 اشياء هى :

Assets: ودى الاصول المتاحة لدى الشركة و يمكن أن نطلق عليها Resources مصارد .

Liabilities : ودى التزامات الشركة للغير , ويمكن ان نطلق عليها Promises وعود .

Owners equity : ودى حقوق ملكية المساهمين فى الشركة .

يبقا احنا النهاردة فى المقدمة دى اتعملنا المصطلحات الاتية :

1 - Financial Accounting : يعنى محاسبة مالية .

2 - Accounting Equation : يعنى معادلة محاسبية .

3 - Assets : يعنى الأصول .

4 – Liabilities : يعنى الخصوم او الالتزامات .

5 - Owners equity : يعنى حقوق الملكية .

** و من القواعد اتعلمنا شكل المعادلة المحاسبية باللغة الانجليزية :

كود:

Assets = Liabilities + Owners equity

انشاء الله لو المقدمة عجبتكم ... هنكمل الدورة .. وهنبدا باول درس و هوة عن الاصول Assets

[melghany]

اسلوب بسيط و جميل

جزاك الله خيرا

[kamalgawesh100]

السلام عليكم

مرحبا بك أخي الكريم في منتدانا الغالي وإلى الأمام دائما فحن مع كل من يريد أن يفيد ويستفيد

نفع الله بعلمك وجزاك الله خيرا

[حمود]

لو سمحتوا ياشباب الى قد أختبر في الزمالة السعودية للمحاسبين القانونيين عندى أستفسارات ودى اسئلة عنها

[koky_cola]

مشكورين على مروركم و ردكم الطيب

المقدمة هى بسيطة حتى تكون سهلة الفهم فى الاول و انشاء الله الدروس بالتدريج هيبقا فيها كمية اكبر بمرور الوقت .

تحياتى ,,

محاسب / احمد عبد القوى

[علي ابراهيم]

ممتاز وللإمام .

مع مراعات الكتابة بلغة عربية قدر المستطاع.

ونريد التعمق في عمق المحاسبة المالية والمحاسبة المتوسطة والمتقدمة.