tamer2002

الشكر لله يا عمنا لو احتجت اي حاجة في بارت تو الجديد تحت امرك أسألني وإن شاء الله إذا قدرت اساعدك أنت أو أي حد مش هاتأخر .. تأكد من ذلك .. أنا ذاكرت الجزء دة وباحل فيه حاليا اسئلة وربنا يسهل الفصل الثامن والتاسع 50% من الامتحان منهم ... والعاشر يعتبر نظريات أنا فضلت احط مشاركاتي هنا ومارضيتش أفتح موضوع جديد علشان أي حد عاوز يشوف ملفاتي ومشاركاتي القديمة يقدر يجيبها كلها .. وربنا يوفق الجميع

نسيت أقولكم ان اليونيت 6 و 7 طوال شوية و7 بالذات كله نظري وأنا تعبت في تلخيصة انما والله عرفت أحل شوية بمساعدة التلخيص دة خصوصا في الجزء الخاص بالافلا س والتجارة الدولية وسعر العملة واندماج الشركات ... كمان سبب رئيسي في عمل الملخص هو انك تجمع المعلومات نظرا لكثرة المعلومات في هذا الجزء بتخليك تنسى أصلا الجزء دة بيتكلم عن ايه ... ( للعلم معظم هذا الجزء من الجزء الأول القديم في اول 3 فصول وبعد كدة شبة الجزء الثالث القديم ) هذه هي أهم الموضوعات في الجزء الثاني وهي مقسمة حسب الفصول وفي الجدول الثاني مقسمة حسب عدد الأسئلة في الامتحان ( غن شاء الله ) وذكرت هنا فقط 81% وهي النسبة الأكبر وال 19% الباقية منها 5% الفصل 10 و 14% أسئلة متنوعة من باقي الفصول ...ويوجد جدول ثالث .... في الأسفل يوضح ال 100 سؤال مرتبين حسب الفصول والله أعلم طبعا .. فقط إعتمادنا كان على عدد الأسئلة في السي دي واستنتجنا هذه الجداول ولكن العلم عند الله في الأول وفي الآخر ... المواضيع بتتنسي بشكل غير عادي ومحتاجين نعرف اهم الموضوعات كعناوين على الأقل .. وحبيت اشركوا فيما توصلنا إليه .. لعله صح أو به نسبه خطأ صغيرة ... لكن بالتأكيد عدد الأسئلة والنسبة التي ذكرت في جلايم لكل فصل كان لها الدور الأكبر في هذا الاستنتاج .. ملاحظة : السي دي .. قلت أجرب أختار 100 سؤال عشوائي وأشوف النتيجة هايطلع كام من كل فصل ( وكررت الموضوع كذا مرة فقط أشوف الأسئلة حسب ترتيب جلايم جاية منين ؟ ) لقيت إن نسبة من 58% الى 66% من الأسئلة بتيجي من الفصل 1 حتى 7 وال 42 أو 34 الباقيين من التامن لحد العاشر .. ودة قد يعني أنهم لما قالوا الفصل 8 عليه 25% يبقى أكيد فيه سؤال مقالي واحد (على الأقل) هاييجي من الفصل التامن والتاسع .. والله أعلم ربنا ينفعنا وإياكم بما نتعلمه .. ودعاوتكوا ..

