اذهب الي المحتوي

مستقبل بجد مظلم ولالالالالالالالالالالا


محمد عاطف

المشاركات الموصى بها

السلام عليكم اخواني وزملائي المحاسبين والله انا هكتب لكم النهارده في موضع بس يا ريت محدش يقول انه موضع هم او غم لكن كل الي فيه اني عاوز اعرف ايه المستقبل عاوز اعرف حياتي هتبقى زي ما الدكاترة ما بيقولوا لنا ولا هتكون حياه كلها عمل في مجالي دكاترتنا بتقوللنا احسنكم اتعلموا صنعه تبقى معاكم لانكم فين وفين لما تشتغلوا وياريت هتشتغلوا في شغلانه كويسه هل فعلا انا كا محاسب هيبقى صعب عليه اني اشتغل في مصر وسط العدد الهائل من خريجي المحاسبه كل عام كل ما افكر في عدد خرجي المحاسبه اشوف الدنيا وحشه قوي اقول يعني انا دوننا عن كل دول انا الي هشتغل ولما جت فكرة السفر برة محاسب قلت يعني الدنيا كلها هتقف عليه انا علشان اشتغل برة هل التفكير ده صح ولا لا مع اني شايف انه صح لانه بجد انا حاسس انه منطقي قولوا لي تفكيري ده منطقي ولا لا لو بجد تفكير صح متردوش علشان متعقدش اكتر انا لو غلط ابعثي في من جديد روح امل ربنا يسعدني ويسعدكم محمد عاطف محاسب1/10/2009

محمد عاطف

محاسب 1/10/2009

رابط هذا التعليق
شارك على مواقع اخرى

أهلا وسهلا يا محمد بيك فى منتدى المحاسبين. أنا بجد سعيد انك عرفت توصل هنا للمنتدى ابقى بعد كدة قول لى انت وصلت للمنتدى دة ازاى؟ عن طريق موقع اخر ولا بالبحث فى جوجل ؟ ولا اية بالظبط؟ لأن فعلا انت هنا حتلاقى معانا ان الكل كأعضاء ومشرفين وزوار جميعهم متفائلين, وانت عارف السعادة والتفاؤل معدية, ولهذا انا واثق ان روح اسرة الموقع هنا حتساعدك وتشيل عنك الهم, المهم انت دلوقتى بقيت واحد من اسرة المنتدى. مش عايز اقول لك قد اية ان الدكاترة فى الكلية بيحاولوا يصدموك وخلاص, مافيش دايما تشجيع منهم, مافيش تفاؤل عندهم او تحفيز للطلاب او مساعدتهم او تشجيعهم بكلمة طيبة, انا لا أذم فيهم, مع احترامى الكامل لهم ولعلمهم. المهم انا نفسى اقول لك انك ماتعرفش بكرة حيكون فية اية, تانى حاجة أتوكل على الله ماتقلقش من حاجة, ونصيحة منى ليك كأخ وصديق..... وانت فى الكلية, حاول ترمى نفسك فى اى مكتب محاسبة , اتدرب فى اى مكتب حتى بعد الظهر او حتى من غير فلوس, دة حيديك خبرة قوية جدا بعد 4 سنوات من الدراسة. وحيعينك كتير باذن الله. ربنا يوفقك باذن الله واتمنى لك التوفيق ولو محتاج اى حاجة فقط راسلنا

Ahmed Mohamed Rafik- Accountant

Oracle Financial / E-Bussiness Suite.

