بدي اعمل بحث وبدي مساعده من الكل

[hmhm]

السلام عليكم

انا شب بدرس بجامعه البلقاء التطبيقية بالاردن وسنة رابعه خريج عالفصل التاني وتخصصي هو نظم معلومات محاسبية

AIS

Accounting Information System

وما انو قربت اتخرج هلا وصلت لمادة اسمها اساليب بحث علمي

الدكتور طلب منا بحث ما بتجاوز 4 ورقات وانا جبته من النت وما غلبت حالي كتير وفهمته وطلعت اشرحه وانحجرت والدكتور بهدلني

فهلا بدي اعمل بحث اخو شلن . .

موضوعه هو " مجال نظم المعلومات المحاسبية في الشركات التجارية والصناعية "

او " مجال نظم المعلومات واثرها على الشركات التجارية والصناعيه " وبعدين بدي اعمل استبانة واروح عالشركات واوزعها واحلل هاد الاستبانه واعملها على شكل Chart عن طريق الاكسس

ومن خلال هدول الشغلات بحدد موضوع الدراسة ومشكلة الدراسة والمنهجية والفرضية وهدف الدراسة ووو ألخ

وهاد ما بقدر اعملو لحالي بدي مساعده منكم حد بقدر يساعد

[tsalqashi]

ما هي نوع المساعده الي تريدها ابني لاني بعرف المفروض استاذك الي بشرف على بحثك يفهمك المنهجية اولا وعلى كل حال نحن بالخدمة حدد الذي تريده

[hmhm]

السلام عليكم

حكيت للدكتور عن هاد البحث وحكالي انو متكرر وفيه طلاب عملو قبلك وغيرنا موضوع البحث للشكل التالي

" مدى تقيد الشركات المساهمه العامة المدرجة بسوق عمان المالي (البورصة) بمعايير الافصاح الاختياري "

وهون من هاد العنوان رح نبلش .. وكالاتي اتفقت انا والشباب صحابي

* معرفة ما هو الافصاح الاختياري والاجباري وانواعه

* اسماء الشركات المساهمه العامة المدرجة في سوق عمان المالي

*اختيار الشركات المناسبة من حيث :

- راس المال

- نسبة التداول في السوق المالي

- درجة المخاطرة والربحية

- سعر السهم السوقي

- مكان التواجد والتوسع

- اختيار افضل 15 شركة متوزعه في الاردن والمناطق هي ( الزرقاء، السلط، عمان، الرصيفة، ماركا)

* جلب القوائم المالية للشركات المناسبة

* بدء تحليل ودراسة القوائم

والبحث رح يكون بالشكل الاتي يتكون من

1- المقدمة

2- هدف البحث

3- المنهجية

4- الفرضيات

5- اهمية البحث

6- النتائج

7- دراسات سابقة

8- المراجع

وانشالله بكرة يوم السبت بدنا نروح على سوق عمان المالي عشان نحضر اسماء الشركات ومن هناك نوخد القوائم المالية لكل شركة ..