مالمقصود بإنفصال الملكية عن الإدارة

[عبدالعزيز (محاسبه)]

السلام عليكم ورحمة الله وبركاته عندي شؤال ياليت الاقي الجواب

س:مالمقصود بإنفصال الملكية عن الإدارة ؟

[trustmeee]

يعني لو حضرتك معاك فلوس وعملت بيهم مصنع مثلا أو اي مشروع كدة أنت مالك.

وبعد مفتحت المصنع لقيت نفسك مش عايز تشتغل وتقعد في البيت تلم المحصول وتشتري دماغك.

ساعتها هتجيب واحد يدير المصنع غيرك وهيبقي هو المدير وكدة الملكية(انت)منفصلة عن الادارة(المدير)

والمعيار اللي بيفصل المليكة عن الادارة هو في الغالب بيبقي اية اللي بيعود عليك من النشاط دا.لو كان عائد ثابت غير مرتبط بنتائج النشاط يعني مرتب مثلا وملوش دعوة بقي المصنع كسب او خسر كدة يبقي دا مدير.

ولو كان العائد هو الارباح او الخسائر كدة بقي هو مالك.

بس بتهيالي في في المحاسبة بتاعة شركات المساهمة المعيار بيفرض توزيعات ارباح علي الادارة مش معني كدة ان الادارة مالكة للمصنع(والمحاسبين ادري طبعا في النقطة دي).

حتي بتوع الاقتصاد بيقولولك ان العائد الناتج عن العملية الانتاجية بيختلف من بين عناصر الانتاج وبعضها.

يعني راس المال بيبقي العائد بتاعو ارباح.......وراس المال دا اللي هو المالك.

والعنصر التاني اللي هو الموارد البشرية بيبقي اجور ومرتبات.....ودول شاملين كل الموارد البشرية اللي في المشروع اللي منهم طبعا الادارة.

اتمني اكون قدرت افهمك

_________________