wa7id

هذا و الله أعلى و أعلم،،،، تحياتى و شكراً،،،،،،،

بخصوص الاحتياطى العام تنص القوانين السعودية على احتجاز ما نسبتة 10% من صافى الربح كأحتياطى عام ......و السؤال.... لو الشركة او المؤسسة حققت ربح خلال العام و كانت نتيجة العام السابق خسائر...هل نحتجز الاحتياطى العام قبل استرداد خسارة العام السابق من ربح العام الحالى .... أم نسترد الخسائر اولا... و إن تبقى ربح نحتجز منة الاحتياطى العام ؟؟؟؟؟؟؟؟؟؟؟ يا ريت الرد مع التركيز على معايير المحاسبة السعودية

أعزائى الأعضاء و العضوات الكرام حضرت مشكلة حبيت أنقلها هنا عشان نتناقش فيها مع بعض عسى أن نصل الى اسلم الحلول ،،،،، و التى سأكون سعيداً للطرح و سأكون أسعد للاستفادة. المشكلة: شركة عقارية كان الدليل المحاسبى بتاعها يخلو من مشروعات تحت التنفيذ و اللى كانت موجودة كمراكز تكلفة و طبعا زى ما انتوا عارفين اننا مش هنلاقى فى ميزان المراجعة مشروعات تحت التنفيذ و اللى كانت ببتعالج تكاليفها على انها مصروفات مباشرة ...... السنة التالية أرادت الشركة اثبات مشروعات تحت التنفيذ فى الدليل المحاسبى و الغائها من مراكز التكلفة .....و دا بوضع دليل محاسبى جديد يخلو من المصروفات المباشرة .....فى القيد الافتتاحى بتاع السنة الجديدة .... المشروعات دى هيكون لها قيم و ليكن 1000000 جنية ........طب لما نيجى ننزلها فى جانب اصول السنة الجديدة هيزود الاصول بقيمة المليون جنية عن جانب الاصول. السؤال: ماهى انسب طريقة للمعالجة ......مع العلم ان مبلغ المليون دا اندفع السنة الماضية و اتحمل مصروفات مباشرة و اتخصم فى قايمة الدخل ؟

امبارح كنت بنزل نسخة ويندوز ريكفرى على جهازى و طبعا اضطريت انقل كل اللى على جهازى منة هارد الجهاز الى هارد نقال ،،،،،و بعد اتمام تنزيل الويندوز بدئت أرجع البيانات اللى على الهارد النقال للجهاز ، لكن و لظروف معينة مش عارف استوعبها لحد الوقتى امسحت البيانات من على الهارد النقال و كمان معظمها كان اتنقل على هارد الجهاز. المشكلة:- الوقتى المشكلة فى الحاجات اللى راحت دى ان مالهاش نسخة تانية عندى و طبعا معظمها ملفات شغل و صور و فيديوهات خاصة. السؤال:- هل ممكن فية طريقى ارجع بيها البيانات دى مع العلم انى و لا فرمت الهارد النقال و لا الجهاز بعدها ( و كمان حد أكدلى أمكانية رجوع الحاجة دى) بس هل الكلام دا صح و لا غلط و لو صح مين اللى ممكن يعملة.

كلام أ/ علاء شافى و وافى جزاك الله خير ما تركت لى ما يمكن أن اقولة

رد سليم جزاك الله خير

النهاردة بنعملها دعوى للأخوة و الأخوات عشان نناقش فيها الفروق بين ان شركة تتبع طريقة الجرد للمخزون بطريقة الجرد الدورى و أخرى بالجرد المستمر أو لو نفس الشركة اتبعت الطريقة الاولى فى مدة زمنية معينة و تحولت الى الطريقة الثانية فى وقت لاحق. فى إنتظار مشاركاتكم،،،،،

