شكرا لهذا المنتدى + وقفه هامه مع كل من يريد تعلم برامج محاسبيه

[mohwaghas]

بسم الله الرحمن الرحيم

شكرا لهذا المنتدى فعن طريق عرفت الكثير وتعرفت على الكثيرون من الشخصيات المحترمه واتصالات كتيره بخصوص البيتش ترى لشرحه ودبلومة المحاسبين الشامله لكن كان اللى اتصل بيا الفئات التاليه وانا هاقولها لسبب

1- فئة بتركز على الشهاده ودول كتير ومعظمهم خريجين لسه عايز اى شىء يثبت انه درس البيتش انا عايز اقول حاجه

اولا والله الشل لما يجى مش محتاج شهاده لانه هايمتحنك ولازم تسد بعد كده واعرف اصحاب ليا ماخدوش دورات وراح السعوديه فيزا حره واشتل فى شركة كبيره جدا لكن بعد شهر سابهم لانه ما سدش لانه ما يعرفش حاجه عن الكمبيوتر واشتغل فى المبيعات

اللى عايز اقوله ان الشهاده مش هاتغنيك عن الشرح القوى والمتميز اللى انا مصمم عليه انه هايجى من اشخاص يشرحون لك وليس من مراكز مهما كانت ومش شرط انا لا دور وهاتلاقى اشخاص كتيييييييييير بتشرح البرنامج وباتقان

ثم ان معظم المراكز فى واقعنا والله لا يشرحوا الا رتوش مثلا ما يشرحوش كل عناصر المخزون

ولا كل انواع شجرة الحسابات ولا تخصيص اوامر الشراء للطباعه مثلا ولا التع7امل مع القوائم ولا ولا -------------- كتير من المواضيع الهامه

يعنى من الاخر الشهاده امرها سهل بتتباع الوقتى لكن اللى مش بيتعوض الشرح وانا عن نفسى مع انى مدرب والله لو عرفت ان فيه واحد متميز هاروحله واخليه يشرحلى وباى فلوس طالما هايفيدنى انما اللى بيضايقنى طلب الشهاده انا اقدر اجيب شهادة معتمده عادى لكن ما حبتش ان الناس تفكر كده وربنا يهدى الجميع

من واقع خبرتى وتعاملى مع زملاء والله الراكز اللى بتشرح البيتش ترى بكل المقاييس بتستعبط لانها مش بتشرح مواضيع هامه

عموما ربنا يسهل لخلقه انا مش باقطع رزق حد انا بس باقول لو صاحب المركز ده هو اللى هايشرح ياريت بياخد كورس نضيف علشان يحلل القرش اللى بياخده من الناس

2- المديرين وكانوا ناضجين لدرجة انهم قالولى لو عرفت تخلصهولنا فى يومين يبقى كويس

اما بالنسبه ليا فيعلم الله انا باحضر الكورس ازاى انا باقرأ فى اكترمن كتاب وباستعين بالمانيول فى حاجات اساسيه زى انواع الحسابات غير ان اللى شرحهولى اساسا راجل خبره 16 سنه + اننى اشتلت فى مجال البرامج المحاسبيه ووضع انظمه لشركات صغيره واستعنت بخبرتى فى التدريب وبطرق الشرح وبكيفية توصيل معلومه كامله

ولهذا اعلن منهج الدورة الخاصه ببرنامج البيتش ترى ولاول مرة

1- مقدمه عامه عن البرامج المحاسبيه وفكرتها وكيفية برمجتها ومكوناتها البرمجيه ومكوناتها المحاسبيه من مستندات وخلافه

2- التمهيد لادخال بينات شركتك الى برنامج البيتش (الخطوات اللازمه)

3- ادخال البيانات الى برنامج بيتش وتفصيل كل بياناته

4- اولها شجرة الحسابات شرح كل نوع منها وماهى الحسابات التى توجد فى شركتى وتناسب هذا النوع من الحسابات

(وماهو دور شجرة الحسابات فى البرنامج وكيفية التعامل معها باحتراف )

طبعا

مش هقدر اكمل اصلى خايف بضراحه المنهج يتحرق زى المسلسلا ت كده

وعموما ربنا يوفق الجميع

محمد وجيه 0020166293935

mohwaghas@yahoo.com

تم تعديل 15 يوليو 2008 بواسطة mohwaghas

[memomsn2006]

الف شكر يا باشا على النصائح الغاليه بس ياريت توضح اكتر مكانك وامته الدوره هتبداء وبكام وشكرررررراااا

[alaaaboulela]

أستاذ وجيه !!

