محتار ادخل اداره ولا محاسبه

[elfashel]

بليز يا جماعه ارجو الافاده

يا جماعه انا عاوز ادخل اداره

انا فى 3 تجاره المنصوره وتقديرى العام لحد الان 63 فى المائه

انا عارف انو تقدبر زباله وملوش لازمه خصوصا فى تخصص اداره

بس انا بصراحه عيف فى المحاسبه ومش ببحبها

بس كلو خوفنى من الاداره ملهاش شغل وملهاش مستقبل

انا كده كده هاخد كورس انجلش محترم

ياريت الافاده وتوضيح كامل من المتخصصصين

وايه الكورسات الى اخدها لو دخلت اداره ارجو الافاده بلييييييييز

[trustmeee]

بص يا فاشل

في موضوع هنا كان واحد بيسال نفس سؤالك برضو بص عليه بس مختصر الكلام المحاسبة احسن حتي لو عايز تشتغل في الادارة علشان المحاسبة ممكن تشمل مجالات الشغل بتاعة الادارة بعد كدة انما بتاع الادارة مزنوق في مجالات الادارة وبس لان في قيود علي مجالات المحاسبة.

ودا اللينك بتاعة الموضوع اللي بيتكلم عن النقطة دي في نفس المنتدي هنا.

http://www.infotechaccountants.com/forums/showthread.php?t=2325

[مريهان]

اولآ اود ان ارد على الاخ الكريم الذى تفضل بالرد على سؤال

احب اقولك انه مش المفروض انك تغلط فى اى حد ولااى قسم تانى

انت اختارت المحاسبه وقلت رأيك وكتبت رابط موجود فيه موضوع مشابه

ونفس الموضوع يحتوى على رأى آخر وهو:

أعتقد العكس هو الصحيح، ان المحاسبة فرص عملها محدودة بينما ادارة الاعمال مجالاتها كبيرة ، حيث يمكنك ان تعمل فى الادارة او فى التسويق او فى الدعاية والاعلان او فى المخازن او حتى فى البنوك مثل خريجين المحاسبة ، كما أن المواد التى

يتم دراستها فى ادارة الاعمال تمكنك من العمل فى أى مجال، ولكن فى الاصل يرجع هذا الى طبيعة ميولك

الشخصية وهل تفضل دراسة المحاسبة أم ادارة الاعمال لان هذا يساعدك فى التفوق فى ايهما تختار، وبالتوفيق

وانا من مؤيدين هذا الرأى

بالاضافه الى ان اى شخص فى امكانه يعمل فى اى عمل

انا اعرف واحد خريج اداب لغه عربيه وشغال محاسب فى شركه وناجح جدآآآ فى عمله لأنها بالممارسه والدراسه ليس لها ارتباط بالواقع الا من بعيد

وهكذا مجال الاداره ولكن نسبة الغرباء فيه بسيطه جدآ وعايز حد حابب الاداره

بالاضافه الى ان فرص التقدم فى العمل افضل بكثيييييييييييييير من المحاسب

انا لما اخترت الاداره اختارتها علشان الروتين اللى بيعانى منه المحاسبين وانك بتفضل محاسب على طول

انما الاداره مجالها اوسع واشمل

وده رأيى الشخصى

لكن فى النهايه ارجع واقول ان المحاسبه فرص تعيينها اكتر ودى ميزتها

[tsalqashi]

ابنائي، حبايبي

اسمحو لي ان القي برأي هنا بارك اللهم فيكم وكأن كل واحد منكم يدافع عن الاخر وعن رأيه فالامور يا احبائي لا تدار هكذا بارك الله فيكم وبالنسبة لسؤال اخونا الفاشل (سامحك الله على هذا الاسم الذي اخترته لعضويتك) من اسم عضويتك يا ابني اجدك تنظر للدنيا بسواد قاتم فارجوك يا ابني ان تغير نظرنك وربنا اكرم منك ومنا كلنا

لا يهم ابدا التخصص الذي تريد ان تدرسه الاهم ان تتقنه وتتفوق فيه وبما فيه والباقي ربنا يكملة فاعقل وتوكل على الله

وبالنسبى لكلام بنتي مريهان فاسمحي لي بنتي ان اخالفك الرأي قليلا بارك الله فيك فكيف حكمتي على الاخ الذي تخصصة لغى عربية ويعمل محاسبا بانه ناجح، يا بنتي ولا تزعلي مني هذا مفهوم ضيق فالمحاسبة ليس كما قلتي ممارسة وتعود، لا يا بنتي بارك الله فيك فمن لا يملك الشيء لا يعطيه وانما اخونا الي قلتي عنه يعمل في شركة بسيطة ولو اني اشكك انها شركة ويعمل بالفطرة مسك حسابات وليس فن الحسابات وصدقيني لو اراد ان ينتقل الى شركة تعمل بالمحاسبة باصول لاصبح بخبر كان، وليس صحيح بنتي بان المحاسبة فرصها قليلة وليست كالادارة لا يا بنتي وانا لن ادافع عن هذا العلم فهو كفيل بالدفاع عن نفسه ولكن المشكلة تكمن في عالمنا العربي وليس الكل بل البعض فالمحاسبة ان طبقت بشكل صحيح ترقى بصاحبها لاعلى المستويات والاجور وهي اعقد مما تتصوري فعملية مسك الحسابات ما هي الى جزء بسيط ولا تستطيع الادارة اتخاذ اي قرار ناجع دون الرجوع لها وعلى سبيل المثال لا الحصر اي قرار ائتماني تتبناه الادارة دون الارتكاز على بيانتها المالية يفشل فشل ذريع لا يمكن تصحيحة ولهذا تنهار شركاتنا بسهولة وخصوصا الصغيرة منها التي لا تملك نظام مالي متكامل

لن اطيل بالرد ولكن اقول ان الامر ابسط مما نتصور ولا يمكن ان نبدع باي من العلوم ان لم نكن متمكنين من مفاهيمها قبل شهاداتها فكثير من طلابنا وقد يعود السبب لسوء التدريس يتخرجو جهلة حملة كرتونة فقط

وصدقيني يا بنتي ان درست المحاسبة بشكل صحيح فاتحدى ان يختلف التطبيق عن ما يدرس

وبارك الله فيكم جميعا