لوحة القادة

النهارده هنجاوب على سؤال محاسبين كتير بيسألوه لنفسهم ولغيرهم. وهو ازاى ابنى نظام محاسبي؟ ?How to create and design an accounting system for a company بمعنى اخر .. لو مسكت شركه ماكنش فيها نظام حسابات أزاى أبدأ وأرتب أمورى. خلونا الاول نفرق مابين نوعين من الشركات من حيث حجمهم وهيكل الاداره الماليه داخليا. #النوع_الاول: ودى الشركات الصغيره اللى مابتحتاجش محاسبين كتير زى المشروعات التجاريه الصغيره واللى قوامها مبنى على اساس النشاط المخزنيى .والعملا والموردين وفى الغالب مابتحاتجش غير محاسب واحد وكل شغلك كمحاسب هايكون مبنى على اساس انك تظبط فواتير البيع والشراء وجرد المخازن والاصناف وملاك المنشات دى مابيكونش عندهم ثقافة انك تستخرج قوائم ماليه "ميزانية وقايمة دخل وتدفقات وغيرها" واللى بيتولى الموضوع ده هو المحاسب القانونى بهدف انه يظبط حسابات الضرايب. #النوع_الثاني: ودى الشركات اللى بيكون عندها هيكل كامل للاداره الماليه من مدير مالى ورئيس حسابات وتيم المحاسبين أو على الاقل بيكون عندها اكتر من محاسب متخصص فى جزئيه معينه. ودا نوع الشركات اللى بيكون شغله دقيق جدا وكل حركه محسوبه وليها نتايجها وبالتاكيد بيكون الاهتمام الاكبر منصب على اعداد القوائم الماليه الفتريه للشركات بتاعتهم ومراجع الحسابات بعد كدا بيعتمدها. #نييجى_للمهم. ازاى هأسس نظام محاسبى لكيان لسه بيبدأ او موجود وماكنش فى سيستم؟ مهما كان حجم وطبيعة النشاط سواء كان تجارى او صناعى او خدمى وسواء كانت شركه كبيره او صغيره فالنظام المحاسبي بيدور على اربع محاور رئيسيه وهما حسابات الاصول والخصوم "وبنسميهم حسابات الميزانيه balance sheet accounts" والمصروفات والايرادات "وبنسميهم حسابات النتيجه او "حسابات قائمة الدخل income statement accounts". ولو الشركه كانت قايمه بالفعل فالمرحله الاصعب هى انى اقدر اتوصل لارصده الاربع حسابات الرئيسيه دول ومن هنا اقدر اعمل ميزان مراجعه افتتاحى اشتغل عليه بعد كدا . #حسابات_الاصول: هانقسمهم لحسابات اصول غير متداوله "ثابته" واصول متداوله وبالنسبه للاصول الثابته فادول هاتوصل لارصدتهم من خلال اعادة تقييمهم او لوعندى معومه دقيقه وموثقه بتكلفتهم التاريخيه بسجلهم بيها اما بالنسبه لحسابات الاصول المتداوله فالانواع الرئيسيه هانتعامل معاها بالشكل ده: 1) النقديه: ودى الكاش اللى معايا فى الخزينه وارصدة حساباتى فى البنوك ومن خلال الجرد الفعلى للخزينه اقدر اعرف معايا كاش كام ومن خلال اخر كشف حسساب للبنك بقدر اعرف رصيد البنك كام وبكد هاتوصل لارصدة النقديه ومافى حكمها. 2) المخزون: ودا تانى اهم عنصر من عناصر الاصول المتداوله بعد النقديه وهانعامله معاملة النقديه من حيث اننا هانجرد جميع الاصناف الموجود عندى ونقيمهم بالتكلفه او صافى القيمه البيعيه ونسجله عندنا بالقيمه الاقل. 3) العملاء : ودول هانتوصل لحسابهم عميل عميل من خلال الاتصالا بالعملاء وطلب كشف حساب للشركه بتاعتنا والرصيد النهائي. 4) الارصده المدينه : زى السلف والمديونيات الاخرى. #حسابات_الخصوم_وحقوق_الملكيه: وزى ماقسمنا حسابات الاصول هانبدا نقسمم حسابات الخصوم ل3 انواع وهما الالتزامات قصيرة الاجل "المتداوله" والالتزامات طويلة الاجل "غير المتداوله" وحقوق الملكيه والانواع الرئيسيه دى هانتعامل معاها بالشكل ده: 1) الالتزامات المتداوله : ودى حسابات الموردين والدائنين ولو فى اوراق دفع وخلافه ودى فى الغالب هايكون من السهل انى اتوصل لارصدتهم الفعليه من خلال التواصل مع الجهات الدائنه دى وطلب كشف حساب فعلى نقدر من خلاله بسهوله نعرف رصيدهم كام ومين ليه عندنا فلوس . 2) الالتزامات غير المتداوله: وفى الغالب هاتكون ممثله فى القروض البنكيه اللى هاتسدد على فترات اكبر من سنه ودى ممكنتعرف ارصدتها من خلال ادارة وملاك الشركه وفعليا لازم تتكلم مع البنوك دى وتشوف الموقف ايه بعد ماتاخد تفويض من الشركه بتاعتك. 3) حسابات حقوق الملكيه ممثله فى رأس المال وهايكون الفرق مابين الاصول والخصوم اللى انت جردتهم الفتره اللى فاتت ولو لقيت الرقم مش منطقى ارمى فى الحسابات الجاريه للشركاء #حسابات_المصروفات_والايردات. وهنا هاتبدأ تحصل على تقارير من الاداره والملاك بحجم المصروفات اللى تمت خلال الفتره السابقه كانت اد ايه ولفين وتبدأ ترصدهم مع مراعاة التوصل للمستندات قدر الامكان وبالنسبه لايرادات فاممكن توصبل لارصدة الايراد خلال الفنره السابقه من خلال فحص فواتير البيع كلها بشكل كامل .

