الأزمة السكانية والحلول الغائبة

[hazimhsn]

السلام عليكم ورحمة الله وبركاتة

كنت أستمع اليوم إلى قناة فضائية ووجدت المذيعة جالسة في حوار مع أحد رؤساء تحرير صحيفة قومية ( إن صح التعبير فقد أصبحت صحف قطاع خاص ) يتحدث بحرية والمذيعة مبسوطة أشد الأنبساط وفي غاية الفرح و تكاد تطير من الفرحة لهذا العبقري الذي يحل لها مشاكل العالم قبل أن ينهي فنجان القهوة.

فيقول لقد أصبحت جاردن سيتي تسمى باركينج سيتي فترد عليه المذيعة آه دا الناس الغير حضاريين دول بيركنوا السيارات بتاعتهم في الشارع إيه التخلف ده؟ فيقول لها العبقري وهو صاحب المقام الرفيع العلي لازم الأمن ينزل الشوراع ويدي الناس الهمجية دي مخالفات علشان أصحاب المال يقدروا يستثمروا فلوسهم في عمل باركينج للسيارات ( خايف على مصلحة رجال الأعمال حماهم الله طبعا ) !!!!!!!ولازم بقبضوا على الناس اللي بتحتل الرصيف وتبيع عليه، دول قمة التخلف ويجب أن يلقوا خلف الجدران.

وبعدين الحكومة منذ سنة 2000 وقد دخل فيها قيادات شابة وقد حققت نموا لا مثيل له ( بس هو نسى يقول النموا كان بالسالب ) فتتحمس المذيعة وتقول آه دا دخل الحكومة في الفترة الأخير شباب على مستوى عال من التعليم والثقافة وإحنا شايفين التقدم ( طبعا ماهي بتاخد آلاف الجنيهات في الشهر إن لم يكن في الحلقة الواحدة ).

ويستطرد العبقري يقول بس الناس مش عارفة مصلحتها ؟ وإحنا عارفين مصلجة الشعب وبنعمل على رفاهيتة ( علشان كده أنا بقول هما بيبيعو البلد ليه ؟ فهمت علشان يجيبلونا فلوس نصرفها على الكورة والفنانين والحفلات وليالي التليفزيون والمسلسلات ) وبعدين عمال يدبرو لينا المؤمرات علشان يزيحونا من سدة الحكم ( ولسان حالة يقول بصوا إحنا قاعدين واللي مش عاجبه يسيب البلد ).

ويستطرد العبقري في حلة لمشكلة الأزمة السكانية

لازم نشف تجربة تونس بالكربون ( وهنا تقول المذيعة نعم نعم ) ممكن نعمل قانون يجرم الإنجاب بس مش عايز ( مؤمن ) لقد أخطاء في الكلام ! مش عايز شيخ يخرج عليا ويقول الدين بيقول كذا ( يعني ما لقيصر لقيصر وما لله لله ).

هنا تذكرت أن هذا الصحفي إنما يردد كلام معلمية الذين تناولو هذا الموضوع.

المفكر الألماني الشهير باول شمتز إذ يقول: تشير ظاهرة النمو السكاني في أقطار الشرق الإسلامي إلى احتمال وقوع هزة في ميزان القوى في العالم كله

ويخرج علينا عبقري آخر من جامعة (استانفورد) بأمريكا، يقول: إنني أقترح لحل المشكلة السكانية، أن يخلط القمح الذي يصدر إلى دول العالم الثالث بالعقاقير الطبية التي تمنع الحمل.

ما المقصود بالأزمة السكانية؟

هل لدينا في وطننا العربي أزمة سكانية؟

هل الحل هو وقف الإنجاب أو الإكتفاء بطفل أو إثنين؟ وما هي الوسائل المستخدمة ؟

أم أن الحل في التوجية الأمثل للموارد السكانية؟

هل الفوة البشرية ليس لها حسبان سواء من الناحية الإقتصادية أو العسكرية أوالإجتماعية؟

هل هناك مصالح لدول آخرى تريد القضاء على ثروتنا البشرية؟

هذه بعض الأفكار ................

أتمنى المشاركة فهو مستقبل أمة وليس مبارة كرة قدم مش مهم مين اللي يكسب ؟وليس سيناريو لفيلم أو لمسلسل وليس خبر في نشرة الأخبار.