مساعدة ضرورى لو سمحتم ياجماعه

[magdysaber]

سلام عليكم

لو سمحتم ياجماعه انا محتاج الموضوع دة ضرورى لو حد يقدر يساعدني

انا حاليا بشتغل محاسب فى شركة فى ليبيا وهى شركة بستورد مواد تجميل وتبيعها فى ليبيا

المشكلة ان الشركة من ساعة مافتحت وحسابتها مش مظبوطة وماكنش بيبقى فيه محاسب وفيه مكتب مراجعه هنا كان بيعمل الميزانية عشان بس تقديمها للضرائب مش اكتر فاالارقام فيها مش مظبوطة ولحد دلوقتى المكتب عمل ميزانية ل 2007 و 2008 وانا المفروض فى الشركة نبتدى نجهز 2009 صح ونظبط حسابات فلو حد يقدر يساعدنى ازاى ممكن ابتدى 2009 مظبوطة وانا المشكلة عندى فى ارصدة اول المدة الخاصة ب 2009 زى المخزون والعملاء هما دول اكتر مشكلتين موجودين عندي

وبالنسبة للمخزون انا فكرت اجيب اول المدة بطريقة ياريت حد من اهل الخبرة يقولى اذا كانت تنفع ولا لا

مخزون اول المدة + المشتريات-مخزون اخر المدة = المنصرف

فلو انا عندي معلوم المشتريات واعمل جرد للمخزون بحيث انه يعتبر مخزون اخر المدة لحد تاريخ الجرد اللى هاعمله والمنصرف يبقى عندي من الفواتير

فهل كدة لو استخدمت المعادلة وخدت الناتج اللى هايطلع منها اعتبرته مخزون اول المدة ينفع ولا كدة مش مظبوط

ولو ماينفعش ياريت حد يساعدنى بحل وكمان لو حد عنده حل بخصوص موضوع العملاء

وبجد اتمنى لوحد يقدر يساعدنى ويبقى شكرا ليه جدا

وشكرا لمنتداكم الرائع اللى انا استفدت منه كتير

[magdysaber]

ياجماعه ياريت لو حد يدخل ويحاول يشاركنى بحل عشان انا محتاجة ضرورى وشكرا

تم تعديل 20 يوليو 2009 بواسطة magdysaber

[kamalgawesh100]

السلام عليكم

اخي الكريم الحل الأمثل في مثل هذه الحالات هو عمل جرد فعلى لكل موجودات الشركة وإلتزاماتها وجعل هذه الأرصدة هي أرصدة أول الفترة ثم يتم التسجيل بإنتظام بعد ذلك في الحسابات

والله الموفق

[المحاسب القائد]

السلام عليكم ورحمة الله وبركاته

إضافة إلى ما ذكره زميلنا

قبل كل هذا يجب ان تعرض الموضوع على الإدارة لتأخذ موافقتهم ثم تبدأ على بركة الله من أجل ان توثق الأرصدة لحمياتك من اي عملية اختلاس او غش سابقة حتى لا تنسب تجاهك.

موفق بإذن الله ...

[magdysaber]

يعني انتو رايكم انه الاحسن اشوف اصول والتزامات الشركة لحد تاريخ النهاردة وكل اللى فات اعتبرة رصيد اول مدة وابتدياسجل سنة 2009 مثلا من اول شهر 7 وشكرا ليكم ياجماعه حقيقي على الاهتمام