إيه الخطوات اللي المفروض اتبعها؟

[درب النجاة]

بسم الله الرحمن الرحيم

أنا سعيدة جدا إني اشتركت في هذا المنتدى

أنا حاصلة على بكالوريوس تجارة جامعة الأزهر بنات واتخرجت من حوالي 7 سنوات ولم أعمل خالص من قبل في مجال المحاسبة والآن حابه أعمل في مجالي فعملت الأجراءات التالية

1- رحت الجامعة وقدمت على تمهيدي ماجستير ولله الحمد خلصت أوراقي لأني بقالي 7 سنين مخلصه جامعة أكيد محتاجة لمذاكرة كويس وقبل ما أقدم على الخطوة دي دورت لقيت إن أمامي اروح لمكتب ادرب فيه 7 اسابيع يعطوني خبرة سنتين ب حوالي 600 جنية حسيت إن 7 اسابيع مش كفاية ومعرفتش اتوصل لقيمة شهادة الخبرة اللي هيعطوها لي سليمة واللا ملهاش لازمة في الشغل فقررت أدرس اكاديمي

2- هاخد كورس انجليزي وهبدأ من الشهر ده إن شاء الله - شفت موضوع في منتدى بنت بتعطي الكورس على النت وكل مستوى اضع في حسابها في البنك فلوس المستوى يعني مش هاخد شهادة لكن أكيد هيبان أثره علي وحسيت إنه اسهل من خروجي وانتظاري وكمان هكون لوحدي وعلى راحتي وقلت في نفسي لو عايزه شهادة ممكن في الأخر اروح لمكان اخد فيه كورس طبعا هيعملوا لي اختبار تحديد مستوى اختبر واخد بعدها مستوى واحد واخد الشهادة وامشي ^ن^

ودي استفساراتي:

~~~~~~~

1- أيه الكورسات المهمه اللي المفروض اسعى لها ؟

2- أنا قرأت هنا إنه علشان أثقل نفسي اروح لمكتب واعرض عليهم يدربوني حتى ولو بدون مقابل ولقيتها فعلا فكرة حلوة جدااا بس ما فهمتش مكتب إيه اللي اروحه ؟!

3- هل لي فرصه بعد كل السنين ديه الأقي وظيفة حلوة مع الشغل اللي بعمله ده؟ الحمد لله رب العالمين - أنا نزلت كورس مبادئ تعليم المحاسبة من على النت وتقريبا متذكرة أغلب الدروس ولله الحمد

وكنت شاطرة في الجامعة هو انا حصلت على تقدير جيد بس بسبب ظروف... الحمد لله على كل حال،،

منتظرة تفيدوني وهل أنا كده صح؟ واعمل ايه تاني؟

وكمان أنا منتقبة هل في شركات ممكن ترفضني بسبب النقاب واللا الناس متفتحة وأهم شئ العلم ^ن^ ؟

[وليد صلاح اللقاني]

• بالرغم من انك فقدت 7 سنوات من عمرك بدون ممارسة مهنية إلا أن هذا الوقت ليس بالكثير فيمكنك ان تبدأى بالأستعانة بالله ومن حسن الحظ أنه بداخل المنتدى فى المحاسبة المالية الكثير من المواضيع والااستفسارات واجابات الزملاء لو قرأتيها بتركيز جميعها ،
  أؤكد لك بفضل الله حيكون عندك خبرة ممتازة فى المهنة بدون أن تذهبي إلى مكتب محاسبة وهذا المقصود بكلمة مكتب أكيد مكتب محاسب قانوني .
  بالنسبة للكورسات اعتقد انه ينقصك الان :
  
• كورسات الكمبيوتر وكيف تستعملية كاداة مساعدة فى المحاسبة .
  
  
• اللغة الانجليزية وهذا هام جدا خاصة فى سوق العمل .
  
  
• وأخيرا ... عليك بالإطلاع والثقافة المهنية لان الخبرة لا تقتصر على المذاكرة والممارسة العملية .
  
  
• ومن رأى الشخصي أن المحاسبة هى إسلوب تفكير يؤهل صاحبة لتحويل البيانات الى معلومات مفيدة بأقصر السبل لتقديمها إلى من يهمة الأمر .
  
  
• وبالنسبة إلى موضوع انك منتقبه ... فأعتقد ان هذا ليس علاقة بصاحب العمل او المدير المالى ال يبحث عن الخبرة وإفادة المنشأة لأنه يتعامل مع ذهنك وليس مع ( ..... ) هذا لمن يبحث عن الخبرة ، وفى حالة بحثة عن أشياء أخري .. فليبحث عنها بعيد عن الملتزمين .
  

وليوفقنا الله لما يحبه ويرضاه

وبالتوفيق دائما .... إن شاء الله

[درب النجاة]

أستاذ وليد

~~ جزاك الله خيرا،،

فعلا إجابة حضرتك ريحتني كثيرا ، الله يبارك في حضرتك..

عندي استفسار:

• كورسات الكمبيوتر وكيف تستعملية كاداة مساعدة فى المحاسبة .
  

المقصود الأكسل والأكسس؟ وهل في غيرهم؟

أنا الحمد لله بعرف استخدم الوورد والفوتوشوب والبوربوينت واتعلمت شويه اكسل لكن ما قربتش من الأكسس خالص اسمع عنه بس

وبالنسبة للبرامج فعندي لاب شخصي وعلشان اعتمد على نفسي اتعلمت انزل برامج وويندوز بالبحث والممارسة.

وبالنسبة للمنتدى هنا فأنا فعلا لاحظت إنه ممتاز ومن الأمس قررت أن أخصص كل يوم ما بين ساعة إلى ساعتين اطَّلع على المواضيع السابقة للأستفادة منها

وربنا يجعله في ميزان حسناتكم..

تم تعديل 5 سبتمبر 2012 بواسطة درب النجاة

[وليد صلاح اللقاني]

اقصد مجموعة الاوفيس وكيف يمكنك استخدام وخاصة الاكسيل فى المحاسبة كاداة مساعدة وحاولى ان تبداي بالمحاكاه يعنى تشوفى مسالة وتحليها بواسطة الاكسيل وهكذا وما بداتيه بتخصيص ساعة يوميا للاطلاع بالمنتدى .. ممتازة جدا ... وبالتوفيق دائما