حد يعرف احسن مكان لدورات المحاسبة في اسكندرية؟؟؟ ((مساعدة))

[zoma87]

يا جماعة انا طالب مساعدتكم ويا ريت اللي يفكر يساعدني يكون عن تجربة او متاكد وواثق من كلامه لاني بسمع كلام كتير كل يوم

انا خريج تجارة دفعة 2007 من اسكندرية وعايز اعرف ايه احسن مكان في اسكندرية ممكن اخد فيه كورسات في المحاسبةعلشان اثقل نفسي ولاقي حاجة اكتبها في السي في بتاعي وتبقي منظر حلو بدل ما هي فاضية

يا ريت تقوليلي علي افضل الاماكن في دورات المحاسبة في اسكندرية

بس ارجوكم يكون عن تجربة او سابق معرفة من اهل ثقة

وشكرا ليكم جميعا

[compo73]

احسن مكان للمحاسبة هو اكاديمة النقل البحرى فى ميامى بها كورسات حلوة ومهمة سلمى على مصر يا طيب وخصوصا سيدى بشر

[lovely girl]

بص انا من اسكندرية بس والله اسمع عن الاكاديمية العربية للعلوم و التكنولوجيا انها كويسة جدااا

وعلشان تدرس cma وهى شهادة مهنية مهمة

وجمعية جيل المستقبل بس دى فيها برنامج للمهارات الاساسية وانجليزى محادثة

س بصراحة الاحسن ليك انك تتدرب عند مكتب محاسب

لانك هتتدرب على شغل عملى وهتاخد خبرة

وياريت تتاكد لان اغلب اماكن الكورسات والدورات كلها بقيت نصب ونهب من الناس

ودور على المراكز المتخصصة الموثوق فيها

وان شاء الله ربنا يوفئك

[melghany]

السلام عليكم

انا عن تجربة اخذت كورس محاسبة فى( مركز اياك) فى اسبورنج الصغيرة على الاترام

و استفدت منه جدا جدا الكورس عبارة عن الدورة المستندية ابتدأ من الفاتورة حتى إعداد الميزانية العمومية

و بعدين كورس إعداد الميزانية على الاكسل و غير ذلك من المعلومات المفيدة يعنى حتحس ان الكورس

بيلخص لك مواد المحاسبة التى درسنها فى الاربع سنوات الكلية - كان الكورس ده ب 750 جنية لمدة ستة

شهور تقريبا انا عن نفسى للاسف لم اكمل الجزء الخاص بالميزانية على الاكسل نظرا لظروف شغلى

دى تجرتى الشخصية و لك الاختيار

و طبعا انت محتاج كورسات فى الكمبيوتر و اظن احسن حاجة تعطى لك معلومات معقولة

على ما اظن هو دراسة شهادة ال Icdl معرفش فين بس الاكاديمية لها سمعة كويسة عاماَ

و الانجليزى طبعا مطلوب

ربنا يوفقك

السلام عليكم