esmail_sf

الجزء الاول من اسئلة الانتر فيو 1- ايه الفرق بين الميزانية والمركز المالي ؟؟؟ طبعا سؤال سهل .. مش كده المركز المالي : هو قائمة توضح أصول وخصوم المنشأة ... يعني حقوق والتزامات المنشأة ... يعني ايه اللي للمنشأة وايه اللي عليها ... في أي يوم في السنة . يعني في أي يوم نجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي. طب ايه هي الميزانية العمومية ؟ هي : مركز مالي ..... ايه مركز مالي ... يعني أصول وخصوم المنشأة ... حقوق والتزمات المنشأة 2-ايه الفرق بين الميزانية والموازنة ؟؟؟ الميزانية العمومية : هي زي ما قلنا عبارة عن قائمة توضح أصول وخصوم المنشأة ... حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة