حد يتبنانا !!!

[t4m3r]

السلام عليكم

و ان شاء الله الكل يكون زي الفل

أنا اتبسط قوي لما لقيت منتدى مخصوص للمحاسبة والمحاسبين

و اشتركت علطوول لما شفت المواضيع المهمة الموجودة و الخبرات العالية اللي هنا

و انا آسف بس هيا في مشكلة واحدة بس

على الاقل بالنسبة ليا انا و كل اللي زيي ( الخريجين الجدد )

اللي مش عارفين حاجة عن الحياة العملية و لا منين نبدأ

و دا مخلينا تايهين و مش عارفين نحط رجلينا على اول سلمة

او اول حاجة نتعلمها بمعنى اصح هنا في المنتدى

وعلشان كدا بطلب من الاساتذة الافاضل انهم

انهم يتبنونا بدروس مخصوص من اول حاجة لازم نعرفها ولحد ما نوصل معاهم لمستوى افضل

و ياريت كمان يكون الكلام دا في قسم خاص بالخرجين الجدد و قليلي الخبرة بوجه عام

و دا رجائي التاني من ادارة المنتدى الجميل

و ان كان انشاء قسم جديد هياخد وقت او صعب تنفيذه

فأرجو ان حد من الاساتذة الكرام يبدأ يوجهني من دلوقتي و يقولي :

"روح الموضوع دا الاول"

"بعدين دا"

1,2,3

خطوة بخطوة كدا

معلش أنا آسف ... كلامي كتير و محدش استفاد منه بس أرجو انكم تفيدونا

و كمان كل اللي عنده نفس المشكلة يا ريت يضم صوته لصوتي

و نتابع سوى اللي أساتذتنا يقولولنا عليه

و شكرا للجميع

[hazimhsn]

السلام عليكم ورحمة الله وبركاتة

أخي الفاضل / t4m3r

مرحبا بك عضوا في منتدانا الرائع والذي يضم بين جنباته الكثير من الأعضاء والمشرفين المميزين من أساتذة بالجامعات وحاملي الشهادات الدولية وحاملي الدكتوراة و وزملاء في الجميعات المحاسبية في الدول المختلفة والمديرين الماليين ورؤساء الحسابات و المحاسبين ذوي الخبرة والمحاسبين الحديثي الخبرة والخريجين الجدد و طلبة كليات التجارة وغيرها من الكليات المناظرة.

فهذا التجمع الرائع من المستحيل أن تجده في حياتك العميلة لولا أن من الله علينا بهذا المنتدى.

فعليك

أولا : الرجوع إلى مذكرات المحاسبة مبادئ المحاسبة المالية و مذكرات المحاسبة المتوسطة والمحاسبة في شركات الأموال وشركات الأشاخاص والمحاسبة الإدارية والتكاليف و ...................

فمن الواضح أنك أضعت أربع سنوات من عمرك بدون فائدة ولم تبذل أي مجهود في هذه السنوات أنا التمس لك العذر فأنت مثل عشرات الألاف من خريجي التجارة الذين ينظرون إلى المستقبل بطريقة مظلمة والتمس لك العذر في ذلك ولكن هذا لا يعني أنك لا تذاكر وتجتهد ( إن الله لا يضيع أجر من أحسن عملا )

ثانيا : عليك بتصفح المنتدى جيدا وقرائة جميع المشاركات قدر الإمكان فسوف يمدك بخبرة عن الواقع العملي والمشاكل التي تواجهنا في حياتنا العميلة.

ثالثا: موقف

أذكر أني إنتقلت من الفرقة الأولى للفرقة الثانية بكلية التجارة ولم أكن بعد قد فهمت ما هو الفرق بين الدائن والمدين!

ولكن في بداية السنة الثانية توكلت على الله وصممت أن أفهم العلاقة بينهم ووفقني الله لذلك وإجتهدت في باقي المواد وحصلت على الترتيب العاشر على الدفعة في هذا العام.