السلام عليكم و رحمة الله اهلا بالجميع الموضوع بسيط أختى الكريمة لكن يلزم حسب اعتقادى أن تكونين ملمة بطبيعة الحسابات الموجودة بالميزان فمثلا تعرفى ما هى الاصول الثابتة و المتداولة ؟ ......... ما هى الخصوم ؟..........الخ ايضا يهمنا فى كل حساب اذا كان رصيدة دائن ام مدين و أعتقد أنك تدرين هذة المتطلبات جيداً و تعينها تماماً بل و تستطيعين تطبيقا و إن عاندك التطبيق بعض الشئ. لذا أود التوضيح لحضرتك أنة من المفيد جداً أن تطبيقين اعداد الميزانية من ميزان المراجعة يدوياً و أصدقك القول أنك و ان كنتى الان تقومين بإعدادها ببطئ و بإجتهاد ,,, فإنكى و مع الاستمرار فى التطبيق سوف تكتسبين الخبرة و السرعة التى تحسين أنهما ينقصاكى بعض الشئ. و ايضا اوضح لكى أنة من خلال الفهم الجيد لطبيعة الحسابات و حالة ارصدتها الظاهرة بميزان المراجعة ، فإنكى ستكونين قادرة على إعداد تصميم من ورقتين مربوطتين ببعضمها على الـ excel الاولى جدول ستدرجين فيها ارصدة ميزان المراجعة كما ظهرت . و الثانية ..... ميزانية و هى ورقة مربوطة بالاولى تأخذ منها فقط الحسابات التى تسمع فى الميزانية مثل الاصول بنوعيها و الخصوم بنوعيها و حقوق الملكية و ارصدة مدينة اخرى (مصروفات مقدمة أو ايرادات مستحقة) و ارصدة دائنة اخرى ( مصروفات مستحقة او ايرادات مقدمة) و مجمعات الاهلاك التى تخصم من الاصول الثابتة للوصول الى صافى الاصول الثابتة فى تاريخ الميزانية، أما ما سترينة من حسابات اخرى فى الميزان فلا تشغلين نفسكى بها لأنها غالبا ما ستكون الايرادات و المصروفات بأنواعهما ، و اذا اردتى التأكد من نتائجك يمكنك عمل نموذج ثالث فى ورقة اخرى بملف الـ excel عبارة عن قائمة الدخل التى ربط للايرادات و المصروفات بالاضافة الى مصروف الاهلاك ليعطيكى نتائج اعمال العام سواء اذا كانت ربح او خسارة و هى قيمة حتما و كما تعلمين انها تساوى متمم الميزانية سواء ربح او خسارة. عذرا على الاطالة،،،، على أمل أن أكون موفقاً فى ردى.

الأخ العزيز/sudani2009 ارجوا أن يتسع صدرك لمداخلتى السابقة و أسف اذا بها غموض و الأسف كل الأيف اذا لم أكن موفقاً ، و لكنها يا عزيزى أراء قد نتفق أو نختلف عليها ، كما أود أن يتسع صدرك أيضاً لهذة المداخلة. أنا لم أقل يا عزيزى أن يفتح حساب استثمارات فى الاصول المتداولة، بل أنا قلت أننا يمكن تكوين حساب فى الدائنون المتنوعون يكون لة نفس طبيعة الحساب الجارى للمالك و لكنة منفصل عنة فيما يرد علية من حركة ، و كان ذلك الرأى نابعاً من شيئين :- 1-أن الأصل فى العملية و كما ذكرت لمديرك أن تتم الحركة على حساب جارى المالك. 2-رغبة المدير و المالك على فصل هذة المبالغ و حسابها منفردة عن حساب المالك و ذلك وفق اتفاق ضمنى بينهم. * بالنسبة لتساؤلك الكريم عن مقولتى (حتى يتم حساب ما له وما عليه ... كيف يتم ذلك ؟؟ ) و هو أنى أقصد: أن يكون الحساب الجديد منفردا عن حساب جارى المالك الذى سوف نستخدمة أخر العام فى إجراء بعض التسويات و ذلك كالأتى: 1-من الممكن أن يكون ح/ الجارى مدين و بذلك نستطيع تسويتة مع الارباح لتخفيض مديونية المالك لدى المؤسسة. 2-من الممكن أن تتسع عملية سحب المالك من الحساب بما يتعدى المبالغ التى أعطاها للمؤسسة (أو للمدير) لكى يتاجر بها ( فى حالة أننا نعالجها فى حساب جارى المالك) فتصبح هذة المبالغ غير موجودة فعلياً ، لأن المالك تعداها فى مسحوباتة. و..... و...... و.... و.....إلخ. و أظن أننى أجبت ضمنياً عن تساؤلك الكريم (وكيف تتم تسوية الارباح فى حساب جارى المالك ؟؟؟ ). * لذا ياصديقى كان تفضيلى و إقتراحى بفصل هذة المبالغ عن حساب جارى المالك فى حساب لة نفس طبيعة حساب جارى المالك. و أخيراً ،،،،،، لا يفوتنى التنوية بمقولة الأمام الشافعى رحمه الله ((رأيي صواب يحتمل الخطأ، ورأي غيري خطأ يحتمل الصواب)) إحترامى و تقديرى وحيد،،،،،،

الاخ الكريم النقطة الاولى : إثبات قيد الإيرادات:- يكمن إثبات قيد الإيرادات فى وقت تحققها كأى قيد إيراد عادى و ذلك بعد تحويل مبلغ الفاتورة من الدولار الى العملة المحلية وفق سعر الصرف السائد فى ذلك اليوم و الصادر من الجهات الرسمية (فى مصر : البنك المركزى... و فى السعودية : مؤسسة النقد العربى السعودى) و طبعا ما تنساش تنوة فى البيان ان العملية قدرها كذا و معامل التحويل كذا.............. و أظن ان حضرتك بتطبق دا فعلاً. من حـ/العميل الاجل الى حـ/ الايرادات ( المبيعات) اثبات ايرادات بمبلغ ...$ بسعر تحويل ......الخ. النقطة الثانية : تحصيل مبالغ الإيرادات:- طبعا و من المؤكد أن عملية التحصيل سوف تتم بالدولار ما دامت الفاتورة صدرت من قبل بالدولار و هذا سيلزمك أن تقوم بعملية التحويل السابقة كما فعلتها مسبقاً و لكن فى تاريخ التحصيل و اذا ظهرت فروق بين السعرين يمكنك فتح حساب بإسم فروق سعر الصرف و تقوم بتحميل الفروق فى هذا الحساب. من حـ/ الصندوق من حـ/فروق سعر الصرف الى حـ/العميل الاجل الى حـ/فروق سعر الصرف اثبات تحصيل مبلغ .....$ بسعر تحويل......من العميل .......الخ. طبعا هنستخدم ح/ فرق سعر الاصرف فى جهة واحدة من القيد و لكن على حسب حالة العملية هل الفروق جاءت مربحة ام محققة خسارة ..... فلو مربحة ستكون دائنة و العكس بالعكس. أرجو أن أكون موفقاً فى ردى و الذى جاء فى حدود ما فهمت من السؤال و ان تقصد شيئاً أخر فعليك مزيد من التوضيح.

الأخ العزيز احييك على تشددك فى أمور السلامة المهنية و المحاسبية فهى أمانة و قد حملناها و لم نخشى أما بالنسبة لطلبك أود أن أقول لك يا عزيزى أن مناقشتك أمر صحيح و رأيك سديد (على قدر ما أعلم) لكن المحاسبة يا عزيزى و كما تعلمنا علم الاسس و فن التطبيق بما يلائم كل مكان و حسب طبيعتة و قد يختلف تطبيق الاساس الواحد بين مكانين ، و ذلك لعدة إعتبارات منها طبيعة المكان،النشاط،الكيان القانونى،...........، الخ. و لذا .... فأنة من الممكن أن تتم معالجة المبالغ التى يعطيها مالك المؤسسة للمدير لكى يتاجر بها نظير هامش ربح متفق علية مسبقاٌ ...... فى حساب الدائنون المتنوعون ، بعيدا عن جارى المالك لأهمية الفصل بين الحسابين باعتبار اتفاق ضمنى (غير قانونى) بين المال و المدير جعل من المالك جهة خارجية لا علاقة لها بالمؤسسة اضافة الى ان حساب الجارى قد تتم علية بعض التسويات أخر العام ...... و من أبرزها صافى الربح او الخسارة (بحسب النتيجة و طبيعة حساب الجارى) فيكون لزاماً فصل مبالغ يستثمرها المالك فى المؤسسة (كأى مستثمر أخر) حتى يتم حساب ما له و ما علية (((بعاً أنا قلت اتفاق ضمنى غير قانونى حتى لايتهمنى البعض فى شرحى ان صاحب المؤسسة يتعدى ضمانة فى نشاط المؤسسة الى باقى اموالة))) اما معالجة الايجار فيمكنك اتمامها بقيود الايجار العادية كمصروف يسدد اما نقدا او بشيك او انة تم دفعة مقدما كما تفضلت و ذكرت و فى تاريخ الاستحقاق يتم معالجتة بواسطة حساب الايجار المقدم هذا بقدر ما أعلم و الله الموفق،،،،،،،،

