السلام عليكم جميعا .. اريد المساعدة

[امجد]

أولا : احب اعرفكم بنفسي .. انا امجد .. محاسب مبتدئ

أحب اشكر القائمين على الموقع بقبولي كعضو .. .. كما امل ان يكون عون وسند لي في الاستفسارات والتعلم

اول طلب .. واعذروني

انا استلمت بالاضافة الى عملى . . . شركة صغيرة اصمم نظام المحاسبة فيها واشرف على عملية المراجعة

المشكلة اني محتار ايه يكون النظام الصحيح والاساس اللي امشي عليه خطوة خطوة من تصميم دليل الحسابات المناسب . . وايه المستندات اللي امسك بيها بعملية المراجعة وغيره

طلبي .. كيف اضع نظام محاسبي للشركة ( شركة مناسبات )

شكرا ليكم جميعا

وشكرا لردودكم المسبقة

[tamer2002]

الأول ايه هو نوع الشركة اللي انت عاوز تعمل لها نظام أو دليل محاسبي لأن الموضوع هايختلف مثلا لو شركة لها فرع واحد أو عدة فروع ونشاطها صناعي أو تجاري أنا ممكن أعملك الدليل كويس جدا بس قولي النشاط أيه ...

[امجد]

هيا زي ماقلت شركة مناسبات افراح وورود وتصميم وتصوير وشكولاتات شغلات متل هيك لايوجد لها اي فروع شكرا لردك

[tamer2002]

بص ياعمنا أنا شايف انها كدة تعتبر حاجة صغيرة قوي يعني مافي داعي تتعب نفسك في دليل به مراكز تكلفة وكنت سألتك على الفروع علشان السبب دة وهارسل ملف إكسل فيه الدليل وممكن نعدل فيه سوا بعد كدة

أما كدورة مستندية

السؤال التاني هل هاتستخدم برنامج معين ( كمبيوتر ) والا هاتشتغل يدوي ؟

لو كان الشغل يدوي طبعا عملية هاتكون مرهقة شوية لأنك لازم يكون عندك

1-دفتاتر أستاذ مساعدة للحسابات الفرعية

2-دفتر أستاذ عام

3-دفتر اليومية العامة ودة منه بتقدر تعمل ميزان المراجعه ومن الميزان بتقدر تعمل الميزانية والأرباح والخسائر

4-دفتر لقيود اليومية ( فيه شكل مخطط للقيد تكتب فيه يوميا القيود )

5-سندات صرف لتسجيل أي حاجة تخرج من الخزنة

6-سندات قبض لتسجيل أي حاجة تقبضها نقدا

7-فواتير بيع علشان تسجيل كل العمليات البيعية ومنها تقدر تعمل قيد لحركة المبيعات اليومية .. إذا كانت المبيعات تتم من خلال فواتير سواء للقيام بخدمة أو بيع بضاعة ( الشيوكلاته )

8-ممكن تحتاج تصميم معين لحركة اليومية تعملة بالاكسل أو تطبع مستندات لشكل حركة المبيعات اليومية ( تسجل فيها الفواتير(كاش -آجل) بالتفصيل وتسجل نوع الفاتورة (هدية - مبيعات - مردودات مبيعات - خدمات ) وكذلك طرق الدفع لكل يوم ( نقدا - شيك - شبكة - أ.أكسبري - فيزا ... وهكذا) لكن السؤال المهم عندك مخزون واللا لأ ؟

9-لو فيه عندك مخزون هاتحتاج دورة مستندية تانية للمخازن وبعد كدة طريقة للبرط بالحسابات

10-طلبات شراء في حالة وجود مخزون - أما إذا كان الشراء يتم بناء على طلب العميل ( يعني مثلا فيه فرح فعميل طلب تزيين سيارة أو ورود أو طاولة ملكة ) بيكون فيه عربون قام بدفعه واستلم سند قبض من خلال سند القبض يتم الشراء - ويفضل وجود فاتورة عرض أسعار ( ودي فاتورة تعطى للعميل فقط علشان يشوف فيه الأسعر ويختار منها المطلوب ويتم من خلالها البدء في العمل على طلبه .. سواء تجهيز أطباق الشيوكلاته مثلا أو طاولة الملكة أو حتى تزيين )

ضروري عملية الشراء تكون مراقبة من خلال فاتورة أو سند قبض أو طلب شراء حسب الوضع عندك ومن خلال المستند دة سوف تكون المتابعة وحصر عمليات الشراء المرتبطة بعميل معين ..

11- أما إذا كانت عملية الشراء للحاجات دي تتم بغض النظر عن وجود طلب من عميل أو يكون فيه حد أدنى يعني من كل حاجة في المخازن ولو كانت ( قيم الحاجات دي صغيرة ) بيتم تسجيلها كمصروفات وفي نهاية كل شهر يتم اقفال نسبة معينة منها على تكلفة المبيعات النسبة دي تحددها بناء على معدل الصرف في المعتاد على كل حاجة ( مثلا طالة الملكة في الغالب بتكلف كذا ورود وكذا شيوكلاته وكذا تزيين ) فول كنت اشتغلت في 10 طاولات تقدر تعرف نسبة المنصرف أو تحدد مبلغ ثابت تضيفة لتكلفة الفعلية للمواد الي دخلت في طاولة الملكة

شوية الكلام دة فتحلك شوية مواضيع واستفسارات مني .. رد عليها علشان أقدر أكمل معاك ... بدل ما اقعد اتكلم في حاجات مش هي الحالة الفعلية لواقع الأمر معاك

[امجد]

انا راح اشتغل نظام يدوي لاول فترة بعدو ببلش ابحث عن برنامج اكيد راح اسالك تاني خليني بس ادرس كلامك وطريقة تنفيذه وبرجعلك اكيد على فكرة ماراح يكون فيه مخزون بشكرك كثثير ع المساعدة

[tamer2002]

قبل ما تنفذ ... اقرأ الأول ورد عليا في الحاجات اللي قلتها علشان أخلصلك دليل الحسابات انا اشتغلت فيه النهاردة سؤال كمان هل تحب تعمل مراكز تكاليف حسب النشاط واللا مش مستاهلة ؟ يعني مثلا ممكن تقدر تعمل كل نشاط كلف كام وصرف كام ومكسبك منه كام دة لو الموضوع مستاهل لو الحاكية أبسط من كدة خلاص تجاهل السؤال دة .. شوف باقي الكلام وقولي ايه ينطبق عليكم وبعد كدة هابعتلك ملف اكسل هايعجبك ان شاء الله عن الدليل وبإذن الله قريب هاعمل ملف فيه حسابات كاملة يعني تعمل قيد يومية وترحل القيد ويبقة عندك تقارير خسب الحساب وحتى الأرباح والخسائر والميزانية لكن عاوز شوية شغل مني بدأت فيه انما لسة ما خلص .. فنبدأ بالدليل وربنا معاك