الا زلت لاتريد التعلم ؟ هل ستجعلنا مازلنا فى الحضيض ايها المحاسب العربى

[mohwaghas]

كل يوم ياتى شخص من خارج مصر ونحدثه حديث المشتاق الى السفر الى تلك البلاد الوافرة الرزق من زجهة نظرنا نحن فى مصر ومن وجهة نظرهم كمسافرين فالحياه صعبه (ايوا ماهى هنا صعبه باردو بس على الاقل معاك فلوس) المهم نحدثه ونتكلم اليه ماذا فعلت وماهى التحديات التى قابلتها حتى نتخطاها ؟

منها وجدت احد الاشخاص المحترمين العاملين فى الخليج

يا اخى الهنود هناك اساتذه برمجه ومحاسبه وبيشتلوا على برنامج وقافلين عليه؟ قافلين عليه ؟ ليه؟

لانهم متصورين انهم بس اللى عارفين السر ؟ سر القنبله

فعلا لانهم سبقونا نحن كمحاسبين ؟فدرسوا الكثير والكثير لا اعرف ؟ لم وكيف ينجحون استعجب يقولى دول مخهم جبار واين العقل العربى والمصرى اين؟ اين من كانوا قادة الدنيا ؟ اين

مش باتكلم على حاجه غير على تقصيرنا وتخاذلنا

ويتضح فيما يلى الكلمات التى نقولها

نسمع عن برامج عالميه ومانهتمش بيها اما يبقى يجيلنا شغل نبقى ندور عليها

نسمع مثلا ان التحليل المالى يه دى غاليه اوى وانا ممكن اذاكرها لوحدى؟ وهو حد منعك ؟ ماتذاكر لوحدك بس انتج ورينى اهم شىء الاقيك بتجيدهم

كمان تلاقينا رايحين الدول دى لا عارفين محاسبه (لاننا هنا دفعنا فلوس كانت معانا او وقت كان بايدينا فى لهو او لعب المشكله مش فلوس على فكره فى مكاتب بتدرب بفلوس قليله لو مش هاتلاقى مواصلات احنا عايزين اللى بيلاقوها حتى )

المهم ان احنا نتخاذل عن المعرفه وعن العلم طب ليه؟ واحنا ناس دماغنا حلوة اصلا

تلاقى الهندى عارف برامج كتييره ومبرمج ومحاسب ؟ ليه لانه كان ذكى دخل مجال العمل مش هاقول اخد دورة نضيفه دخل مجال العمل واستحمل لحد ما خد الخبره

لكن احنا بمصر مثلا

بايدنا ايه ؟ هو فى شركة اصلا بتشغل حد الا اذا كان بروفيشنال ؟ لو معاه واسطه ؟ولا مكاتب المحاسبه روح شوف المحاسبين هاتلاقيهم بيقطعوا ورق

المهم

بايدينا ناخد دورة محترمه بايدينا لو عرفنا نذاكر لواحدنا يبقى تماما

بايدينا نجيب محاسبين قدامى ونخليهم يشرحوا لنا

بايدينا كتير

ولن يتغير احوال المحاسبين الا بعد ان يشعروا بقيمتهم وبمكانتهم وباهميه مهنتهم الجميله المحوريه وسنظل نرى محاسبين مطحونين فى اماكن تعبانه طالما انهم لم يصطدموا بواقع الشركات الكبر اللى عمرهم ما هيشوفوه الا بالعلم

والسلام عليكم ورحمة الله وبركاته واسف على القسوة لكن بجد انا زعلان على حالى وحال كل الخريجين زمايلى

ليه بالذات نصنا قاعدين على القهاوى ونصنا شغال مبيعات بس ماقولتش ما تشتغلش بس نسبه معقوله