السلام عليكم

هل ليكوا علاقة بشركه جوجو تك ؟؟!! أم إنكم مركز أخر ؟؟!!

أم إنه تشابه أسماء ؟؟!! الشركه مقرها في الخليفة المأمون .

[mohwaghas]

شكرا للردود لا والله ماليش علاقه باى شركة ولا معهد ولا جوجو تك ولا لولو تك وعموما شكرا الاحترام له اهله يا جماعه شكرا بجد لكل انسان بيحترم نفسه ورد رد عقلانى الدورة مقرها المنصورة ش جيهان سعر الدورة البيتش منفصل 300ج

[alaaaboulela]

شكرا للردود لا والله ماليش علاقه باى شركة ولا معهد ولا جوجو تك ولا لولو تك وعموما شكرا الاحترام له اهله

يا جماعه شكرا بجد لكل انسان بيحترم نفسه ورد رد عقلانى

الدورة مقرها المنصورة ش جيهان

سعر الدورة البيتش منفصل 300ج

السلام عليكم

والله يا أخي لم أقصد بها إهانة ولا إستهزاءاً وبالفعل هناك شركه بهذا الإسم ومديرها يدعى وجيه .

على أي حال تقبل أسفي ...

.........

أنا إن سكت فذاك لحسن أخـــــــــلاقي

ولئن رددت العيب بنفس الكيل نقصاناً

فأنا الـــــــكريم إذا مــــــــازاد ميزاني

عمن هجــــــــاني وكان الرد إحساني .

[mohwaghas]

اشكر حضرتك يا استاذ ابوليله على الرد وانا اللى بتاسف لانى فهمت غلط وعذرى ان ده وارد وعموما

حصل خير والله يا اخى كل الحكايه انى زهقت من استغلال المراكز للمدربين صاحب المركز بيكسب كويس وتلاقيه مش بيدى مرتب اساسا وخصوصا فى بداية عملى كمدرب

والان باردو حاجه صعبه باحس ان المركز بيحقد على الواحد لما اطلب التعامل بالنسبه

والله انا حاسس ان المشكله فى مصر طبعا بالاضافه الى وجود سرقه وحخلافه وظروف صعبه بس صدقنى المشكله بدأت من الانانيه وحب النفس وكل واحد مش عايز حد ينجح الا هو ولا يكسب الا هو

انا هاحكى حكايه عن صاحب معهد ونصيحه انا هاضطر اقول اسم المعهد لسبب انه حرام اى واحد يدفع فلوس فيه

لان صاحب المعهد هو اللى بيحضر الدرس وبيخش يشرحه وقدامى

انا رحتله وقلتله انا مدرب بيتش وكويك واكسيل

مثلا وانا باتعامل بالنسبه

تصوروا بالله عليكم قالى ايه ؟

قالى : انا ممكن اديك نص االفلوس يعنى نص المكسب يعنى لو المتدرب بيدفع 300 هاخد على كل متدرب 150

ياااااااااه حاجه حلوة طبعا قالى بس بشرط تشرحلى المنهج كله

ههههههههههههههههههههههههههههههههههههههههه

بيهزر انا فاهمه لانه بيشرح فى مركزه ولانه بيشرح بفلوس اى كلام وبيستغل الفقرا فعاوز هو اللى يشرح

وطبعا ده اللى خلانى ابدأ اشتغل بشكل مستقل وادرب مخصوص

لحين السفر والفرج

والسلام عليكم ورحمة الله

تم تعديل 16 يوليو 2008 بواسطة mismael
وضع تحذير من التعامل مع معهد آخر محدد بالاسم (غير لائق)

[alaaaboulela]

حصل خير وبالفعل أنا إلتمس لك عذرا عن سوء فهم الموقف أو أنك إعتقدت خطأ بأنني صاحب مركز أو أنني أهزأ بك .

