مش عارف اعمل ايه !!!!!!!!!!

[baroudy79]

السلام عليكم يا جماعه انا فى مشكله و مش عارف اعمل ايه كنت شغال محاسب فى شركه و استقلت من حوالى 6 اشهر و من ساعتها لسه الشركه دى مأمنه عليا و اتصلت بيهم كذا مره و فى الاخر قالولى صاحب الشركه مش هايخرك من التامينات و هيفضل ربطك عنده و انا دلوقت جايلى شغل فى شركه تانيه و هما عايزين طبعا يأمنو عليا و طبعا مش هاينفع لانى متأمن عليا فى شركه تانيه و فى نفس الوقت انا مش عايز اعمل مشاكل فى الشركه القديمه دى عشان ليا قريب شغال فيها و صاحب الشركه هايضايقه لو انا اشتكيت انا مش عارف اعمل ايه فى الموضوع ده هل يوجد طريقه اخرج نفسى بيها من التأمينات من غير مشاكل و لا لازم الشركه القديمه دى هى اللى تخرجنى من عندها معلش يا جماعه انا عارف ان الموضوع بعيد عن المحاسبه بس انا فعلا فى مشكله و مش عارف اعمل ايه حسبى الله و نعم الوكيل ارجوكم من لديه خبره او معرفه بهذا الامر يفيدنى و جزاكم الله خير

[mismael]

عادة الموضوع ده بيحصل فى الشركات العاملة تحت نظام قانون المناطق الحرة واللى بيفرض نسبة عمالة مصرية مقابل العمالة الاجنبية الوافدة.

مش عارف الشركة بتاعتك نظامها كده ولا لأ يا اخى العزيز بس لو فعلا كده يبقى انت لازم تطالبهم باستمارة 6 فورا.. وده على كل حال حقك وكان لازم تتطالب بيه مع اخلاء الطرف.

لو الشركة دى عادية ومالهاش دعوة بنظام المناطق الحرة يبقى لازم تعرف السر وراء الموضوع ده.. وبرضه يجب ان تطالب باستمارة 6

اخر حاجة ممكن تعملها معاهم انك تقدم طلب لمكتب التفتيش التابع لمكتب التأمينات المسجلة الشركة لديه او تبعت الطلب للمكتب المركزى بشارع الالفى وترفق بيه صورة من الاستقالة وصورة من اخلاء الطرف وتوضح فيه انك تركت العمل لدى الشركة المذكورة بسبب الاستقالة وانها ترفض اخراجك من استمارة 2 الخاصة بها... وربنا معاك

واتمنى انك تحل الموضوع ده وديا عن قريب ان شاء الله...

[baroudy79]

شكرا اخى على الرد و الافاده ولكن الشركه مصريه و لا تعمل تحت قانون المناطق الحره وللاسف هما رفضو يدونى اخلاء طرف و اضطريت امشى لانى كنت مرتبط بمكان اخر و قلت اشوف الموضوع ده معاهم بعدين و لغايت دلوقت م وصلتش لحاجه معاهم و السر فى الموضوع زى م هما قالولى ان صاحب الشركه عايز يفضل رابطك عنده عشان م تعرفش تشتغل فى مكان تانى ومش عارف اتصرف ازاى و حسبي الله و نعم الوكيل

[mismael]

شكرا اخى على الرد و الافاده

ولكن الشركه مصريه و لا تعمل تحت قانون المناطق الحره

وللاسف هما رفضو يدونى اخلاء طرف و اطريت امشى لانى كنت مرتبط بمكان اخر و قلت اشوف الموضوع ده معاهم بعدين

و لغايت دلوقت م وصلتش لحاجه معاهم

ومش عارف اتصرف ازاى

دى غلطة كبيرة يا اخى ولازم تنهى كل علاقتك بيهم فى اقرب فرصة عشان مصلحتك ومستقبلك

[alaaaboulela]

شكرا اخى على الرد و الافاده

ولكن الشركه مصريه و لا تعمل تحت قانون المناطق الحره

وللاسف هما رفضو يدونى اخلاء طرف و اضطريت امشى لانى كنت مرتبط بمكان اخر و قلت اشوف الموضوع ده معاهم بعدين

و لغايت دلوقت م وصلتش لحاجه معاهم

و السر فى الموضوع زى م هما قالولى ان صاحب الشركه عايز يفضل رابطك عنده عشان م تعرفش تشتغل فى مكان تانى