CMA Part2 2010 فية تلخيص لبارت 2 الجديد لحد الفصل السابع أنا عملته .. التلخيص دة عبارة عن القوانين كلها وبعض الحاجات المهمة النظري .. وعملته على شكل مطوية يعني الورق يتم ثنيها شكل زجزاج على 3 وممكن للناس انها تطبعها على ورق كبير أو صغير وممكن تحط كل ورقتين وش وظهر مع بعض وتغلفها بالبلاستيك زي الكارنيهات كدة وتبقى جمبك دايما وقت حل الأسئلة دة الملف وهو بصيغة أوفيس الناشر علشان أي حد عاوز يعدل .. هو بس حجمة كبير http://www.4shared.com/file/sqHp0S-h/cma_12.html ودة كل يون على شكل صورة .. لكن طبعا مش هاتكون بنفس الدقة لو طبعت من الملف الأصلي لانك كمان ممكن تكبرها .. دة مثال على اللي أقصدة وممكن تنزل الملفات كلها من الفولدر بتاعي .. انا عاملة كله شير للجميع هاتسهلك كتير بس طبعا لازم الأول المذاكرة أو قراءة سريعة للملزمة الخاصة بالفصل وبعد ما تبدأ تحل تخلي الورق الملخص جمبك ومع التكرار هاتلاقي نفسك بتحل منها .. ولو صادفت ولقيت أي حاجة مش موجودة في الورق ممكن تضيفها أنا سايب كام مربع فاضيين تقدر تضيف فيها اللي انت عاوزة دة لو نزلت ملف الأوفيس الأصلي اللي فيه كل التعديلات ممكنة .... هاتلاقو في الفولدر بتاعي ملفات تانية كتير مفيدة ... عن المنهج الجديد 2010 وشكرا ودعواتكو .. في رمضان

أنا كنت باترجم وكنت بادور في النت بالاضافة لشرح خاص مني لأوضح الأفكار .. لكن حاليا أنا اكتفيت بمذاكرة هذا الجزء في بارت 2 القديم ودخلت على النظام الجديد اللي هو 2 جزء والحمد لله اني ما كملتش كتير لان التكاليف والموازنات هما ما بقي من الجزء القديم في الجديد في الجزء الأول ... وبعض الحاجات عن ادارة الكاش والمخزون والمدينون والأصول المتداولة .. فأنا حاليا مركز على النظام الجديد مع اني عارف انه صعب .... لكن موضوع التوسع في الترجمة والشرح أدركت انه مش لازم بالشكل اللي كنت باعملة في الأول .. ويكفي تفهم بعض النقاط اللي تساعدك في الحل للأسئلة والحل الكتير هو الحل الأمثل مع الفهم الحد الأدنى والحل هايفهمك أكتر و هانزلك الجزء الجديد كلة على اللينك القديم هاعمل فولدر مخصوص للجزء الجديد وهاحط فيه ملفات للي عاوز ينزلها .. وربنا يوفق الجميع وداعوا لي ربنا يقدرني على أني أفهم وأقد أعدي ...

شكرا معلش عذرا علشان ما كملتش انما ان شاء الله هاكمل على الأقل الجزء التاني ولو إن فيه ناس قالوا لي ان موضوع الترجمة مش مفيد علشان كدة جالي احباط انما ان شاء الله هاكمل وربنا يكرم الجميع