انا سوف اجيب في اختصار إذا كانت ضمن المخزون تحمل على مصاريف مباشرة وتخفظ قيمة المخزون بهذه التوالف وإذا كانت مشتراه تالفة ولم تدخل ضمن المخزون فقد اجابك الأخوة راجع الأجابات في الأعلي حتى ترسخ الفكرة في ذاكرتك

السلام عليكم في البداية هل لي ان اعرف هل البضاعة قام مصنعكم الموقر بتصنيعها ويقوم المحل ببيعها ام ان هذه البضاعة مشتراه بغرض البيع .. الافتراض الاول : من قسم التكاليف يمكنك بسهولة معرفة تكلفة البضاعة منتهية الصلاحية المراد اعدامها بموجب محضر اعدام من لجنة وهذا في حالة ان يكون عدد الوحدات كبير وتكون بحاجة لموافقة من الادارة وده اتحسم بالنسبة لك طالما دي تعليمات المدير ولكن يجب عليك الاحتفاظ بمستند يفيد عملية الاعدام وهو المحضر يبقى القيد من ح / الارباح والخسائر- بضاعة تالفة الى ح / المخزون الانتاج التام وذلك ليتم تخفيض المخزون بالقيمة الحالة التانية : انك مشتري البضاعة من مورد منتهية الصلاحية واكتشفت ذلك بمجرد الفحص الحالة التالتة ان الصلاحية انتهت في المحل لعدم بيع البضاعة بسبب اي خلل كان سواء عدم اعلام البائع بقرب انتهاء الصلاحية ليقوم بالتخلص من البضاعة قبل انتهاء الصلاحية حتى لو بالتكلفة لتجنب خسارة فادحة او كامل قيمة البضاعة وفي هذه الحالة يتم تحميل قائمة الدخل بصافي القيمة فقط او الفرق بين سعر البيع المخفض والتكلفة الحالة التالتة : هو اعادة تشغيل البضاعة منتهية الصلاحية كما يحدث في بعض الصناعات مثل صناعات الادوية او الحلاوة الطحينية بشرط الا يوثر على - جودة المنتج - صحة المستهلك وفي هذه الحالة يتم التعديل على سجلات التكاليف باوامر تحويل من البضاعة التامة لبضاعة تحت التشغيل هذا والله اعلى واعلم