السلام عليكم و رحمة الله و بركاتة دايماً لما بنذكر مصطلح مراجع او حد يذكرة قدامنا على طول فكرنا بيروح ان المراجع هو الشخص الذى يقوم بعملية المراجعة على عملية التنفيذ و فى مهنتنا الجميلة دى هيكون المراجع هوة اللى بيراجع و يدقق العمليات التى يتمها المحاسب و دا بيوضح إن المراجع بيكون درجة أعلى من المحاسب،،، عشان كدا لازم نقول إن المراجع المحترف بطبيعة الحال لازم يكون محاسب محترف. دا بالنسبة لوظيفة المراجع فى شركة أو مؤسسة أو حتى مكتب مراجعة و تدقيق. أما بالنسبة لو كنت عزيزى السائل تقصد إزاى أكون مراجع حسابات (مراقب حسابات)(محاسب قانونى) فدا بيرجع للنظم المعمول بها فى كل دولة و اللى بتختلف عن الاخرى لكن جميعاً بيشتركوا فى حاجة و هى أنك لازم تكون عضو فى الهيئة الحكومية المختصة بتنظيم شئوون المهنة و القائمين عليها......فمثلاً فى مصر ......لازم تكون معاك عضوية سجل المحاسبين و المراجعين المصريين ...............و مثلا فى السعودية .......لازم تكون عضو فى الهيئة السعودية للمحاسبين القانونيين........و هكذا. أرحب بالتواصل مع أى مشارك على هذة الصفحة التى أتمنى أن تأخذ حقها من مشاركات السادة الأعضاء و اوجة التحية لطارحها. دام الجميع بكل الود،،،

السلام عليكم الحل بسيط خالص و هو انك تثبت رأس المال الموجود فى السجل التجارى ، و الفرق تعالجة من جارى الشركاء(لو شركة) و جارى المالك (لو مؤسسة فردية) و مثال على ذلك لو وجدت الفرق بين الاصول و الالتزامات مثلاً 100,000 جنية و بالرجوع الى عقد التأسيس و السجل التجارى فوجدت أن رأس المال 60,000 جنية، فيكون الفارق 40،000 جم هو ما سيتم معالجتة فى جارى الشركاء او المالك.