أخبار الناس ايه كلهايارب الجميع يكونوا بخير أرجوا ممن قرأ الملزمة الأولى أن يخبرني إذا كانت مفيدة أم لا وإذا كان الأسلوب والترجمه بها أخطاء أو أي ملاحظات .. والاهم من ذلك هل استطاع أن يحل الأسئلة بعد قراءته للملزمة ؟ فقط للاسترشاد أريد الرد لمن قرأ فعلاً واستفاد أو لم يستفيد ويذكر لي الأسباب إن أمكن لأتجنب أخطائي أو في حالة عدم الاستفادة لاتوقف عن التكملة بهذا الأسلوب يوجد الموضوع الثاني وهو الخاص بالتكاليف قمت بعمل نفس الطريقة فيما يتعلق بالجزء الثاني ( Cost Management 25% © هذا الجزء يمثل 25% من الأسئلة في الاختبارات وفضلت أن أجمع كل الأجزاء في توبيك واحد بالرغم من ان عنوان التوبيك نفسه زي ما هو عن الموازنات التقديرية علشان ما يكونش فيه أكتر من موضوع والناس تلاقي كل الملازم هنا أوامر التشغيل أو (03 Job-Order Costing, Overhead Costs, and Service Department Allocation) http://www.4shared.com/file/78237329/b6c34216/03-_.html وفيما يتعلق بطرق قياس التكاليف أو ( 04 Process Costing and Other Cost Accumulation Systems ) http://www.4shared.com/file/87154843/3810a9ca/04-__.html أما الملزمة الأولى المتعلقة بالمفاهيم أو (02 Cost Management Terminology and Concepts ) فأنا هاترجمها برضة ان شاء الله ولكن بالتوازي مع حل الأسئلة علشان ما نضيعش وقت كتير وأصلا كل المفاهيم مرت علينا في الملزمتين الي فوق أرجوا الرد لمعرفة ما إذا كان الأمر مفيد للجميع أم لا .. على العموم أنا قرأت أيضا موضوع الخاص بتكنولوجيا المعلومات واتضح لي أنه موضوع ليس كما كنت أتوقع فيما يتعلق بالسهولة حيث أنني مبرمج كمبيوتر ولدي معلومات جيدة عن البرمجة والانترنت والشبكات وقواعد البيانات .. لكني فوجئت بصعوبته وبالتالي قدرت مدى المشكلة بالنسبة للآخرين فيما يتعلق بهذا الجزء ...و لذلك سوف أبدأ في الترجمة ومحاولة عمل اضافات للشرح في ضوء ما لدي من خبرة لمحاولة التسهيل قدر ما أستطيع إن شاء الله وكما فعلت في الموضوعات السابقة .. أقوم بحل الأسئلة الخاصة بالتكاليف وسوف أضع الرابط الخاص بشرح المسائل فور الانتهاء منها بإذن الله ( كما سوف أعدل في الملزمتين دول إذا وجدت أسئلة مش موجودة في الشرح أو أسئلة حلها غير واضح أو بتكرر كتير وسوف أكتبها باللون الرمادي كما اتبعت نفس الأسلوب في الملزمة الأولى الخاصة بالمزاونات التقديرية وإذا قمت بأي تعديل وسوف أبلغكم برسالة جديدة هنا حتى لا تقومون بتنزيل الملف أكثر من مرة إلا لو فعلا لو كنت قد قمت بعمل تعديل معين ) ربنا يوفق الجميع وشكراً

الحل أهو ولكن يفترض أنك تفهمي الخطوات دي كلها سهلة اقفي على عمود الربح أو عمود الخسائر علشان تعرفي اتحسبت ازاي الخسائر انك تضربي عدد الأسهم في قيمة السهم في نسبة الخسارة وهي 0.1 وكذلك الأرباح= عدد الأسهم في قيمة السهم في ربح السهم الواحد وهو 0.2 الصافي هي عاملة ليكي المعادلة جاهزة يعني ( عدد الأسهم * قيمة السهم ) + الأرباح - الخسائر التنسيق سهل من انك بتختاري من القائمة فوق تنسيق(format) ثم أرقام (numbers) النوع عملة (currency) ثم تختاري العلامات العشرية 2 والعملة رمزها الدولار الترتيب أسهل من فرز (Sort) تختاري تنازلي (Descended) وتختاري اسم العمود اللي مفروض هاتفرزي أو ترتبي بيه والمطلوب عمود (عدد الأسهم ) الخريطة برضة سهلة جدا تعلمي على أول عمودين من فوق من عند الحرف وتكوني متكية على كونرول تعلمي تتكي بالمواس على العمود الأخير الصافي وبعدها تتكي على الأيقونة الخاصة بالخريطة هاتبدأ خطوات تمشي معاها كلة تختاري شكل الدائرة ثم موافق هاتترسم الخريطة تغيير اللون بانك تقفي على الخلفية وتتكي مرتين تقدري بعدها تغيري لون الخلفية لو قيم ماظهرتش على الخريطة بتقكي على الدايرة المرسومة الزر هاتظهر قائمة اختاري منها تنسيق البيانات ومن جوة اتكي على (Data label ) أو عناوين مش عارف بالعربي تبقى ايه المهم هاتظهر مربعات جمبها (الاسم - النسبة - القيمة ... إلخ ) اختاري انك تعلمي في المربع الخاص بالقيم أو (Value ) ودة الملف .. لكن لازم تعرفي تتعلمي تعمليها لوحدك ... لو عاوزة تفاصيل ممكن اقولك بس لازم تجربي تعمليها لوحدك ... لو كان واجب وإلا مش هاتتعلمي أكسل .. وربنا معاكي http://www.4shared.com/file/77214285/da6500e7/_online.html?dirPwdVerified=67d3790b

