hatem.sanad

استاذ / حازم هل قيمة الاصلاح التى تكبدتها الشركة = قيمة شيك التعويض المنصرف من شركة التأمين عموما احنا عندنا المعالجة تكون كالاتى : - عند الاصلاح (فى شركتنا نقوم بالاصلاح فى الورش التابعة للشركة) من حـ / شركة التأمين (بقيمة الاصلاح) الى حـ / تعويضات و غرامات من الغير (حساب ايرادات) - عند استلام الشيك من حـ / تعويضات و غرامات من الغير(بقيمة نسبة التحمل التى تفرضها شركة التأمين عليك) الى حـ / شركة التأمين (بقيمة شيك التعويض) مع الشكر

الاستاذ / أشرف محمود اسمح لى احييك اولا على اسئلتك الذكية جدا لانى متابع جيد للمواضيع التى تقوم بطرحها للمناقشة بالنسبة للاهلاك فهو يحتسب على الماكينات داخل الكسارة و المولدات و السيارات الخ و برضو يقفل فى نهاية الشهر فى حساب مخزون الكسارة يعنى لو مصروفات الكسارة الشهرية مليون ريال و كمية الانتاج = 100000 متر يبقى سعر المتر = 10 ريال تكلفة بالقيد من 1000000 ح / مخزون الكسارة 1000000 الى ح / جميع المصروفات فى نقطة هامة هنا تاخد بالك منها دلوقتى دلوقتى مخزون هذا الشهر تم تحميله بموجب القيد السابق بمبلغ = 1000000 ريال هذه القيمة سوف تضاف الى رصيد اول المدة من الشهر السابق علشان نستخرج متوسط التكلفة يعنى لو رصيد اول الشهر = 25000 متر × سعر المتر = 8 ريال = 200000 ريال يبقى مخزون الشهر الحالى = 200000 + 1000000 = 1200000 و يبقى سعر تكلفة المتر = 1200000 / (100000+25000) = 9.6 للمتر المكعب ده السعر اللى بنحسب بيه المنصرف لهذا الشهر و هكذا تحياتى

بانسبة الى الكسارات بيتم دفع رسوم تجديد رخصة امتياز سنويا و الكسارات بتكون فى مواقع محددة من قبل وزارة التعدين فى المملكة يعنى ما ينفعش تكسر فى اى منطقة على رغبة المقاول و انما بناء على مواقع مخططات محددة مسبقا بحيث تكون بعيدة عن العمران و اشتراطات اخرى الخ تحياتى

السلام عليكم و رحمة الله اعتقد الاصوب انها تحمل على مصاريف تسويقية تحياتى

بسم الله الرحمن الرحيم انتهينا من معالجة الكميات الفقرة السابقة و سنتناول فى هذه الفقرة المعالجة المحاسبية 1- كيفية تقييم الانتاج خلال الشهر : - نحسب جميع المصاريف التى تم صرفها على الكسارة من رواتب للعاملين و ديزل و اهلاك سيارات الخ الخ - يتم تعلية حساب المخزون بقيمة هذه المصروفات بالقيد التالى : من ح / مخزون الكسارة الى ح / المصروفات (يبقى قفلنا مصروفات الكسارة فى المخزون) - نشوف كمية الانتاج الشهرى و نقوم بقسمة اجمالى المصروفات الشهرية على كمية الانتاج و الناتج = سعر المتر المكعب 2- كيفية تقييم المنصرف الى المشاريع و الى خلاطات الاسفلت: (بموجب تذاكر المنصرف) يسجل القيد التالى : من ح / مخزون الخلاطة رقم .....(المنصرف للخلاطة ليستخدم فى عمل الخلطة) من ح / مصاريف مراكز الكسارات (المنصرف للمشاريع) الى ح / مخزون الكسارة .............. و بكده تكون خفضت مخزون الكسارة بقيمة المنصرف الى المشاريع تحياتى

بسم الله الرحمن الرحيم الانتاج و المخزون للكسارات (الكمية و القيمة) يعالج كالاتى: 1- يوجد فورمان للكسارة او قسم الانتاج عندك فى الشركة المفروض بيطلع لك تقرير شهرى برصيد اول الشهر + الانتاج خلال الشهر - المنصرف للمشاريع او المباع خلال الشهر = رصيد اخر المدة 2- لمعرفة رصيد اول المدة يكون عن طريق مساح يقوم بعمل تقدير الكمية المخزنة و بحسابات معينة يتم استخراج مخزون اول المدة 3 - الانتاج خلال الشهر يقوم الفورمان باحتسابه تقديرى 4- المنصرف للمشاريع و المبيعات يتم احتسابها عن طريق تمتير السيارات (معرفة حجم صندوق السيارات) و كل سيارة يتم تحميلها تكون بتذكرة موضح بها الكمية المباعة 5- رصيد اخر المدة يمكن استخراجة بالمعادلة الاتية رصيد اول المدة (تقرير المساح) + الانتاج (تقرير الانتاج من الفورمان) - المباع م والمنصرف للمشاريع (اجمالى التذاكر خلال الشهر) = رصيد اخر المدة 6- يمكن الاستعانة بالمساح مرة اخرى لاحتساب مخزون اخر المدة كتأكيد للناتج المستخرج من الخطوة رقم (5)

