اذهب الي المحتوي

ممكن مساعدة من اللي شاغلين محاسبين؟؟؟


المشاركات الموصى بها

يا جماعة انا خريج تجارة دفعة 2007 واشتغلت من اسبوع في شركة استيراد كماليات السيارات في قسم الحسابات

وبصراحة الراجل رئيسي محترم جدا وذوق جدا وبيعلمني وحدة وحدة وباقية اللي شاغلين في الشركة نفس الوضع

انا كل اللي بعمله دلوقتي

ان الفواتير بتجي القسم الصبح من المحزن بسجلها في حسابات العملاء وبعد كدة في حساب المبيعات وفي الاخر احط

الفاتورة في فايل العميل

وتيجي بعد كدة كشوف حسابات معرض الشركة اللي بنبيع فيه قطع مش كراتين للعملاء العادين

ارجعهاواسجلها في حسابات عملاء المحل اللي هما علي قدهم وبعد كدة اسجلها في حساب مبيعات المحل

وتروح بعد كدة للمحزن علشان يسجلوا الكميات اللي اتبعات علي الكمبيوتر

بعد كدة اسجل الاذون اللي جايه من الخازنة سواء استلام او صرف

لما اخلص بطلع دفتر الخازنة افضل ارصد فيه وارحل اهي تسلية والسلام

طبعا كل دا وناس بتراجع ورايا

بعد ما اخلص كل دا اساعد زمايل ليا في حاجات بسيطة زي الرسايل اللي جايه من الجمرك وكدة

انا عايز اعرف هل كدة انا بتعلم محاسبة ولا كل دا حاجات بسيطة

مع العلم اني لسه بقول يا هادي

وعايز اخد رايكم مش افضل لو كنت ادربت في مكتب محاسبة

رابط هذا التعليق
شارك على مواقع اخرى

عزيزي zoma87 السلام اود ان اتقدم اليك ببعض النصح في مجال عملك 1/ قم بمتابعة فتح الاعتماد من البدائة اي من مخاطبة الجهة الموردة وطريقة الاستيراد ثانيا متابعة الاصناف بالمستندات ثم متابعة البضاعة مع مستندات الشحن ثالثا متابعة البضاعة من مستندات الجمارك ثم ترحيل البضاعة من المياء الوصول الي مخازنكم وبهذه الطريقة تكون قد تابعت حركة البضاعة من المصدر الي المستهلك وكل خطوة من اعلاه تكون بقيود محاسبية ودي طريقة مبسطة لعملك واذا احتجت لتفصيل اكثر نحن حاضرين ...... رابح

رابط هذا التعليق
شارك على مواقع اخرى

الاخ الزميل /

من وصفك وتوصيفك لمهام عملك اقول لك انك وضعت يدك علي بدايه الطريق الصحيح باذن الله .

ومع ما ذكره الزميل الذي نصحك به من تعلم الاعنمادات المستنديه بدايه من فتح الاعتماد وعمل اجراءات الجمارك والتوكيلات الملاحيه والتخليص عليها وادخالها المستودعات وفحص البضاعه . قد تكون قد خطوت خطوه متقدمه الي الامام . وحبذا لو درست الائحه الاستيراديه وقانون الجمارك وقانون النقد الاجنبي والتعريفه الجمركيه وقانون التامين البحري. وهذا من شانه ان يضعك في موقف قوي عند تعاملك مع اي من الجهات التي تتعامل معها . وايضا انصحك بان تعرف اجراءات العرض علي الجهات المختلفه التي تخضع البضائع المستورده لها وخاصه الرقابه علي الصادرات والورادات.

اتمني لك مستقبل مشرق باذن الله

ملحوظه : هذه الاجراءات تخص بيئه العمل طبقا للقوانيين المصريه وليست بالضروره تتفق مع ماهو معمول به في الدول العربيه الاخري

لا دار للمـرء بعد الموت يسكنهاإلا التي كان قبل الموت يـبنيها

فإن بناها بخيرٍ طاب مسكنهاوإن بناها بـشـرٍ خاب بانيها

علي بن أبي طالب رضي الله عنه

اللهم اعنا علي ذكرك وشكرك وحسن عبادتك

رابط هذا التعليق
شارك على مواقع اخرى

شكرا يا خواني لتقديم النصيحة انا قدامي فرصة تدريب في مكتب محاسبة تنصحوني بايه وهل اللي بتعلموا دلوقتي خاص بشركات الاستراد والتصدير ام هذا مبادي اساسية للمحاسبة

رابط هذا التعليق
شارك على مواقع اخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
×
×
  • اضف...