بنت الامارات

يعطيك العافيه اخوي الريان ما قصرت حاولت اترجم المعاني بالانجليزي لكن في وايد اشياء صعبه المهم انكم ما قصرتوا كفيتي ووفيتوا بس اللي يقدر و((القادر الله سبحانه وتعالى)) على انه يعطيني ياهم بالانجليزي او موقع يترجملي الكلام كله بالانجليزي او يساعدني في الحصول على المطلوب بالانجليزي والله مابيكون قصر والمطلوب هو السؤال الاول بس أهميته في دولة الامارات العربيه المتحده((السؤال الاول فقط)) ويعطيكم العافيه والسموحه منكم . . .

والله العظيم اني مستحيه منكم وايد وايد وايد وايد الله لا يحرمني من طيبة قلوبكم مع العلم بأن بكره اخر يوم لتسليم البروجيكت والله العظيم يالمشرفين والاعضاء انكم ريحتوا قلبي من هم كنت شايلته اسبوعين وانا شفت الردود ووايد اشياء ريحتني . . وان شاء الله الحين بحاول اسوي مراجعه ع المواقع لي عطيتوني ياها واي استفسار بخبركم عنهـ مشكورين ويعطيكم العافيهـ

يعطيك العافيه اخوي وائل ... والله العظيم مب عارفه كيف اشكرك اخوي بس بخصوص السؤال الاول اليوم سألت الدكتور عشان يوضحلي اكثر عن الموضوع بخصوص اهمية المحاسبه الماليه في دولة الامارات العربيه المتحده . . . . قالي على سبيل المثال -ان دولة الامارات تعتبر من احدى الدول المعاصره لللتطورات وتحتاج الى اهتمام كبير في مجال المحاسبه ....الخ والله محتاجه مساعده منكم ااه تعبت واللهـ

تسلم اخوي وائل العراقي ع تلبية الطلب بس للاسف مش هذا المطلوب وتسلملي ما قصرت . . . المطلوب هو:- 1- لماذا المحاسبة المالية مهمة في الامارات العربية المتحدة 2- الى ماذا تستند حروف كلمة الـGAAP ، وماذا تعني الـ GAAP , ولماذا الـ GAAP مهم في العالم وخصوصا هذه الايام

يعطيك العافيه اخوي بن خلدون ما قصرت عزيزي بس والله كنت اتمنى ان الاجوبه تكون بالانجليزي لان احس ان في كلمات صعبه علي اني احولها بالانجليزي الاعضاء املي فيكم كبير . . ابحث عن الاجابه الاولى والثانيه لا تبخلون علينا واللي يرحملي والديكم

مافي حد ناوي يساعدني ؟ 10 اشخاص دخلوا الموضوع ولالالالا واحد فيهم يفكر مجرد تفكير على انه يساعدني او يقولي اي كلمه ؟ ماعليهـ بتريا . . . الصبر مفتاح الفرج . . . اعرف ان الاخوان ما بيخذلوني

بسم الله الرحمن الرحيم السلام عليكم ورحمة الله وبركاتهـ اولا احب اشكر جميع الاعضاء على المواضيع الهادفه والمفيده وبكل صراحه انا كنت ادخل هالمنتدى بين فتره وفتره اخذ منه الاشياء المفيده لاني طالبه في كليات التقنيه. بس الحين واجهتني مشكله . . طبعا مافي حد مجبور او مغصوب انه يساعدني فيها مثل ماقلت الانسان يوم بيسوي خير بيسويه لوجه الله . . وانا ما بنساكم بالدعاء عندي بروجيكت عليه 30% واذا تقدرون تساعدوني فيه اكون لكم من الشاكرين لاني تعبت وانا ادور والله مالقيت شي .. وان شاء الله انا اعتمادي الاول بيكون على الله ثم على اخواني الاعضاء الموجودين 3 اسئله فقط لا اكثر ولا اقل:- 1. Explain why you think financial accounting is important in the UAE today. 2. State what the letters GAAP stand for; then explain what GAAP means; and why GAAP is necessary in the world (especially) today. 3. Using the Internet, obtain one of either a balance sheet, income statement, or statement of changes in equity, for a corporation, then select 5 items on the statement you have chosen and discuss them. اتمنى من اهل الخير والدكاتره الموجودين ما يقصرون وياي لاني والله العظيم محتاجته ضروري وتسليم البروجيكت يوم الاربعاء تاريخ 3/10/2007 ويعطيكم العافيه والسموحه منكم