السلام عليكم 1- خلاص يا سيدى مصدقك ان الشركة ليس لديها حسابات منتظمة ( و ان كنت اشك لانها من اسمها هى شركة مساهمة فلا بد من وجود مراجع حسابات يعتمد الميزانية و على اساسها يتم محاسبة مصلحة الضرائب او مصلحة الزكاه اذا كنت فى بلد عربى ) 2- السجل التجارى فعلا علشان تعرف قيمة راس المال و حصة كل شريك لانه بيبقى مسجل فى عقد الشركة و كذلك السجل التجارى 3- عقود المحلات المستأجرة علشان تقدر تعرف قيمة الايجار السنوى و طريقة السداد 4- يبقى امرك الى الله و لازم تعمل ميزانية افتتاحية و اول الخطوات هى : - اهم نقطة تحديد راس المال و حصة كل شريك زى ما قلت لك بعد كده نحدد الجانب المدين من الميزانية و الذى سيشمل الاتى : - الاصول الثابتة (جرد الاصول الثابتة المملوكة للشركة) - النقدية بالصندوق و البنوك (جرد الخزينة و الحصول على اخر كشوف حساب للبنوك علشان تعرف الارصدة النقدية) - حاول تعمل كشف بالعملاء ( فى حالة اذا كنتم تبيعون بالاجل ) - المخزون و ده اهم حاجة فى الشركات التجارية لازم يكون عندك كشف بالبضاعة الموجودة فى المخازن - حسابات مدينة اخرى معلش هتتعب شوية فى الاول بس لازم علشان ترتاح بعد كده المشاركة القادمة ان شاء الله سنحدد الجانب الدائن تحياتى

السلام عليكم اولا شركة و لها 20 فرع لا بد من ان لها ميزانية - انت اسأل بس احد الشركاء عن الاتى: 1 - ميزانية العام الماضى (الاساس الذى سوف تبنى عليه النظام المحاسبى) 2 - عقد الشركة ( علشان تعرف منه راس المال - كيفية تقسيم الربح بين الشريكين - نوع الشركة اذا كانت تضامن او غير ذلك) 3 - السجل التجارى للشركة 4 - عقود المحلات المستأجرة 5 - اخر جرد للمخزون ده مبدئيا البداية كما اننى ارشح لك كتاب الدكتور محمد شريف توفيق و هو موجود بالمنتدى الخاص به هيفيدك جدا و بعد ما تحصل على المتطلبات الخمسة عاليه هنبتدى واحدة واحدة ان شاء الله تحياتى

طيب نبتدى واحدة واحدة مش انت لما بتبيع سلعة او بتقدم خدمة بيبقى القيد كالاتى: من ح / العملاء الى ح / المبيعات ( او الايرادات ) و دول 5000 زى ما انت بتقول - طيب انت بتقول ان العملاء لسة عليهم 1500 يعنى هم سددوا لك فعلا 2500 طيب مش لما سددوا لك ال 2500 كان القيد كالتالى من ح / النقدية او البنك الى ح / العملاء اذن هيظهر لك حساب العملاء فى الميزانية مدين بمبلغ 1500 كمبالغ مستحقة عند العملاء لم تسدد بعد يعنى حساب الارباح و الخسائر ملوش مكان هنا خالص لكن الايرادات المستحقة حاجة تانية خالص ( هى ايرادات تخص الفترة المحاسبية و لم يتم تسجيلها او لم يصدر عنا فاتورة ) مع الشكر

اخوانى الكرام تسمحوا لى بمشاركة صغيرة فى هذا الموضوع كنا زمان نعتقد ان المراجع الداخلى هو محاسب فى الاساس و يقوم بالمراجعة على اعمال الادارة المالية لكن اسمحوا لى فانا اعمل منذ سنة فى السعودية فى شركة كبيرة للمقاولات كمراجع داخلى لاول مرة فى حياتى ففوجئت انه يوجد مراجعين ليسوا خريجى محاسبة اصلا و ان بعض منهم خريج احصاء و خلافه اذن الاتجاة الحديث حاليا فى المراجعة الداخلية تقسيم المراجع الداخلى كمراجع مالى و هذا يشترط ان يكون محاسب قديم و كفؤ لكى يقوم بمتابعة اعمال الادارة المالية و مراجع عمليات او تشغيلى و هذا يقوم بالمراجعة على اساليب الضبط الداخلى فى المشاريع و هذا لا يشترط فيه ان يكون محاسب اصلا مع الشكر

اخى الكريم المبالغ المستحقة على العملاء ليس لها مكان فى الارباح و الخسائر انما هى حساب ميزانية تحت حساب الاصول المتداولة مع الشكر