ربنا ييسر انا عارف ان العيشه صعبه والقرش صعب بس ممكن تكون شلى فى مجال فترة

والسلام علسكم ورحمة الله وبركاته

للتواصل والتعارف

اخوكم محمد وجيه

mohwaghas@yahoo.com

mohwaghas@hotmail

0020166293935

تم تعديل 27 أكتوبر 2008 بواسطة mohwaghas

[Hameed]

أخي العزيز أستاذ / محمد

المشكلة ليست في أن المحاسب الهندي قافل على البرنامج كما يقولون ، نعم أنا أدري جيداً أن هناك سوق جيد للمحاسبين الأسيويين و لكن نحن العرب لنا سوق و سعر أغلى منهم في دول الخليج

و المتخصصين و المجتهدين من المحاسبين العرب كثر و الحمد لله و أسعارهم ضعف المحاسب الهندي ، أتعرف لما ذلك ؟

لأن المحاسب العربي قلبه حامي في العمل و يعتبر أي عمل يرتبط به كأنه عمله الخاص و رأس مال المشروع كأنه رأس ماله الخاص أيضاً و هذه الميزة لن تجدها أبداً في أي محاسب هندي إلا من رحم ربي

المحاسبين الهنود ليسوا عباقرة كما تتخيل ، هم دارسين محاسبة جيدين و منهجهم باللغة الأنجليزية و أضف إلى ذلك أن الكثير من الكليات تدرس برنامجهم المشهور تالي في الكتب و سوف تجد أيضاً البرنامج على صفحات النت منتشر بكثرة و غزارة و بالكراك ، لذا فإن سلاحهم هو لغتهم الإنجليزية و برنامجهم السهل الممتنع Tally

المحاسب العربي ، المواظب على الأطلاع لديه لغته العربية كميزة يحسده عليها أي محاسب هندي في دول الخليج و لديه المادة العلمية القوية باللغة العربية أيضاً و لكن المشكلة بالفعل أننا مثل التورتة التي ليست عليها ديكور

ما ينقص الخريج العربي الدارس باللغة العربية هو معرفة المراسلات باللغة الأنجليزية و معرفة برنامج حسابات يتمرس به ليكون مثالاً للدارس لما هو موجود في الحياة العملية و أيضاً معرفة بمصطلحات اللغة الأنجليزية الخاصة بعلم المحاسبة العلوم الأخرى

و بعد ذلك صدقني لن يكون هناك وجه مقارنة بين المحاسب الهندي و المحاسب العربي اللهم إلا إذا كانت المنافسة في السعر هنا و حالياً في دول الخليج لا توجد منافسة سعرية تذكر لأن الكل أكتوى بنار الغلاء و لن تجد من يخفض سعره إلا من يريد أن يدخل البلد بأي شكل و وضع أرجله و من ثم البحث عن عمل أفضل في مدة لا تتجاوز سنة على أكثر تقدير

و أشكرك على الموضوع

[mohwaghas]

شكرا اخى العزيز حميد والله لقد اثلجت صدرى بردك الجميل هذا واطمئن قلبى بعض الشىء فما كنت اخشاه ان اواجه هناك الهنود ومنهم عبدة بقر عافانا الله وكمان الاقيهم يتجكمو من هنا كان طلب العلم المفيد فى الدنيا واجب كما اقره بعض علماء الاسلام والحمد لله اننا مسلمون وشكرا مرة تانيه للاستاذ حميد

[mismael]

اسمحوا لى بالمداخله فالموضوع مثير

المسأله يا اخوانى مش محاسب هندى ولا عربى ولا صينى

المسألة ببساطة ان فيه محاسب مجتهد ومحاسب غير مجتهد

وانا شفت شركات كل المحاسبين فيها هنود وممتازه.. وشركات كل المحاسبين فيها عرب وايضا ممتازه

المشكلة والازمة اللى دائما الاحظها مع اخوانى المحاسبين حديثى التخرج انهم غير مجتهدين ودائما ينظروا الى المستقبل من خرم ابرة كما يقولون وبالرغم من ذلك هناك استثناءات منهم من الاخوة اللى لم يضيعوا وقتهم فى الجلوس على المقاهى فى انتظار فرصة تسقط عليهم من السماء مستغلين وقتهم لا فى شئ الا احباط بعضهم البعض.