طب ورينا مثال لمسائل أو ايه المطلوب يعني بالظبط ولو أنا أعرف حاجة هاقول على طول ..

الأخ العزيز mmelhamy وكل الأخوة الأعزاء في هذا المنتدى أي حد هاينزل الملفات دي .. لا تشكرني قولي الأول أهم حاجة فهمت حاجة ؟ أقرأ الأول وشوف بعدها هاتقدر تحل حاجات ماكنتش بتعرف تحلها ؟ هل فيه سؤال مالقيتش شرح مكتوب عنه في المذكرة علشان لو كدة نضيفة (طبعا ماأقصدش الأسئلة اللي ماعرفتهاش لكن السؤال الي مالوش أي حاجة تدل عليه أو معلومة توضحة في الشرح).. والمسائل لسة شغال فيها مع مذاكرة التكاليف كل يوم با أحل شوية وهارفع الملف لما أوصل ل 50 سؤال إن شاء الله .. ونفس الطريقة برضة مش عاوز أي حد يشكرني .. عاوز فقط تشوفوا بعد ما تقروا مثلا أول 10 أمثلة حد عارف يحل .. الأسئلة دي من هوك .. و على فكرة أنا هاعمل ملف أكسل بإذن الله قريب فيه برمجة (ماكرو يعني) ويكون فيه أسئلة جليم كلها وحلولها لكن في شكل اختبارات علشان نقدر بعد ما نحل الأمثلة دي نجرب نفسنا في أسئلة جليم لكن لسة باجمع في الملف المشكلة اني مش عارف أخلي كل أسئلة لوحدها(أقصد أقسمها حسب الموضوع) لان الاسئلة عن بارت تو على بعض لكن ان شاء الله هالاقي حل ... دعواتكو مش طالب غير كدة وأنا لن أبخل بأي حاجة عرفتها على أي حد في الدنيا .. ولا أطلب رسايل شكر.. أدعوا لي بس ربنا يقويني على الباقي .. و خلونا في الجد .. أنا عاوز الناس تكون كلها عاوزة تفهم وترفع مستواها من أجل دينها ونفسها وبلدها لأن انت لما تطور نفسك ( حتى لو مادخلتش الامتحان ) برضة تاخذ ثواب طالب العلم ... معلش أنا باراجع يوميا وأي حاجة باكتشفها هاكتبها هنا .. فيه تعديل في شرح الحل في مثال رقم 3 كان فيه خطأ الحل النهائي صحيح لكن خطأ في مخزون أول وآخر المدة بدلت دة مكان دة أرجواالمعذرة ... أنا رفعت الملف بعد التعديل وسأظل على هذا المنوال لو قمت بأي تعديلات أو لو حد كمان أكتشف أي خطأ يبلغني .. هي مذاكرة في النهاية وأكيد قد أخطئ ولكن باحاول أشرح لنفسي الحل وليكو أو ( أمنطقة )علشان بعد كدة نقدر نجمع أفكار كل الأمثلة في ملخص واحد ... مثال رقم 3 المطلوب في هذه المسألة معرفة الكمية الواجب شراؤها من المكون B12 تمثل كم ضعف من الكمية الاقتصادية للطلب وهي 70.000 وحدة رصيد مخزون أول المدة + المشتريات = المبيعات + رصيد مخزون آخر المدة المشتريات = المبيعات + رصيد مخزون آخر المدة - رصيد مخزون أول المدة وبما إن المكون B12 بدخل في انتاج المنتجين يجب أن نقوم أولاً بحساب تلك المعادلة مرتان ( لكل منتج نهائي ) على حدة المشتريات من منتج 1 = 96.000 + 1000 – 800 = 96.200 المشتريات من منتج 2 = 130.000 + 900 – 2150 = 128.750 والآن وبما أن الممنتج 1 يحتاج ل 1 وحدة من المكون B12 والمنتج 2 يحتاج ل 4 وحدة من المكون B12 كما هو مذكور في نهاية المسألة لمعرفة الكمية التي نحتاجها من هذا المكون للانتاج نقوم بضرب عددوحدات الانتاج التام x عدد الوحدات اللازمة للانتاج من المكون B12 المنتج 1 = 96.200 * 1 = 96.200 المنتج 2 = 128.750 * 4 = 515.000 اذا فإن اجمالي الكمية المطلوب شراؤها من المكون B12 للوصول الى الانتاج هو 611.200 وحدة وتمثل تتلك الوحدات 9 أضعاف كمية الطلب الاقتصادية والتي هي 70.000 كما هو موجود بالمسألة ووصلنا لذلك عن طريق قسمة عدد الوحدات المطلوب شراؤها على كمية الطلب الاقتصادية 610.800 / 70.000 = 8.7 أي 9 أضعاف

أعتقد ان الموضوع هايكون صعب بس أحلى حاجة إن واضح انك بتحبيه جداً .. يعني تدخلي نفسك في موضوع محاسبة وضرايب وسنة ثالثة ودي مش دراستك أصلاً .. طب فاهمة حاجة ؟ وبعدين لما هاتحلي له دلوقتي والامتحانات بعد كدة ... الأفضل تعملي له ملخصات .. بس دة بيتطلب فهم كويس جدا علشان تقدري تلخصي ... معلش الموضوع أعتقد انه صعب مش با احبطك لكن .. دي الحقيقة .. انما مش مستحيل .. و أحب أسجل إعجابي بمحاولة مساعدتك ليه وربنا يوفقه ويوفقك

قبل ما تنفذ ... اقرأ الأول ورد عليا في الحاجات اللي قلتها علشان أخلصلك دليل الحسابات انا اشتغلت فيه النهاردة سؤال كمان هل تحب تعمل مراكز تكاليف حسب النشاط واللا مش مستاهلة ؟ يعني مثلا ممكن تقدر تعمل كل نشاط كلف كام وصرف كام ومكسبك منه كام دة لو الموضوع مستاهل لو الحاكية أبسط من كدة خلاص تجاهل السؤال دة .. شوف باقي الكلام وقولي ايه ينطبق عليكم وبعد كدة هابعتلك ملف اكسل هايعجبك ان شاء الله عن الدليل وبإذن الله قريب هاعمل ملف فيه حسابات كاملة يعني تعمل قيد يومية وترحل القيد ويبقة عندك تقارير خسب الحساب وحتى الأرباح والخسائر والميزانية لكن عاوز شوية شغل مني بدأت فيه انما لسة ما خلص .. فنبدأ بالدليل وربنا معاك

