مطلوب محاسبين ... ويفضل من سكان الواق واق

[طالب علم *]

بسم الله الرحمن الرحيم

الحمد لله جبنا الجرنال النهارده

ويا فتاح يا عليم يارزاق ياكريم .... ربنا يسهل ونسعى على رزقنا .

أول صفحة فى الجرنال ...

أه الحمد لله وجدتها مطلوب محاسبين سنوات خبرة كذا ... ماشى تعدى ....

شركة التساهيل على الله للتجارة والتوزيع ... ماشى تعدى

يا حظى العثر .... ويفضل سكان الواق واق ... يعنى لازم أكون من سكان العاصمة علشين أشتغل

طيب أشوف إللى بعده

برررررررررررردك يفضل أن يكون من سكان الـ

وإللى بعده بردك . بردك . بردك

النتيجة النهائية الشغل مقصور على سكان العاصمة ... إللى مش عاجبه يروح يلف طعمية بشهادة البكالوريوس بتاعته

أو ممكن يقف فى محل ويلعن الحظ العثر إللى دخله جامعة

سا محونى مش هاقدر أكمل القصة ... أصل دا مشهد متكرر كل أسبوع ولا جديد فى العيد يا سعيد

الحل إيه ؟؟!!!

للعلم أنا من سكان المنصورة ولا إعلان نازل فى المنصورة

سؤال للإخوة إللى يعرفوا أغوار المنصورة وقطعوها حتت

سمعت عن شركات توظيف داخلى ممكن حد يعطينى عناوين أى شركة