البحث في الموقع

السلام عليكم ورحمة الله وبركاته مبدئياً كده يا جماعة الموضوع ده عبارة عن فكرة جت لي وانا خلاص هبتدي اذاكر part 1 والفكرة مبنية على التفاعل والتواصل بين كل الاعضاء اللي بيدرسوا cma بمعنى ايه ؟؟؟؟ بمعنى ان مين فينا لما بيذاكر اي مادة علمية بيفهمها كلها من اول مرة ومين فينا مبيلاقيش صعوبة احياناً في فهم نقطة معينة في دراسته ؟ تقريباً كلنا كدة (الا من رحم ربي ) طيب نعمل ايه؟وخصوصاً في ال cma الناس اللي بتدرسها كلهم مش من مكان واحد اللي من القاهرة واللي من الاسكندرية واللي من الصعيد واللي من السعودية واللي من الكويت واللي من الامارات الخ الخ الخ ........... وكمان اغلب الدارسين فيها بيدرسوها بنظام self study يعني محدش بيشرحلهم ( يعني اللي بتقف معاه حاجة منهم بيبقى امله الوحيد ان ينزله عليه كائن فضائي يفهموا او ينام ويحلم بالشرح او يقعد اسابيع على النت على امل ان يلاقي موقع يشرح له النقطة دي مخصوص ............... باختصار الموضوع ده هيبقى موضوع مفتوح لكل حد مش فاهم حاجة معينة ذاكرها او سؤال معين او شرح نقطة يدخل ويكتبها او يعرضها بأي طريقة تتيح للي يقراها يعرف ليه مشكلته بالظبط وطبعاً زي ما فيه حد مش فاهم النقطة دي اكيد فيه حد هيكون فاهمها ويشرحها له او يعملوا اي connection بينهم من خلاله يقدروا يتواصلوا مع بعض واللي شجعني على الموضوع ده اني اعرضه عليكم حاجات كتير اوي منها 1-ان بسم الله ما شاء الله عندنا في المنتدى حيتان في جميع فروع المحاسبة منهم admin and mismael and rafiko وغيرهم كتير عشان بس مننساش حد منهم and Hameed and Bishara 2-ان عندنا ناس تانية من الزوار من اصحاب الخبرات العلمية والعملية او بعض الطلبة بسم الله ما شاء الله عليهم عندهم قدرات فائقة في الاستيعاب وتوصيل المعلومة 3-ان مينا فينا بجد يا جماعة مبيحسش بمنتهى السعادة لما يشوف حد مش فاهم حاجة وهو يفهموا وكمان ده غير الاجر والثواب من ربنا 4-اننا ملناش غير بعض بجد كعرب سواء مسلمين او اقباط ملناش غيؤ بعض في ظل الظروف الي العالم بيعشها دلوقتي وبتعيشها كل الدول العربية من ببطالة وتخلف وجهل وظروف اجتماعية ومعيشية بائسة وليا بعض الملاحظات اللي لحب اضيفها قبل ما اخلص كلامي . 1-اقترح ان يكون اسم المشروع ده تحت عنوان (أنا مش فاهم النقطة دي !!!!! (ادخل وانت تفهم ) ) 2-ان الموضوع يكون مفتوح للجمبع ومستمر دائماً على شريط اخر المشاركات عشان اللي الكل يقدر يعرفه لأن قوته في ان ناس كتير تعرفه سواء اللي مش فاهمين او اللي فاهمين من المراقبين او الزوار 3-النقطة دي خاصة بالناس الجامدين اوي سواء عندنا في المنتدى او الزوار وهم انهم اول ما يدخلوا المنتدى ياريت بجد يعني ياريت يعملوا حاجة بسيطة اوي يدخلوا على الموضوع ده ويشوفوا كدة ان كان فيه حاجة يقدروا يعملوها معلومة يضيفوها يشوفوا حد مش فاهم حاجة يفهموه وانا عارف ان وقتهم غالي اوي بس صدقوني لو قارنتوا الاجر والثواب من ربنا ومدى السعادة اللي هتحسوها لما تعطوا نصف ساعة من وقتكوا للعمل ده وان نصف ساعة تضيع من وقتكوا اكيد النتيجة الاولى تفرق كتير (وخلوا بالكوا يا جماعة ان اللي بيعمل كدة ربنا بيباركلوا في علمه ده واللي بيبخل بمعلومة او علم ربنا اعطاه اياه كلكم عارفين طبعاً جزاءو ايه عند ربنا وحاجة كمان تخليها في بالك انك لو النهاردة فاهم ومش بتساعد اللي محتاج يفهم فبكرة او بعده هتبقى مكانه ومحدش هيساعدك ) 4- ارجو تمديد هذا الموضوع لشمل ال 4 parts وياريت ياريت بجد يبقى على مستوى كل الشهادات 5- كدة مش ناقص غير حاجة واحدة وهي التثبيت وده رجائي للادارة amir soltan ( accountant with stop implementation ).