بص ياعمنا أنا شايف انها كدة تعتبر حاجة صغيرة قوي يعني مافي داعي تتعب نفسك في دليل به مراكز تكلفة وكنت سألتك على الفروع علشان السبب دة وهارسل ملف إكسل فيه الدليل وممكن نعدل فيه سوا بعد كدة أما كدورة مستندية السؤال التاني هل هاتستخدم برنامج معين ( كمبيوتر ) والا هاتشتغل يدوي ؟ لو كان الشغل يدوي طبعا عملية هاتكون مرهقة شوية لأنك لازم يكون عندك 1-دفتاتر أستاذ مساعدة للحسابات الفرعية 2-دفتر أستاذ عام 3-دفتر اليومية العامة ودة منه بتقدر تعمل ميزان المراجعه ومن الميزان بتقدر تعمل الميزانية والأرباح والخسائر 4-دفتر لقيود اليومية ( فيه شكل مخطط للقيد تكتب فيه يوميا القيود ) 5-سندات صرف لتسجيل أي حاجة تخرج من الخزنة 6-سندات قبض لتسجيل أي حاجة تقبضها نقدا 7-فواتير بيع علشان تسجيل كل العمليات البيعية ومنها تقدر تعمل قيد لحركة المبيعات اليومية .. إذا كانت المبيعات تتم من خلال فواتير سواء للقيام بخدمة أو بيع بضاعة ( الشيوكلاته ) 8-ممكن تحتاج تصميم معين لحركة اليومية تعملة بالاكسل أو تطبع مستندات لشكل حركة المبيعات اليومية ( تسجل فيها الفواتير(كاش -آجل) بالتفصيل وتسجل نوع الفاتورة (هدية - مبيعات - مردودات مبيعات - خدمات ) وكذلك طرق الدفع لكل يوم ( نقدا - شيك - شبكة - أ.أكسبري - فيزا ... وهكذا) لكن السؤال المهم عندك مخزون واللا لأ ؟ 9-لو فيه عندك مخزون هاتحتاج دورة مستندية تانية للمخازن وبعد كدة طريقة للبرط بالحسابات 10-طلبات شراء في حالة وجود مخزون - أما إذا كان الشراء يتم بناء على طلب العميل ( يعني مثلا فيه فرح فعميل طلب تزيين سيارة أو ورود أو طاولة ملكة ) بيكون فيه عربون قام بدفعه واستلم سند قبض من خلال سند القبض يتم الشراء - ويفضل وجود فاتورة عرض أسعار ( ودي فاتورة تعطى للعميل فقط علشان يشوف فيه الأسعر ويختار منها المطلوب ويتم من خلالها البدء في العمل على طلبه .. سواء تجهيز أطباق الشيوكلاته مثلا أو طاولة الملكة أو حتى تزيين ) ضروري عملية الشراء تكون مراقبة من خلال فاتورة أو سند قبض أو طلب شراء حسب الوضع عندك ومن خلال المستند دة سوف تكون المتابعة وحصر عمليات الشراء المرتبطة بعميل معين .. 11- أما إذا كانت عملية الشراء للحاجات دي تتم بغض النظر عن وجود طلب من عميل أو يكون فيه حد أدنى يعني من كل حاجة في المخازن ولو كانت ( قيم الحاجات دي صغيرة ) بيتم تسجيلها كمصروفات وفي نهاية كل شهر يتم اقفال نسبة معينة منها على تكلفة المبيعات النسبة دي تحددها بناء على معدل الصرف في المعتاد على كل حاجة ( مثلا طالة الملكة في الغالب بتكلف كذا ورود وكذا شيوكلاته وكذا تزيين ) فول كنت اشتغلت في 10 طاولات تقدر تعرف نسبة المنصرف أو تحدد مبلغ ثابت تضيفة لتكلفة الفعلية للمواد الي دخلت في طاولة الملكة شوية الكلام دة فتحلك شوية مواضيع واستفسارات مني .. رد عليها علشان أقدر أكمل معاك ... بدل ما اقعد اتكلم في حاجات مش هي الحالة الفعلية لواقع الأمر معاك

الأول ايه هو نوع الشركة اللي انت عاوز تعمل لها نظام أو دليل محاسبي لأن الموضوع هايختلف مثلا لو شركة لها فرع واحد أو عدة فروع ونشاطها صناعي أو تجاري أنا ممكن أعملك الدليل كويس جدا بس قولي النشاط أيه ...