أخي طلب العلم مر ولكن ثماره حلوة ،،،،،

[t4m3r]

أخي الفاضل/ حازم

شكرا جدا على ردك المشجع والجميل و فعلا مكدبش عليك انا كنت شايف العملية ضلمة

علشان بعد ما خلصت لاقيت كل زمايلي اللي لاقو بعد عذاب شغل في المحاسبة ( و طبعا بتكلم على حسب امكانياتنا المتواضعة و اللي بتكفلهولنا الكلية و زي ما سيادتك تشرفت وقلت يمثل لا شيئ )

كل اللي بيعملوه .... جدول على شكل T و فوق حساب الخزينة و اكتب كل اللي طالع بالشكل اللي انت شايفه واكتب كل اللي داخل زي ما انت عايز

و آخر الشهر يجي محاسب بجد يستف العك اللي كانو بيعملوه

بس أنا عايز ابقى محاسب بجد عن حق يعني

و علشان كده وفي ظل ظروفي المتواضعة ماديا رجعت احاول تاني وقلت لا هدور في النت و في كل حتة لحد ما الاقي طريقة تأهلني اني اكون محاسب ( محاسب )

و بدأت فعلا أدور على الجوجل و لاقيت كتير وقريت كتير

ومنهم وصلت لهنا وأول موضوع قرأته هنا للأستاذ الفاضل HAMEED وكان عن

Microsoft office ACOUNTING 2007 واشتركت على طول

دا كلام جميل ... بس لسة مش عارف

قريت موضوع في التاني و بعد كدا بدأت أتوه و كل المواضيع مفيدة وجيدة

بمعنى اني مش عارف ايه اللي يلزمني أعرفه الاول و ايه يليه في المرتبة اللي بعدها

أنا مش هتفرق معايا لو خدت في الحكاية دي كمان سنة بس أطلع منها بحاجة

و في نفس الوقت ... لو مشيت في الاكسيل و الاكونت اوفيس و الفيجوال بيسك والاكسيس و اس كيو ال سيرفر و غيرهم و غيرهم

أبقى كداب لو قلت لنفسي اني هنجز فيهم مرة واحدة

و في نفس الوقت كل ما اقرا عن حاجة فيهم احس انها اهم من التانية

و انا عايز حد من الاساتذة الفاضلين يقولي أبدأ بايه وبعدين ايه

و يقولي آدي رابط الموضوع الاول و آدي التاني

ويكون جزاه الله خيرا و عليا انا اني اذاكر وأفهم البرامج ددي و احاول على قدر الامكان اني اطبقها عملي

و اعرفها لغيري من بعدي او معايا

و شكرا تاني

[hiall]

الاخ الفاضل حكايتك هى حكايه الجميع فلا تبتئس وهناك ظروف أقوى منا جميعا تتعلق بظروف بلادنا ومشاكل التعليم فيها ولكن ليس هذا موضوعنا ....

الموضوع هو الرغبه الصادقه فى أن تكون محاسب بجد... ماذا أفعل ؟

المحاسب الكفء يحترف 3 محاور

المحاسبه ....الكمبيوتر ...اللغه الانجليزيه ..

أولا المحاسبه :

1 - حتى تعرف ما هى المحاسبه وما هو المدين من الداين أنصحك بكتاب للمبتدئين وأظن أنه فى المنتدى (وتستطيع الحصول عليه من النت ) وهو مساعد المحاسب كتاب ضمن المؤسسه العامه للتعليم الفنى بالمملكه لعربيه السعوديه ... الكتاب سلس ومرفق حلول للتمرينات به.. فقط ذاكر وحل التمرينات ...حتى تفهم ما هى القصه

2- بعد الكتاب السابق ذاكر كتاب المحاسبه الماليه الخاص بك من الفرقه الاولى

3- المرحله النهائيه كتاب الاستاذ الدكتور / محمد شريف توفيق المحاسبه الماليه (الكتاب الاول والثانى ) الموجود بالمنتدى أو موقع الدكتور على النت حيث نشرف بوجودنا مع الدكتور فى نفس المنتدى

بعد التدريب والمذاكره والسؤال وبذل المجهود سوف تتعجب كيف مرت عليك هذه المعلومات ولم تعرفها - وكيف أضعت سنوات الدراسه فى الكافتيريا( مثل الجميع) ولم تتعلم هذا الذهب - ولكن كل شىء له وقته (لا تبكى على اللبن المسكوب )

ثانيا اللغه الانجليزيه :

لا أعرف مستواك فى اللغه ولكن تستطيع أن تبدأ من كتب المرحله الابتدائيه أو الاعداديه أو الثانويه على حسب مستواك