ومش عارف اتصرف ازاى و حسبي الله و نعم الوكيل

في الحقيقه أنا مكنتش عايز أتكلم .... بس هتكلم وأمري لله

كلنا عارفين إن أغلب وإن لم يكن كل أصحاب الشركات إلا من رحم ربي

- طماعين

- جشعين

- دراكولا ومصاصين دماء

- وأولاد ..... ههههههه لذينه

وزي ما حقك إنك تشتغل في أي مكان يعجبك فهم حقهم إنك تبلغهم قبلها بفتره قد تطول أو تقصر حسبما تعارف عليه قد تصل من 10 :25 يوم أو حتى لنهاية الشهر وقد تصل في شركات إلى أن يجدوا من يحل محلك بنفس كفاءتك أو أعلى منك كفاءه وكذلك تقوم أنت بتدريبه حتى يطمئنوا قيامة بعملك بكفاءه

وفي الغالب ما تكون

أسباب الخلاف بين الأداره والموظفين أو الملاك والموظفين

- حول أمانه الموظف عفانا الله وإياكم من الخلل أو التقصير وعلى النقيض قد لا يفرط فيك لامانتك المتناهيه وظنه إنه لن يجد بديلاً لك ولا يتركك تقدم إستقالتك

- حول سلوك الموظف وعلاقته بزملاءه

- حول المتاعب التي قد يسببها الموظف

- حول إنتظامه في العمل وأدءاه له بكفاءة وفاعليه

- حول العناية المهنيه وبذل قصار الجهد لتحقيق أعلى عائد مرجوا تجاه تكلفة إستأجاره

- حول إختلاف وجهات النظر مع أحد المديرين أو رئيس مجلس الإداره

وتكون النتيجه

* عدم إعطائك شهادة خبره

* عدم إعطاءك إخلاء طرف

* عد إعطائك باقي مستحقاتك من رواتب وحوافز ومكافئات فأنا أعرف شركة لا تصرف عمولات البائعين إلا نصف سنويا وأرباحهم سنويا ضماناً للإستمرار

* عدم إيقاف تأمينك رغم تركك للعمل كما في حالنتا هذه

[hazimhsn]

السلام عليكم ورحمة الله وبركاته

أخي الكريم

من المعلوم أن الموظف عندما يفكر في ترك العمل عن طريق الإستقالة فهو قد يضحي بأشياء كثيرة منها مكافأة نهاية الخدمة على سبيل المثال وقد يحرم من الحصول على أي مستحقات سواء رصيد أجازات أو مكافأت وأو عمولات مستحقة ......

فدائما يجب أن تعرف أن الموظف هو الخاسر أمام صاحب العمل شئنا أم أبينا.

ودائما أنصح بأن من يريد ترك العمل يتركة بصورة ودية وبالإتفاق مع صاحب العمل حتى وإن قدمت تضحيات مادية فأفضل لك من أن تصعد أمورك للتأمينات أو لوزارة العمل أو لشئون الهجرة والجوزات ده في حالة لو كنت موظف ملكش ظهر في البلد أما لو ليك فأعمل اللي إنت عايزة هذا هو القانون اللي إحنا ماشين به ومع إنني لم أكن أحب أن أذكر القانون القائل بأن البقاء للإصلح أو الأقوى ولكنه هذا هو واقعنا المرير.

وأنصح دائما بأن الموظف عند تركة للعمل يجب أن يحصل على إخلاء طرف من الشركة عن أي شئ وأن يحصل على أوراق تفيد تسليمة لكل العهد من عهد نقدية وعينية و سيارة وموبايل وخط تليفون وأي فواتير ولا يحق للشركة الرجوع علية بأي مطالبات مالية أو أدبية في المستقبل.

طبعا الكثير قد يتهاون في هذه الأمور ولكن والله رأيت العديد من الحالات التي يندى لها الجبين من رجوع أصحاب الأعمال على موظفيهم السابقين بتعويضات كبيره ومطالبات مالية لخسائر قد تعتقد الشركة في المستقبل أن الموظف قد سببها أو أن تحاول أن تبرر ذلك أو بدافع الإنتقام من الموظف.

ملخص الموضوع لمن يريد الإستقالة من عملة

1- إنهاء الموضوع وديا حتى لو تنازل عن مستحقات مالية

2- عدم تصعيد الأمور للهيئات الحكومة كوزارة لشئون الإجتماعية والعملاء أو إدارة الهجرة أوالتأمينات.

3- الحصول على إخلاء طرف وإبراء ذمة من الشركة.