Professional Certificate in Accounting & Financing - American University in Cairo- AUC

Bsc. of Commerce - Accountant Section

رابط هذا التعليق
شارك على مواقع اخرى

السلام عليكم اخواني وزملائي المحاسبين

والله انا هكتب لكم النهارده في موضع بس يا ريت محدش يقول انه موضع هم او غم

لكن كل الي فيه اني عاوز اعرف ايه المستقبل عاوز اعرف حياتي هتبقى زي ما الدكاترة ما بيقولوا لنا ولا هتكون حياه كلها عمل في مجالي

دكاترتنا بتقوللنا احسنكم اتعلموا صنعه تبقى معاكم لانكم فين وفين لما تشتغلوا وياريت هتشتغلوا في شغلانه كويسه

هل فعلا انا كا محاسب هيبقى صعب عليه اني اشتغل في مصر وسط العدد الهائل من خريجي المحاسبه كل عام

كل ما افكر في عدد خرجي المحاسبه اشوف الدنيا وحشه قوي اقول يعني انا دوننا عن كل دول انا الي هشتغل

ولما جت فكرة السفر برة محاسب قلت يعني الدنيا كلها هتقف عليه انا علشان اشتغل برة هل التفكير ده صح ولا لا مع اني شايف انه صح لانه بجد انا حاسس انه منطقي

قولوا لي تفكيري ده منطقي ولا لا

لو بجد تفكير صح متردوش علشان متعقدش اكتر انا لو غلط ابعثي في من جديد روح امل

ربنا يسعدني ويسعدكم

محمد عاطف

محاسب1/10/2009

أنا بقى مش هقولك .. بلاش سلبيه .. بلاش اللون الإسود بدرجاته ... بلاش تشاؤم

بس هقولك

- ليه ده مبيقاش حافز ليك عشان تعمل حاجه حلوه

- تخاف من بكره عشان تعمل حسابه وتخطط له

- تجتهد عشان يبقى لك مكان وسط زملائك الجادين والمتفوقين

- التميز فقط هو الذي سيصنعك وسط الأخرين ومتقولش ناس كثير لان القمة تتسع للجميع

- لما تتقرص النهارده وتفوق على كابوس أحسن ما تحلم حلم سعيد وتصحى تلاقي الدنيا فعلا ضلمة أكثر مما أنت متخيل لان من كلامك واضح إنك لسه طالب يعني لسه قدامك فرص ليه مستغلهاش يمكن تقديرك يغير مصيرك .

- الخوف من الفشل ليس دوما يصنع فشلا ولكن كثيرا ما يحقق النجاح

- وهناك مقوله لحكيم " فشلي في شئ يعلمني طريقة جديده للنجاح "

- أنا مش بعقدك والله أنا بحفزك ومش خايف إنك تكرهني عشان بكره هتعرف إن كلامي صحيح

" اللهم إني أسألك عملاً خالصاً لوجهك الكريم وأعوذ بك من النفاق والرياء "

http://fmalaa.wordpress.com/

إسلبني كل شئ وأعطني الحكمه فبها أستطيع أن أرد كل شئ قد ضاع مني

skype

alaaaboulela@yahoo.com

اصنع الخير في اهله وغير اهله فان لم يكونوا اهله فانت اهله

 

رابط هذا التعليق
شارك على مواقع اخرى

بسم الله الرحمن الرحيم

الابن المحاسب بحول الله وقوته في عام 2009 - يعني انت لسه طالب في سنه ثانيه ؟

اولا : المشكله ليست في المحاسبه كمهنه ولكن جميع المهن تواجهه نفس الاحباط فنحن مرحله تشهد الكثير من التحولات . والمزاج العام يتراوح بين التشكيك والتهوين والتهويل

ثانيا : صحيح ان العمل الفني اصبح مطلوبا ولكنه ايضا يشهد الكثير من الاحباطات

ثالثا : تفاؤلوا بالخير تجدوه . ولاداعي ابدا لهذه النظره

رابعا : المحاسب الكفوء القدير دوما في مرتبه عاليه ان لم يتفوق علي الاخرين فالجميع دوما بحاجه الي المال . يعني بحاجه الي من يظبط وينظم المجتمع ماليا واقتصاديا