تعالى اكلمك عن المحاسبين الهنود من الجانب الاخر

الهندى فقير... ويمكن يكون افقر من اى طالب محاسبة فى مصر.. ظروفه صعبة جدا

وانا حكى لى كثير من الاصدقاء الهنود هنا فى الرياض اسلوب حياتهم وهم طلبه حكايات يصعب على ان اتخيلها وكنت اعتقد انا انى قد كافحت وتعبت ولكنى عندما سمعت قصص كفاحهم اكتشفت انى كنت مدلع!!

احد هذه الحكايات لصديق هندى عزيز كان يذهب الى كليته يوميا مشيا على الاقدام حوالى 5 كيلو يوميا لتوفير اجره المواصلات وعندما تخرج عمل عامين كاملين شيال فى محطة القطار كعمل اضافى حتى يستطيع ان يدرس cma

الان يمكن لكل واحد فينا يقارن بينه وبين هذا الهندى المكافح المجتهد ويشوف عمل ايه لنفسه وما مدى اجتهاده

انا بشوف شباب مصريين (معاهم اى شهاده جامعية) حالتهم تثير الاعصاب من الاستهتار واللامبالاة وعدم الاكتراث لمستقبلهم وكل اللى بيعملوه فى حياتهم غيبوبة طويله من التجول عبر الانترنت ومشاهده القنوات الفضائية وبالليل تعالى نقعد شويه على القهوة نسم فى بدن بعض ونلاقيهم اخر الليل راجعين مهدودين محبطين مالهمش الا فى لعن الزمن اللى هم عايشين فيه (وكل واحد فيهم لو دخل فى حيطه حينفد من الناحية التانية).

خلاصة الكلام لازم شبابنا يعرف ازاى يجتهد والمسألة نسبة وتناسب فالاغلبية العربية للأسف متكاسلة فى حين ان الشعوب الاخرى اغلبيتها مجتهده (ورب الكعبة هو ده سر تقدمهم ليس ذكاء ولا عبقرة) فهناك سنه كونيه يجب استيعابها تقول ان لكل مجتهد نصيب... مجتهد بغض النظر عن اى اعتبارات اخرى

اللهم اصلح احوال شباب المسلمين... آمين

سبحانك اللهم وبحمدك استغفرك واتوب اليك

[sa_eldbr]

السلام عليكم

صراحة الموضوع عجبني قوي . انا بقول يا اخونا اني الفارق في الموضوع كما تفضل ا/ محمد هو الإجتهاد ( العمل ) العمل علي طلب العلم وتنمية المهارات والإطلاع علي كل ما هو جديد والسعي إلي الإحتراف كل في مجالة . واذكر هنا بيت شعر ( وقدر كل امريء ما كان يحسنه ) فأن لا اؤمن بأنه يوجد شخص عبقري في مجال معين ولكن يوجد اجتهاد وتركيز وسعي وهمة وعزيمة مش نوم وكسل وتراخي ولعن للوضع الي احنا فية . انا اظن اني المشكلة فينا مش الظروف . لو نظرت لحال العلماء لطالما وجدت اني ظروفهم يكاد يكون النجاح معها مستحيل ولكن هم اختاروا لأنفسهم العلو فعلاً الموضوع كبير محتاج لبحث وحلول لتغير التركيبة العربية الغريبة . الغريب اني احنا مسلمين يعني قلما تجد سورة في القرءان إلا وتتكلم عن العلم والعمل والإجتهاد وأن الله لا يضيع اجر من احسن عملا . للأسف الوضع عايز حل ووقفة لكل انسان مع نفسة .

وفي النهاية نسال الله سبحانه وتعالي ان يعيد للمسملين عزتهم وعلو همتهم في جميع المجالات انه سميع قريب مجيب الدعاء .