اخيراً وجدت وظيفة ولكن

[طالب علم *]

الحمد لله وجدت وظيفة محاسب ولكن هناك عدد من العيوب وأردت أن أستشيركم

سأرفق العيوب فى المشاركة القادمة لكى أتمكن من إستجماعها فهلا ساعدتمونى بمشورتكم أعزكم الله

[kamalgawesh100]

نحن في خدمتك أخي الكريم

[طالب علم *]

السلام عليكم ورحمه الله وبركاته

من ضمن عيوب الوظيفة ساعات عمل طويلة من 11 صباحاً إلى 11 ليلاً والراتب ليس مغرى بالدرجة التى تشجعنى على

الإنضباط به .

ساعات العمل الطويلة هذه لن تتيح لى فرصة للبحث عن عمل آخر

العمل فى محافظة أخرى وبعيد عن محافظتى وسأضطر إلى السكن يعنى تكاليف سكن ومواصلات وأكل

لاحظت أن العمل فى الشركة على برنامج جاهز ولا يوجد إهتمام بالعمل الدفترى

حاسس بإنى مش هاستقر فى وظيفة زى دى والنتيجة تضيع شهور أخرى

الشىء الأغرب إن الوظيفة دى حصلت عليها عن طريق واحد معرفة وإن الجرى على المقابلات ما جبش همه

أنا محتاج رأيكو .....

[mrsherifali]

عزيزي

اولا في معلومات كتيييير ناقصة عشان نقدر نفكر معاك او نحاول ننصحك في الموضوع ده منها مثلا اسم الشركة وحجمها واسم البرنامج ال انت شغال عليها وايه هي مهاراتك وخبراتك انت

وثانيا وده المهم انك انت اكثر انسان ممكن تساعد نفسك لانك ادري واعلم بكل الظروف والملابسات المحيطة بك غير كده تخطيطك انت لمستقبلك واحساسك بالجو ال حواليك

اتمني اني اكون افدتك وتحت امرك في حاجة

[kamalgawesh100]

عزيزي

اولا في معلومات كتيييير ناقصة عشان نقدر نفكر معاك او نحاول ننصحك في الموضوع ده منها مثلا اسم الشركة وحجمها واسم البرنامج ال انت شغال عليها وايه هي مهاراتك وخبراتك انت

وثانيا وده المهم انك انت اكثر انسان ممكن تساعد نفسك لانك ادري واعلم بكل الظروف والملابسات المحيطة بك غير كده تخطيطك انت لمستقبلك واحساسك بالجو ال حواليك

اتمني اني اكون افدتك وتحت امرك في حاجة

السلام عليكم

انا شايف الأخ شريف قام بالواجب وفعلا قبل ما ترفض هذه الوظيفة هل هناك فرص احسن منها وطبعا الفرص بتتوفر على حسب خبرتك ومهارتك ولغتك وقبل دا كله مؤهلاتك وطبعا كل دي ارزاق وما عليك إلا السعي المشروع

أنصحك بأن تقوي نفسك في المهنة وفي اللغة وفي الحاسب وبعدها تفكر في قبول او رفض أي وظيفة فبدون هذه الأسلحة لن تتمكن من المفاضلة وسيكون المعروض قليل

وفق الله الجميع لما يحب ويرضى