ارجو المساعده بخصوص "الفواتير"

[رضا2010]

السلام عليكم ورحمه الله وبركاته

اتمنى من حضراتكم تردوا عليا بسرعه جدااااا

انا خريج 2010

وطبعا خبرتى قليله جداا من الناحيه العمليه

ولسه ماسك شغل من اسبوع فى شركه بتنتج عصاير طبيعيه

والشركه طبعا دفاترها مش منضبطه اوى وعلى قدها

المهم فى كذا عميل طلب فواتير ضريبيه

وعايز استشيركم فى الموضوع ده

انا على حد علمى وقرايتى من المنتديات

إن نشاط شركتى مفيهوش ضرايب

إننا بنجيب فاكهه من السوق ونعصرها ونعبيها ونبيعها يوم بيوم لكافيهات

كده ميبقاش عليه ضريبه

يعنى نشاطنا معفى

فهل انا صح كده ولا غلط

ولو صح اقول للعميل إن نشاطى معفى وخلاص كده ولا بياخد ورق معين زى صوره من السجل مثلا

ولو كلامى غلط

احسب عليه ضريبه كام فى المئه

واختم الفاتوره بختم الشركه اللى عليه رقم السجل

علشان الفاتوره معليهاش غير اسم وعنوان الشركه بس

واسف على الإطاااله