ما الفرق بين السلف المؤقته و السلف المستديمة ؟

[asa76]

السلام عليكم و رحمة الله و بركاته

ارجو من الاخوة الاعضاء المتخصصين و الاساتذة الكرام التفضل بشرح الفرق بين السلف المؤقته و السلف المستديمة من حيث معني كل منهم و المعالجة المحاسبية لانشاء و سداد او استعاضة كل منهم علي حدة و تسويتهم في نهاية السنة المالية

و عذارا اذا كان الموضوع مكرر

و لكم جزيل الشكر

[ahmed_wagih]

السلام عليكم ورحمة الله وبركاتة بالنسبة لموضوع الفرق بين السلف المستديمة والمؤقتة فالفرق واضح من معناها بمعنى ان السلفة المؤقتة هى سلفة تصرف لموظف معين وذلك لهدف معين يبنتهى بمجرد انتهاء هذا الهدف مثال ان عندى موظف اسمه محمد نازل يشترى ادوات كتابية للشركة مرة واحدة بعطى له مثلا الف جنية واقول 1000 من ح / السلف - المؤقتة 1000 الى ح / الصندوق ولما الموظف يرجع بسوى معاه على اعتبار انه اشترى ادوات كتابية بمبلغ 900 جنية بعمل القيد التالى من مذكورين 900 ح / مصاريف عمومية - ادوات كتابية 100 ح / الصندق 1000 الى ح / السلف - المؤقتة بس كدة يا سيدى ويبقى انتهى الغرض من السلفة بس انا اوقات فى الشركة بيبقى فيه شخص معين تختارة الادارة يبقى لازم معاه فلوس علشان بوفية مثلا ونثريات ومصاريف ضيافة دة بقى بيتحدد له مبلغ معين مثلا 500 جنية كسلفة مستديمة انا بقى كمحاسب بعمل اه 500 من ح / السلف - المستديمة 500 الى ح / الصندوق ولما يجى الموظف دى يسوى معايا طبعا غرض السلفة لسة موجود وهو انه لازم يبقى معاه فلوس بصرف له المبلغ اللى صرفة بس علشان يبقىة مبلغ السلفة زى ما هو معاه اوضح لك اكتر لو صرف 300 ج من السلفة جاب شاى وسكر ونسكافية علشان الموظفين يعرفوا يشتغلوا ويركزوا اقول اه 300 من ح مصاريف عمومية - مصاريف بوفية 300 الى ح الصندوق وبكدة ايفضل مبلغ السلفة المستديمة معاه لحد اخر السنة اخر السنة بقى لازم اسوى السلفة معاه واشوف اللى صرفة اخذة منه والباقى يوردة وبعد كدة اول السنة الجديدة ابدى تانى الحكاية معاه اوضح لك اكتر اخر السنة مثلا لو كان صرف ب 400 مصاريف ضيافة مثلا اقول من مذكورين 400 ح / مصاريف عمومية - ضيافة 100 ح الصندوق 500 الى ح / السلفة المستديمة انا كدة اخذت منه الباقى علشان اقفل حساباتى وميكنتش لية رصيد فى الميزانية وكمان حملة مصاريف السنة اللى تخصها واجى فى السنة الجديدة اعمل قيد جديد هو 500 من ح / السلف - المستديمة 500 الى ح / الصندوق بس كدة يا عم انا حاولت اجاوب على اد خبرتى ياريت لو فيه اى ملحوظة على جوابى كلنا بنتعلم والسلام عليكم ورحمة الله وبركاتة

[بن خلدون]

تستخدم السلف المستديمة والسلف المؤقتة عادتاً في المحاسبة الحكومية وكما تعرف فأن المحاسبة الحكومية تختلف من بلد إلى بلد أخر ، مثلاً السلف المؤقتة في المحاسبة الحكومية في المملكة العربية السعودية هي كتالي :

السلف المؤقتة : هي المبالغ التي تصرفه الجهة الحكومية لاحد موظيفها ( يكون عادة مأمور المشتريات ) لتأمين بعض المشتريات وعند قيام ذلك الموظف بتقديم المستندات المؤيدة لصرف تلك السلفة أو جزء منها ، تقوم الجهة الحكومية بخصم إجمالي قيمة المصروفات المؤيدة بتلك المستندات على بنود مصورفات الميزانية وأن بقي شيء من السلفة فينبغي توريده إلى الصندوق نقدا اي بمعنى أن تقفل السلفة المؤقتة فور انتهاء الغرض الذي من أجله صرفت هذه السلفة.

السلف المستديمة: هي المبالغ التي تصرفها الوحدات الحكومية بصفة مستديمة لفروعها والتي لا تمسك حساباتها بنفسها للصرف منها على أوجه النشاط المختلفة ويقوم المركز الرئيسي بتعويض الفرع عن ما تم صرفه بواجب مستندات الصرف الورادة خلال العام ويتم أفقال السلف نهاية السنة المالية.

[alaaaboulela]

السلام عليكم و رحمة الله و بركاته

ارجو من الاخوة الاعضاء المتخصصين و الاساتذة الكرام التفضل بشرح الفرق بين السلف المؤقته و السلف المستديمة من حيث معني كل منهم و المعالجة المحاسبية لانشاء و سداد او استعاضة كل منهم علي حدة و تسويتهم في نهاية السنة المالية

و عذارا اذا كان الموضوع مكرر

و لكم جزيل الشكر

إضافة بسيطه لما ذكره الزملاء

العهد المؤقته تنتهي بإنتهاء الغرض منها .

العهده المستديمه يتم إستعاضتها بقيمة المنصرف منها ليعود مبلغها كما كان قبل عملية الصرف .

تم تعديل 2 نوفمبر 2009 بواسطة alaaaboulela

[محمد السيد عجاج]

ما تفضلتم به من اجابة يوضح الفرق بين العهدة المستديمة والعهدة المؤقتة اما مفهوم السلفة فى مجال عملنا(شركة مساهمة) يختص بالسلف الشخصية على العاملين بالشركة (واذا كان المفهوم غير ذلك ارجو التوضيح)وشكرا.

[بحر الإسلام]

طيب هل صندوق الزماله بيكون ليه نفس التوجيه المحاسبى ولا بيختلف

[ام سلطان]

الفرق بين السلف المستديمة و المؤقتة هي كالتي تفضل الاخ المحترم ابن خلدون و شرحها

شكرا