وبعد الالمام الجيد باللغه والمحاسبه تستطيع دراسه مبادىء المحاسبه باللغه الانجليزيه وتوجد عده ملفات لهذا الغرض مرفوعه على المنتدى -

ثالثا الكمبيوتر :

لقد بحثت ووصلت للمنتدى وهذا معناه أنك على الاقل تملك المبادىء الاساسيه فى الكمبيوتر يوجد كتب إلكترونيه كثيره فى هذا المجال وأحيلك على نفس المؤسسه العامة للتعليم الفنى فبها كتب ممتازه كما يوجد بالمنتدى أيضا

1- لا تحاول التعمق فى الفيجول باسيك حاليا

2- تعلم الوورد جبدا وأتقن الاكسل ....

3- معظم المبرمجين يحاولون أن يحذوا حذو برامج الاوفيس فى البرمجه ولو أتقنت الاوفيس فسيكون الباقى سهلا بإذن الله

4- البرامج العملاقه مثل أوركل وجريت بلانز تعمل مثل الاوفيس والنت

ملحوظات عامه :

1- يقول صلى الله عليه وسلم ( إستعن بالله ولا تعجز ...

2- حاول أن تقسم وقتك اليومى بين الثلاثه عناصر المحاسبه اللغه الكمبيوتر

3- سوف تتعب فى البدايه ولكن بمجرد أن فهمت الاساسيات سوف تسعد بالمذاكره

4- يقول هنرى فود ( سواء كنت تظن أنك تستطيع أو تظن أنك لا تستطيع أنت على صواب )

* أرجو لك الخير وأن توافينا بجديدك

أخوك ....

[Hameed]

الزميل العزيز

لا أدري كيف أبدأ معك ، فأنت معك حق في كل ما تقول ، أنا أعرف الحيرة التي أنت فيها جيداً و لكن هون عليك الأمر فما عليك هو الآتي

إسترجاع معلوماتك حول المحاسبة المالية بشكل مبدئي من أي كتاب من كتب أساتذتنا و ستجد إن شاء الله كتاب المحاسبة المالية للأستاذ الدكتور محمد شريف توفيق هنا في المنتدى

بعد أن تفهم جيداً المبادئ و يجب أن تفهم هذه المرة فالإستذكار هنا ليس بغرض دخول الأمتحان و لكن بغرض خوض التجربة العملية للمحاسبة لذا يجب أن لا تترك كبيرة و لا صغيرة إلا و فهمتها فهماً جيداً ، و في حالة تعسر الأمر عليك في أي نقطة يمكنك الرجوع لنا مباشرة هنا

بعد ذلك يمكنك أن تبدأ مرحلة التطبيق على أي برنامج حسابات تراه مناسباً و تستريح له ( أي برنامج بشرط أن يكون من البرامج الأجنبية المشهورة )

في حالة إجتيازك هاتين الخطوتين يتبقى لك معرفة الدورة المستندية الداخلية في الشركات و كيفية تطبيقها في حالة إستخدام برنامج الحسابات الذي درسته

بذلك تكون جاهزاً مبدئياً للعمل في المجال المحاسبي

بعد ذلك إذا أردت أن تطور نفسك يمكنك ذلك بتنمية مهاراتك في التطبيقات المساعدة مثل الأكسيل الذي نستخدمه لعمل التحليلات المختلفة ، و الأكسيس الذي نستخدمه لعمل التطبيقات البسيطة التي تساعدنا أيضاً و إذا أردت أن تتقدم في هذه التطبيقات يمكنك دراسة البرمجة ، برمجة الواجهات بإستخدام أي لغة تراها مناسبة و برمجة قواعد البيانات أيضاً أي نوع من قواعد البيانات

هذا هو ملخص الطريق الذي أقترحه عليك و أتمنى لك التوفيق و السداد في طريقك

[alaaaboulela]

السلام عليكم

زميلي العزيز والساده الأفاضل

في البدايه كل الي إنتم أشرتم به على زميلنا جميل وفوق الرائع

بس يا جماعه إنتم نسيتوا حاجه

هو إن إصتدام الخريج بالواقع العملي هي دي أكبر مشكله وعدم إلمامه بالأساسيات هي أكبر مصيبة