أخى السائل الأخوة المشاركون فلتسمحوا لى بالمشاركة,عسى أن أستطيع بإسهامة و لو بسيطة. * واضح إن صاحب المحل (السائل) ملم ببعض قواعد الفهم المحاسبى و لو بسيطة ، و لذا فإنى سأسهب شيئاً ما لتعم الفائدة لة بصتة السائل ، و لنا نحن المحاسبون فى اطار نقاشات من المؤكد أننا سنستفيد منها جميعا. أولاً : الاخ قال أنة قام بعمل حساب الارباح و الخسائر ، و مع ذلك سأقدم قائمة الدخل ليكن ملما بها و يتأكد من صحة ح/أ.خ الذى قام بعملة. xxx المبيعات (xx) مردودات المبيعات xxx = صافى المبيعات (xx) (-) تكلفة المبيعات ... و هى (=بضاعة اول المدة + المشتريات - بضاعة أخر المدة) xxx = مجمل الربح (xx) (-) المصروفات العمومية و الادارية (xx) (-) مصروفات بيع و تسويق (xx) (-) إهلاكات الأصول الثابتة xxx = صافى الربح أو الخسارة خلال العام (2006م) بعد كدا ندخل على الميزانية: بس عاوز أقول حاجة قبل ما نتكلم فيها الميزانية بحرف T لم يتم الغائها و لم يتوقف العمل بها حتى الان ، و قطاع كبير جدا بينفذوا بها ، يعنى ما فيش قلق من استخدامها ابداً، ايضا فية اشكال اخرى زى الميزانية على شكل عمود ( تقرير يعنى) و هى نفسها نفس ميزانية حرف T فى بنودها ،،،، الفرق بس هوة ان الاولى اتعملت بجناحين متقابلين الايمن للأصول و الايسر للخصوم أما التانية اتعملت بشكل تسلسل رأسى الاصول اولا و تحتها الخصوم. فية شكل تالت و دا الجديد و هوة الموكز المالى و دا اللى بكون من خلال المنعادلة التالية: XXX صافى الاصول بما فيها ص م التاسيس XXX + رأس المال العامل ( أصول المتداولة - الخصوم المتداولة) XXX = إجمالى الإستثمارات و التى يتم تمويلها على النحو التالى: حقوق الملكية: XXX رأس المال XXX +ارباح أو (خسائر ) أعوام سابقة XXX +أرباح أو (خسائر) العام الحالى XXX =إجمالى تمويل الاستثمار و لابد من تساوى جانبى إجمالى الاستثمارات و اجمالى تمويل الاستثمار أما بق للشكل المختصر اللى هنعملى عشان أخونا السائل ، فدا هيكون كالتالى:- جانب الاصول: 1-الاصول الثابتة: XXX الديكورات ( الاجمالى - المجمع) XXX السيارات (الاجمالى - المجمع) دا فى حالة لو عندك سيارة ـــــــــــــ XXXX اجمالى الاصول الثابتة 2-الاصول المتداولة: XXX النقدية فى اخر العام (تجردها) XXX البضاعة فى اخر العام (تجردها) XXX المدينون ( أرصدة اخر العام لعملاء بعت لهم بالاجل) XXX البنك (رصيد البنك لو عندك حساب بنك باسم المحل و دا بعد التسوية) ــــــــــــ XXXX اجمالى الاصول المتداولة 3-ارصدة مدينة اخرى: XXX تأمين مدفوع مقدم ــــــــــ XXXX اجمالى ارصدة مدينة اخرى ـــــــــــــــــــ XXXXX أجمالى الاصول (1+2+3)VBIY جانب الخصوم : 1-حقوق الملكية: XXX راس المال XXX جارى المالك (المبالغ اللى ليك او عليك للمحل) XXX ارباح او (خسائر) العام ـــــــــ XXXX اجمالى حقوق الملكية 2-الخصوم المتداولة : XXX الدائنون ( رصيد بضاعة اشترتها بالاجل من الغير) ــــــــــ XXXX اجمالى الاصول المتداولة 3-الخصوم الغير المتداولة ( مش هتكون موجودة فى حالتنا دى) ــــــــــــــــــ XXXXX أجمالى الخصوم (1+2+3)VBIY ارجوا ان اكون أفدت بهدة الاسهامة و مرحبا بالاستفسارات

لا داعى للشكر أخى فهى مجرد إسهامة أسأل الله ان ينفعنا بها

ممكن تلتحق باى مكان تقدر تتدرب فية لفترة زى شركة او مكتب محاسبة و لو حتى بدون مقابل و لو لزم الامر إدفع انت فلوس و صدقنى ما دمت انت ناوى اكيد هتوصل و على فكرة هنا فى السعودية مثلا زمالة الهيئة السعودية للمحاسبين القانونيين scopa حاول تسأل عنها و تشوف لو هتفيدك و لا لاء و الله الموفق،،،، و اهلا باى استفسار

الاخ العزيز الحل بسيط جدا ابدأ بالقراءة فى كتب اسس المحاسبة اللى درستها بأول عام بالجامعة و حاول تفهم اللى فيها كويس و طبعا هتفهمها بسرعة لانك مش هتكون تحت ضغط امتحان او غيرة و لما تحس انك فهمت اسس المحاسبة هتكون قطعت شوط كبير فى الرحلة ممكن الخطوة التانية تكون تدريب و لو مدفوع الاجر فى اى مكان و ربنا يسهل الامور لنا و ليك

