اذهب إلى المحتوى

خطوات انشاء نظام محاسبي


Recommended Posts

النهارده هنجاوب على سؤال محاسبين كتير بيسألوه لنفسهم ولغيرهم.
وهو ازاى ابنى نظام محاسبي؟
?How to create and design an accounting system for a company
بمعنى اخر ..
لو مسكت شركه ماكنش فيها نظام حسابات أزاى أبدأ وأرتب أمورى.
خلونا الاول نفرق مابين نوعين من الشركات من حيث حجمهم وهيكل الاداره الماليه داخليا.
#النوع_الاول: ودى الشركات الصغيره اللى مابتحتاجش محاسبين كتير زى المشروعات التجاريه الصغيره واللى قوامها مبنى على اساس النشاط المخزنيى .والعملا والموردين وفى الغالب مابتحاتجش غير محاسب واحد وكل شغلك كمحاسب هايكون مبنى على اساس انك تظبط فواتير البيع والشراء وجرد المخازن والاصناف وملاك المنشات دى مابيكونش عندهم ثقافة انك تستخرج قوائم ماليه "ميزانية وقايمة دخل وتدفقات وغيرها" واللى بيتولى الموضوع ده هو المحاسب القانونى بهدف انه يظبط حسابات الضرايب.
#النوع_الثاني: ودى الشركات اللى بيكون عندها هيكل كامل للاداره الماليه من مدير مالى ورئيس حسابات وتيم المحاسبين أو على الاقل بيكون عندها اكتر من محاسب متخصص فى جزئيه معينه. ودا نوع الشركات اللى بيكون شغله دقيق جدا وكل حركه محسوبه وليها نتايجها وبالتاكيد بيكون الاهتمام الاكبر منصب على اعداد القوائم الماليه الفتريه للشركات بتاعتهم ومراجع الحسابات بعد كدا بيعتمدها.
#نييجى_للمهم.
ازاى هأسس نظام محاسبى لكيان لسه بيبدأ او موجود وماكنش فى سيستم؟
مهما كان حجم وطبيعة النشاط سواء كان تجارى او صناعى او خدمى وسواء كانت شركه كبيره او صغيره فالنظام المحاسبي بيدور على اربع محاور رئيسيه وهما حسابات الاصول والخصوم "وبنسميهم حسابات الميزانيه balance sheet accounts" والمصروفات والايرادات "وبنسميهم حسابات النتيجه او "حسابات قائمة الدخل income statement accounts". ولو الشركه كانت قايمه بالفعل فالمرحله الاصعب هى انى اقدر اتوصل لارصده الاربع حسابات الرئيسيه دول ومن هنا اقدر اعمل ميزان مراجعه افتتاحى اشتغل عليه بعد كدا .
#حسابات_الاصول: هانقسمهم لحسابات اصول غير متداوله "ثابته" واصول متداوله وبالنسبه للاصول الثابته فادول هاتوصل لارصدتهم من خلال اعادة تقييمهم 
او لوعندى معومه دقيقه وموثقه بتكلفتهم التاريخيه بسجلهم بيها اما بالنسبه لحسابات الاصول المتداوله فالانواع الرئيسيه هانتعامل معاها بالشكل ده:
1) النقديه: ودى الكاش اللى معايا فى الخزينه وارصدة حساباتى فى البنوك ومن خلال الجرد الفعلى للخزينه اقدر اعرف معايا كاش كام ومن خلال اخر كشف حسساب للبنك بقدر اعرف رصيد البنك كام وبكد هاتوصل لارصدة النقديه ومافى حكمها.
2) المخزون: ودا تانى اهم عنصر من عناصر الاصول المتداوله بعد النقديه وهانعامله معاملة النقديه من حيث اننا هانجرد جميع الاصناف الموجود عندى ونقيمهم بالتكلفه او صافى القيمه البيعيه ونسجله عندنا بالقيمه الاقل.
3) العملاء : ودول هانتوصل لحسابهم عميل عميل من خلال الاتصالا بالعملاء وطلب كشف حساب للشركه بتاعتنا والرصيد النهائي.
4) الارصده المدينه : زى السلف والمديونيات الاخرى.
#حسابات_الخصوم_وحقوق_الملكيه:
وزى ماقسمنا حسابات الاصول هانبدا نقسمم حسابات الخصوم ل3 انواع وهما الالتزامات قصيرة الاجل "المتداوله" والالتزامات طويلة الاجل "غير المتداوله" وحقوق الملكيه والانواع الرئيسيه دى هانتعامل معاها بالشكل ده:
1) الالتزامات المتداوله : ودى حسابات الموردين والدائنين ولو فى اوراق دفع وخلافه ودى فى الغالب هايكون من السهل انى اتوصل لارصدتهم الفعليه من خلال التواصل مع الجهات الدائنه دى وطلب كشف حساب فعلى نقدر من خلاله بسهوله نعرف رصيدهم كام ومين ليه عندنا فلوس .
2) الالتزامات غير المتداوله: وفى الغالب هاتكون ممثله فى القروض البنكيه اللى هاتسدد على فترات اكبر من سنه ودى ممكنتعرف ارصدتها من خلال ادارة وملاك الشركه وفعليا لازم تتكلم مع البنوك دى وتشوف الموقف ايه بعد ماتاخد تفويض من الشركه بتاعتك.
3) حسابات حقوق الملكيه ممثله فى رأس المال وهايكون الفرق مابين الاصول والخصوم اللى انت جردتهم الفتره اللى فاتت ولو لقيت الرقم مش منطقى ارمى فى الحسابات الجاريه للشركاء #حسابات_المصروفات_والايردات.
وهنا هاتبدأ تحصل على تقارير من الاداره والملاك بحجم المصروفات اللى تمت خلال الفتره السابقه كانت اد ايه ولفين وتبدأ ترصدهم مع مراعاة التوصل للمستندات قدر الامكان
وبالنسبه لايرادات فاممكن توصبل لارصدة الايراد خلال الفنره السابقه من خلال فحص فواتير البيع كلها بشكل كامل .