السلام عليكم ورحمة الله وبركاته أنا الأيام دي بأذاكر الجزء الثاني .. لكن براحتي شوية المهم أنا عملت ترجمة ومحاولة للشرح لنفسي وأنا با أذاكر ممكن تكون ترجمة خطأ أو ضعيفة لكني عن طريقها فهمت الموضوع كويس وأضفت شوية أسس وأنا باكتب الترجمة لنفسي الأولى هي أني لونت الكلمات اللي مش عارفها باللون الأحمر وترجمتها بنفس اللون مع تكرار التلوين في أحيان كثيرة لو كنت مش فاهم معنى الكلمة (فيه موقع بافتحة جمبي وانا باذاكر للترجمة هو http://www.ebnmasr.net/wtranslate/) بيساعدني كتير جدا ربنا يجازي من عملة خير عنا حطيت خطوط تحت الحاجات المهمة أو اللي أنا شفتها مهمة بلون أسود أضفت معلومات عن طريق ( 1 - البحث في الانترنت 2- وعن طريق خبرتي في العمل 3 - عن طريق فلاش كارد من شركة Morrison media ) كل الاضافات كتبتها باللون الأزرق أضفت ملاحظات بعد ما حليت أسئلة كتاب هوك يعني الأسئلة الي واضحة في الشرح أصلا أو اللي ممكن تحلها من خلال قراءة الترجمة لكتاب جليم ما عملتش أكثر من الخطوط كما ذكرت سابقاً . أما الحاجات اللي شفت ان الشرح ما كانش موضحها أضفتها باللون الرمادي استخدمت الألوان في الأمثلة لربط كل الأرقام المرتبطة ببعض في الأمثلة المترتبة على بعض في الشرح الفقرات الرئيسية تحت عنوان معين باللون الأخضر لتمييزها في المسائل حاولت أربط بين الأفكار وإن شاء الله هايكون فيه ملخص لكل الأفكار بعد ما أخلص الأمثلة الباقية وكلها من كتاب هوك .. ولو لقيت حاجة أو فكرة جديدة هاحدث الملف دايماً إن شاء الله أنا بدأت ف التكاليف Costing وإن شاء الله هاعملها بنفس الطريقة بس هابدأ بأوامر التشغيل لأني عندي خبرة فيه كويسة لأني اشتغلت فترة في مصنع مجوهرات أرجو من اللي يقرأ يقولي رأية .. يعني الترجمة لو فيها خطأ يقولي لأني ممكن أغلط لأني شغال مع نفسي ... لو فيه حد عنده فكرة يقولي أو يضيفها على الملف الأمثلة و المسائل لسة ما تمتش وإن شاء الله أوصلهم ل 100 مثال وفي النهاية ملخص بالأفكار كلها .. دعواتكو وربنا يوفق الجميع ... لو كنت ماشي غلط حد يقولي من الي سبق وأخدوا الشهادة لأني حاسس إني مطول .. لكن الحمد لله فهمت كويس جداً .. وقريت في مواضيع متشعبة في النت .. هل الطريقة صح أو خطأ .. أما اللي لسة بيذاكروا زي حالاتي وخاصة اللي ذاكروا الموضوع دة قبل كدة .. اللي يقرأ يقولي هل فيه حاجة جديدة شافها في الشرح أو المسائل ما كانش عارفها وفهمها ؟ أو هل فيه أسئلة في جليم مثلا حاول يحلها والاجابة مش موجودة في الشرح المرفق ؟ والمسائل هل كدة واضح الحل وهل شرح الحل سهل الفهم وبالتالي قدر يحل ؟ مهم جدا الملحوظات علشان أقدر أعرف أنا ماشي صح واللا غلط لأني كما قلت ماشي مع نفسي .... لكن داخل مش علشان آخد الشهادة فقط عاوز أفهم برضة أي موضوع كويس أه على فكرة أنا طبعا باشتغل وماعنديش وقت كتير للمذاكرة فالحكاية أخدت مني 3 أسابيع تقريبا لكن مش بتفرغ .. وشكرا للجميع أرجوا المعذرة للإطالة الشرح http://www.4shared.com/file/73127029/d76f3ab/__online.html أمثلة محلولة http://www.4shared.com/file/73126701/8c6868fb/___online.html