خامسا : لاتصدق كل ما يقال وكن حريصا علي التفوق

توكل علي الله ومن توكل علي الله فهو حسبه

لا دار للمـرء بعد الموت يسكنهاإلا التي كان قبل الموت يـبنيها

فإن بناها بخيرٍ طاب مسكنهاوإن بناها بـشـرٍ خاب بانيها

علي بن أبي طالب رضي الله عنه

اللهم اعنا علي ذكرك وشكرك وحسن عبادتك

رابط هذا التعليق
شارك على مواقع اخرى

بسم الله الرحمن الرحيم اولا:مشكور كتير يا اخوة عن كلامكم المشجع ده وربنا يوفقني واعمل بيه ويكون عون ليه ان شاء الله في حياتي وان شاء الله الحياه هتكونحلوة برضا الله وبجهد الانسان وبالناس الطيبين امثالكم وان شاء الله اكلمكم مره تانيه وانا شايف مستقبل افضل ثانيا: انا اتعرفت على المنتدى من جوجل لما كنت ببحث عن cma وجوجل عرفني بيكم وفعلا سعد جدا بيكم ثانيا انا في سنه تالته مش تانيه مشكور كتير جدا وربنا يوفقكم ويفقني محمد عاطف محاسب 1/10/2009

محمد عاطف

محاسب 1/10/2009

رابط هذا التعليق
شارك على مواقع اخرى

الاخ محمد عاطف

أهلا بك فى المنتدى العامر بالمحترفين

سوف نتكلم بالمنطق وليس بالاحلام الوردية ...

1- الاقتصاد عالم متجدد والمال هو لغه كل العصور ...صح ؟

...بالعلم والمال يبنى الناس ملكهم ...لم يبنى ملك على جهل وإقلال

2-الناس تموت ..صح ؟ لذلك بعد فتره سوف يموت المحترفون الحاليون وسيحتاج العلم محترفون جدد ...صح؟

3-مهما كان يوجد واسطه ومحسوبية وعلاقات فى النهاية فى كل مكان يوجد شخص يحمل العمل على عاتقه لماذا لا تكون هذا الشخص..؟

4-أغلب وليس كل أساتذه الجامعه ( مع إحترامنا لعلمهم ) ليسوا ( للأسف) من تأخذ منهم االنصيحه فهم يترزقون الله من بيع الكتب ولو كانوا فعلا أكفاء فلينزلوا للسوق ويظهروا هذا العلم العظيم ويحصلوا على الاتعاب من العمل الحقيقى الذى صنع من أجله العلم... وليس إجبار الطلاب على شراء كتبهم ..المطبوعه فى الاوراق الصفراء كثيره الاخطاء الاملائية .

5- كلنا مررنا بهذه الحالة ( كنت أنا شخصيا أتمنى النجاح بأى شكل مقبول أو أى حاجه مهو أنا هاشتغل مندوب..) والان بعد معرفه الطريق الحقيقى أعلم قيمه الفرصه التى أنت فيها فقط ذاكر وإبذل قصارى جهدك فى التدريب

6- هل الكليات الاخرى أفضل حالا من كليه التجارة بما فيها كليات القمه كما يقولون ؟

7- أنا أعمل فى شركه عملاقه فى أحد دول الخليج وبفضل الله وضعى أفضل من كثير من الاطباء والمهندسين والحرفيين واللصوص ....لول

8- والله وصولى لما أنا فيه لم يكن عن طريق الواسطه وقد واجهت حروب ...وإتهمت كل الاتهامات ..وعندما بدأت بدأت بوضع متدنى عن أى محاسب ... ولكنى صبرت _ ويجب معرفه مفهوم الصبر وهو العمل مع إنتظار فرصه ...وليس النوم وإنتظار الفرج _

9- كفاية الكلام دة ؟ أرجو أن تبذل مجهود الان حتى ترتاح لاحقا .

رابط هذا التعليق
شارك على مواقع اخرى

مشكور والله اخ hiallعلى كلامك الجميل قوي بجد والله كلامك رائع حضرتك بتقول انك تعبت كتير لحد ماوصلت للي انت فيه ممكن تكتب لنا ازاي ده حصل علشان نتعلم لان كل الي في سننا بينقصه الخبرة الميدانيه في الحياه والف شكر على اهتمامك

محمد عاطف

محاسب 1/10/2009

رابط هذا التعليق
شارك على مواقع اخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
×
×
  • اضف...