ولكن لي نصيحه ((فن الدعاية والإعلان))عندما تريد أن تعلن عن منتج أو عن نفسك بشكل مباشر أو غير فعليك أن تبعد عن إستخدام الكلمات والألفاظ السلبيه التي تنفر منك الأخرين أو ما يسمى بمعنى أصح التنافر اللا إداركي الذي يترسب بالعقل الباطن دونما أي تجارب سابقة معك فالناس لاتعرفك حتى تحكم على شخصيتك وإنما يقومون بوضع تصور من خلال كلماتك لشخصيتك فحاول جاهداً أن تبعد عن الكلمات التي تشوه شخصيتك

• لا تستخدم الكلمات السلبيه مثل الفشل الخساره التلف العيوب التدمير الخراب وإن كان لا محاله فإستبدال بكلمات تؤدي نفس التعبير
• قل أعتقد أنك شخصيه طيبة ولا تقل أنت إنسان لا تتسم بالخبث واللؤم
• لا تستهجن الأخرين ولا تنتقدهم حتى لا تواجه بردود عدوانيه تؤثر على سمعتك أمام الأخرين
• لا تذكر مساوئ الأخرين لتظهر محاسنك أو محاسن منتجك
• قل منتجي أو خدمتي تتميز عن غيري بالجوده ولا تقل أنا أقدم خدمه أفضل من فلان أو فلان
• لا تقل منتجي لا يتلف ولا يصدأ ولكن قل جودة منتجي عاليه
• لاتقل السياره التي أمامك أفضل من الي بي إم دبليو أو مرسيدس ولكن قل سياراتنا هي أفضل السيارات الموجوده بالسوق
• ركز على ذكر المعاني الإيجابيه مثل المكسب الربح المفيده المزايا الأهداف والنجاح السرعه و الأداء والجوده والضمان والراحه والدفء والهدوء والإستقرار والسكينه ووقايه والطيبه وحسن المعامله وخدمة العملاء ويهمنا راحتك ولا تقل مش عايزنك تتعب في حاجه .
• حاول دوما أن تنقل صوره أفضل من خلال رسم المعاني في الكلمات وأجعل عميلك يرى البسمه من خلال كلماتك .
• تذكر لا يلتصق بذهن سامعيك أو قارئيك إلا معاني إيجابيه أو سلبيه فحاول أن تكثر من المزايا دونما ذكر عيوب الأخرين

[alaaaboulela]

وياريت في كتابتك تبتعد عن اللون الأحمر عشان إما إنه

• بينرفز الأعصاب وعشان كده بيستخدموه في مصارعه .........وهو (من الألوان السخنه ) والدنيا حر ومش ناقصه هههههه
• أو إنه بيستخدم في الأوقات الرومانسيه ومش هنا مكانه طالما بتتكلم في بيزنس .

الكتابات باللون الأزرق تبعث الثقه في نفوس الأخرين والأخضر مدلوله الطيبة .

[mohwaghas]

شكرا للاستاذ علاء ابوليله فعلا كلام حضرتك 100% صح وعشان كده انا هاعمل اعلان

بسم الله الرحمن الرحيم

ايمانا منا بان العلم هو اسهل الطرق للوصول وان الموهبه اذا اجتمعت مع العلم كانتا نجما يسطع على مر الزمن وانه من حق كل محاسب ان يتعلم الجديد فى عالم اليوم وان الانسان يتميز بذكاء ينبغى ان ننميه ونوظفه كانت هذه الدورة

هذ المجموعه الراقيه والنادرة من الكورسات المجمعه مع بعضها كفيله بان ترفع مستواك الى القمه لترقى الى مكانة مديرى الحسابات

فاهم ما يميزها

1- التفصيل والتركيز على مهام اداريه واداريه ومحاسبيه مهام عامه وخاصه للمديروللمحاسب

2- الجودة فى الشرح والعلم الراقى

3- تشمل كل ما يخص عالم اليوم من متطلبات الحصول على وظيفه من دورات مختلفه هامه للمحاسب

4-السرعه فى الفهم ووصول المعلومه وضرب امثله عمليه

5- الدورة تضرب الاسعار وتحطمها

الدورة عمليه جدا مدتها قصيره

تشمل

(محاسبه عربى يدوى ودفترى +

محاسبه انجليزى (هامه للعمل فى الشركات المالتى ودول الخليج)

icdl

peachtree

quickbooks

excel accounting

سعر الدورة كاملة 800 ج ولكن للتفاهم فى بعض البنود يمكنك الاتصال

للاتصال

0166293935

mohwaghas@yahoo