أي خبير اكسل لو سمحتم

[t4m3r]

السلام عليكم ..أولا

أنا معنديش أي خبرة تذكر طبعا في برنامج الكسيل بس اديني شغال و بحاول

المهم اني اشتغلت ونزلت كتب و طبقت واتعلمت حاجات كتير اليومين اللي فاتو

بس مرة واحد وبدون مقدمات

حاولت النهاردة اكمل شوية مذاكرة و تطبيق

ولقيت حاجة غريبة بتحصل على الاقل بالنسبة لي

كل ما آجي أكتب رقم في خلية

وليكن 123

و بعد ما اضغط انتر او على خلية تانية

يحولي الـ 123

لــ 123E-197

و نفس الشيئ مع اي رقم

لكن مع البيانات الكتابية فبتمشي عادي

جربت اغير الفورمات و ادوات تانية جوة خواص الخلايا

لكن برده مفيش فايدة

يا ريت لو حد يعرف ازاي احل المشكلة يقوللي

و جزاه الله خيرا

[hazimhsn]

بص يا عم t4m3r

لازم تعرف أمر Format Cells

تقف على أي عدد من الخلايا إنت عايزها وتعمل كلك يمين هتظهر لك قائمة تحتوي على خيارات عديدة هتلاقي أمر Fotmat Cells إختارها

هتظهر لك مربع به عدة خيارات

إختار Number

هتلاقي قائمة مكتوب فيها تحت بعضهم

General

Number

Currency

غيرهم

إختار Number

هتلاقي الأمور مشيت معاك تمام

طيب لو عايز تكتب 0125

لو إخترت الفورمات Number هتلاقي الرقم هيظهر عند 125

طيب لازم تختار Text

وشد حيلك وربنا يكرمك

وأعلم أن الله لا يضيع أجر من أحسن عملا

[t4m3r]

شكرا على سرعة الرد يا أستاذي الجميل

و جربت لكن للأسف لم تجدي التجربة نفعا

هو شكلي عكيت في حاجة و هيا اللي ملخبطة الدنيا

و المشكلة ان نسخة الاوفيس عندي مرفقة مع الويندوز ومعنديش نسخة اوفيس مستقلة

و الا كنت ريحت دماغي وعدت التسطيب وخلاص

مقدر مجهودك أستاذي الكريم

و أنا هحاول مرة تانية و اشوف انا بالظبط لعبت في ايه

و ربنا يوفقني ان شاء الله

وشكرا على النصيحة الغالية يا غالي

[السعادة و الحياة]

السلام عليكم و رحمة الله وبركاته

احتمال يكون حل الشكلة فى تنسيق الرقم

من شريط الادوات تختار تنسيق

يظهر مربع فيه تنسيق الخلية او الرقم او الحدود

تختار الرقم وبعد ذلك تختار العام للرقم وان شاء الله يزبط معك

[t4m3r]

شكرا على الرد و الاهتمام

لكن دا اللي عملناه و نصحني به الاستاذ حازم

بس بالانجليزي

شكرا كتير على اهتمامكم و انا الحمد لله لقيت المشكلة و حليتها

و كانت زي ما نته شايفين في الصورة

و الحمد لله شغال من الصبح دلوقتي

انا آسف كتير اني وجعت دماغكم

شكرا يا جماعة

[عمر المصري]

ممكن أعرف انت صورت البرنامج بايه وازاي؟؟ ضروري جداااا

[rafiko]

شيل العلامة من على المربع الابيض بجانب Fixed Decimal ودوس ok وقولنا النتيجة ايه؟

[hazimhsn]

ممكن أعرف انت صورت البرنامج بايه وازاي؟؟

ضروري جداااا

شفت يمين مع الضغط على F12

إرفع إيدك من على الشفت و F12

الضغط على Print Scrn / Sys Rq

الذهاب لإي صفحة وورد أو الذهاب للرسام وعمل Crtl + V

وتصبح معك صورة يمكنك التعامل معها.

هناك برامج يمكنك البحث عنها تحت عنوان( برنامج تصوير سطح المكتب)