السلام عليكم ،،،، دايما برامج المحاسبة تحتوى على دليل حسابات و دا اللى بنقدر نكّون منة شجرة الحسابات و دليل أخر لمراكز التكلفة و دا اللى بنكّون منة مراكز التكلفة. و أى برنامج محاسبة بيعطيك خيارين إما إنك تنشط مراكز التكلفة و إما إنك تخلية غير نشط ، و طبعا المحاسب هوة اللى بيقرر إذا بينشطة ولا لاء ، فى ضوء إحتياجات العمل و النشاط. طيب فية سؤال........ س إية الحالات اللى بنشط فيها مراكز التكلفة؟ جـ فية نوعين من الحالات:- الحالة الأولى : منها الزامى ودا بيحصل فى النشاط التجارى لمنشأة لها فروع مختلفة و أكون عاوز أعرف حركة كل فرع على حدة. الحالة التانية : غير الزامى و بتكون على حسب دماغ المحاسب و المدرسة اللى إشتغل فيها اكتر ، فتيجى مثلا تبص فى نشاط زى المشاريع الإنشائية ان المحاسب فاتح مراكز تكلفة لكل مشروع على حدة ، و منزّل التكاليف الانشائية (مواد البناء ) فى دليل الحسابات ......على طول تعرف إن المحاسب دا إشتغل أكتر و شارب من النشاط التجارى و حاول يشتغل بطريقة يحبها و بيستريح لها .........مع إن هذا السلوك ليس الأصح على الإطلاق.....لأن المفروض إن المشاريع تنزل فى الدليل و تحمل بكامل حركتها. طيب ...سؤال أخر....... س أنا لما انشط مراكز التكلفة اية اللى بيربطها بالحسابات؟ جـ عموماً مراكز التكلفة لاتنشط إلا من 4 الى 6 حسابات.....و دى الحسابات اللى يتم تحميلها لمراكز التكلفة.......و هى كالأتى:- 1- المبيعات 2- الايرادات الاخرى 3- المشتريات (البضاعة أو المخزون) 4- مردودات المشتريات 5- مردودات المبيعات 6- المصروفات و دا لأن الحسابات دى هى بس اللى بتأثر على نتيجة اعمال أى مركز من مراكز التكلفة ( فرع من فروع المنشأة التجارية). أرجو ان اكون اسهمت بما يفيد القارئ ،،،،،،

السلام عليكم اخى الكريم ،،،،،، بطريقة سهلة و سلسة و بدون عقد يمكنك ان تمسك دفاتر للمصروفات و المشتريات و الايرادات خصوصا و انك كما تفضلت ذكرت ان محلك خضار و ان لة بس 3 شهور فيكون حلك الان (((( و دا حل أولى من وجهة نظرى الشخصية)))) انك تمسك 4 دفاتر و طبعا مش لازم تكون دفاتر كبيرة زى ماممكن تتخيل ممكن تكون دفاتر صغيرة المهم انها تقضى المطلوب منها حاليا....و هى كالاتى:- 1- دفتر للمصروفات و يتضمن الاتى:- الرواتب الايجار اجور النقل الكهرباءو المياة التليفون اذا موجود و الموبايل اذا لة تأثير كبير بالشغل ((فى ضوء ما تحددة انت)) بالاضافى لاى مصروفات اخرى شبيهة 2- دفتر أخر للمشتريات: و دا هام جداً و طبعا هتكتب فية كل فواتير الخضار اللى انتى اشتريتها عشان تقدر تقارن بين ايراد الخضار دا و تكلفتة قبل المصروفات المذكورة اعلاة 3- دفتر الايرادات: و دا هتنزل فية الايرادات اليومية لحركة البيع 4-دفتر المرتجعات (المردودات): و دا اذا انت بترجع بضاعة اشتريتها و سجلتها فى دفتر المشتريات يبقى لازم تسجلها فى دفتر المردودات و طبعا بيكون طريقة تسجيلك للدفاتر دى كل شهر على حدة و فى اخر الشهر و بعد ما تقفل الشهر فى الدفاتر دى من خلال المعادلة اللى جاية تقدر تعرف ربحك من خسارتك الشهرية كالاتى: xxx المبيعات xxx (-) تكلفة المبيعات xxx = مجمل الربح xxx (-) المصروفات xxx = صافى الربح او الخسارة علما بان طريقة الوصول لتكلفة المبيعات كالتالى: xxx بضاعة اول الشهر xxx (+) صافى المشتريات = ( المشتريات - المرتجعات) xxx (-) بضاعة اخر الشهر xxx = تكلفة المبيعات عن الشهر و هذا حل مبدئى ممكن تتبعة لحين ما تجيب محاسب يمسك حسابات محلك بطريقة صحيحة لان اكيد عندك اصول لابد من تسجيلها و اهلاكها و كمان عشان تقدر تعرف ميزانيتك لأخر العام ارجو ان اكون قد وفقت فى العرض و الله الموفق و اللة اعلى و اعلم،،،

مشكور على الجهد المبذول