يعني .... مش أبدأ معاه بالبرمجة وهو مش فاهم أساسيات المحاسبه

يعني .... مش أطالبه بشهادة تويفل أو إيليت ومراجع أجنبيه وهو مش فاهم مدين ودائن يعني أيه بالعربي

يعني ....مش أطالبه بإنه يقرا في الميزانيات وتحليلها وهو مش عارف يكتب القيد

عذرا زميلي فأنا أعمم المشكله لست أنت المقصود بل كل من مر ويمر بنفس مشكلتك

ويبقى الواجب عليه وعلى كل الزملاء الجدد والخريجين أن يتحلوا بالصبر في طلب العلم وأنا وثق تماماً إن قدراتك على الإستيعاب ستزاد يوما بعد يوم فما الخبره إلا تراكم معارف قديمة وإنا واثق إنه ظنك وتوهمك بإنك مش عارف حاجه ده مش صحيح وأؤوكد لك إنك بعد كده لما هتفهم وتمر بالمشاكل وتحاول تحلها وتصر على مواجهتها هتفتكر الدكتور أو المحاضر وهوعلى البروجكتور أو السبوره وهو بيشرح القيد حتى لو بعد 10 سنين صدقني ....

وإنت دلوقتي زي الكتكوت ...أسف في التعبير

يعني خلي وجبتك . على قد معدتك .وإطلاعك على. قدر إستيعابك ... حتى لا تمل ولا تحبط .

وطالما عندك العزم والإصرار إن شاء الله هتوصل لهدفك ومتستعجلش كل حاجه بالراحة .

[t4m3r]

أساتذتي الكرام

alaaaboulela / HAMEED / hiall / hazimhsn

أشكركم كثيرا لاهتمامكم بالموضوع

و نصائحكم الغالية

و أنا سعيد باني بلاقي التجاوب دا والرد بالسرعة والكمية والدقة دي في أول موضوع أستفسر عنه في المنتدى

و جميعكم خبرات تمشي و الغبي اللي ميستزدش منكم ما دامت قدامه فرصه

المهم ان كلامكم فعلا فادني و بدأ يوضحلي ملامح الطريق عاملة ازاي

بالنسبة لمبادئ المحاسبة هدور على الكتاب و اللي حضراتكم أشرتم اليه

أ.د/محمد شريف توفيق

أنا بميز المدين والدائن بس برده هقراه لأنه أكيد ان شاء المولى هكتسب منه جديد

و بالنسبة لموضوع اللغة

فأنا بفضل ربنا كويس في اللغة وفوق المتوسط و ان ينقصني المهم و هي المصطلحات المحاسبية المعلومة لدى حضراتكم

وان شاء الله مش هي اللي هتوقفني وبرده بعرفها واحدة واحدة

و أنا بتابع دروس السادة الافاضل

أما لموضوع برامج الكمبيوتر و مستواي معاه

فبحمد الله أنا مش محبط ولا متعقد لأني بفضل ربنا تعاملت مع برامج أعتقد انها أكثر تعقيدا من برامج المحاسبة

زي الفوتو شوب والفلاش ام اكس و الدريم ويفر و غيرهم

الحاجة اللي مطمناني و مخلياني اقول اللي يخليني أفهم و أشتغل على دول ان شاء الله يخليني أوصل مع البرامج التانية بتاعتنا

و بأذن الله أطبق نصايحكم الغالية

و هبدأ ان شاء الله مع برنامج الاوفيس 2007 للمحاسبة

و اللي نزلته فعلا وطبقت عليه ااول درس مع أ/حميد

و طبعا هخاد برده بنصيحة الاخ الفاضل hiall

و أركز على الاكسل و الورد واللي أشار لوظيفتهم أ/ حميد

و ان شاء الله تتابعوني تحت عنيكم

لحد ما اكبر وابقى ديك يا أ/ علاء

شكرا مرة تانية

و شكرا كتير

[محمد نبيل محمد]

ان كان ظروفى تفرق عن ظروفك لان انا اشتغلت سنه فى مكتب محاسبه وابحث الان عن عمل فى شركه واريد ان انمى مهاراتى كمحاسب فأنا اضم صوتى الى صوتك

[t4m3r]

شرفت يا أ/ محمد نبيل وأرجو انك تكون تابعة بقيت الكلام و استفدت من خبرات اساتذتنا زيي بالظبط