  • شكرا 1
رابط هذا التعليق
شارك

  • بعد 8 شهور...

الاجابة دى مقدمة من فريق عمل برنامج محاسبة مقاولات بابل  البرنامج المتخصص فى محاسبة وادارة شركات المقاولات

الدليل المحاسبي يجب ان يكون مرن ومتناسق مع طبيعة نشاط شركتك لا يوجد دليل ثابت ولكن توجد قواعد عامة تحكمنا عند اعداد الدليل المحاسبي للشركة الدليل المحاسبي يختلف من شركة الى اخري وفقا للمنظور الذي تراه فى عرض  بياناتها سواء كانت تقارير او قوائم مالية

الشكل العام لدليل شركات المقاولات

162a20f22feb5b61d9771ac323416bfe

 

الأصول المتداولة

1 -  المستوي الاول             

اصول – التزامات – مصاريف – ايرادات  وهذا التقسيم هو الشائع فى تقسيم الدليل كمستوي اول 

2  - المستوي الثانى                

تقسيم الاصول  الى اصول متداولة #  اصول طويلة الاجل # ارصـــــدة مدينة اخري # مراقبة المخازن

3 - المستوي الثالث              

تقسيم الاصول المتداولة الى نقدية بالصندوق # نقدية بالبنوك # عهد موظفين# سلف موظفين # العملاء   ... الخ

4 - المستوي الرابع               

تقسيم النقدية بالبنــــوك   على سبيل المثال الى بنوك الاهلي # بنوك الراجحي # بنوك اخري ... الخ  

5 - المستوي الخامس          

تقسيم النقدية بالبنوك الاخري الى  بنك الاستثمار الوطني # البنك العربي الافريقي  # البنك  الفرنسي


نبذه عامة عن كل حساب بالدليل

1 - نقدية بالصندوق     

حساب مختص بالسيولة المتوفرة فى صناديق الشركة ويمكن ان تنشئ عدة صناديق وفقا لاحتياجات العمل  يمكن ان تنشئ  صندوق رئيسي للشركة  #  صندوق المشتريات #  صندوق للنثريات

2 - عهـد الموظفين

حساب مختص بالعهد الخاصة بالعمل الواجب تسويتها من خلال مستندات مقدمة من امين العهدة ويضاف  اسماء الموظفين الذين يتعاملون من خلال عهدة فقط وليس كل موظفين الشركة

للمزيد ....

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...