المشاركة الأصلية كتبت بواسطة خالد محمد بن الشيخ
هل نثبت المصاريف المستحقة والمقدمة خلال السنة نهاية كل شهر او نهاية السنة عند اعداد القوائم المالية
السلام عليكم..
استاذى الفاضل/ خالد
بالرغم ان سؤالك شامم فيه انه سؤال اختبار وليس استفسار ولكنى سأناقشه معك لسبب هام لأن بعض الكتب اشارت الى هذا الموضوع بطريقة نظرية بعض الشئ ادت الى اصرار المحاسبين الجدد الى العمل بها بل ومناقشتها على ان عدم العمل خطأ شديد لايصح عمله ولكنى اقول ان هناك الكثير من الكتب المحاسبية الموجوده بالسوق تتحدث عن نظريات المحاسبة فى السبعينات فتجد كتاب حديث ولكن مؤلفه الظاهر كان قاعد على القهوه شويه فتجده يحدثك عن حسابات الارباح والخسائر وكيفية عمل حساب المتاجرة 
المهم بعض الكتب اشارت الى هذه العمليات الخاصة بتسجيل المصاريف المستحقة والمقدمة وفى المقابل الايرادات المستحقة والمقدمة على انها عمليات تسويات جردية ختامية تحدث مرة واحدة فى العام. انا لا اقول انها خطأ ولكنى اقول اذا حدث مثل هذا الموضوع سيجد المحاسب نفسه فى دوامه تتبع مع الفواتير والاشعارات مين اللى دفع ومين اللى مدفعش وخصوصا ان الموضوع الان تعدى القوائم السنوية واصبح من واجبات الادارة المالية الحديثة انتاج الكثير من التقارير الاسبوعية والشهرية والربع سنوية وبالتالى اصبح اقفال هذه الحسابات دوريا واجب مفروض عليها.
وانا بقول ان الايرادات المستحقة والمصروفات المستحقة هى لب نظرية المحاسبة على اساس الاستحقاق ومبدأ الاستحقاق الذى اوصت به الجمعية الامريكية والبريطانية فى استخدامه مع الشركات الصناعية لحل مشكلة المخزون لديها فانت ممكن تأجل كل ايراداتك ومصاريفك المستحقه لغاية ماتدفعها على الاساس النقدى (كثير من شركات الخدمات يمكنها العمل على الاساس النقدى) بس هاتعمل ايه فى مخزونك لو انت شركة تجارية او صناعية وهو ده الغرض الاساسى من تطبيق مبدأ الاستحقاق. وعلى فكرة فى طريقة ثالثة بيسموها شبه النقدى Quasi Cash other than GAAP وهى طريقة بتستخدم عادة للاغراض الضريبية فى الولايات المتحده ودول اوروبا.
اسف على تطويل الحديث انا نفسى اتكلم فى الموضوع ده كتير لأن معظم الاخطاء اللى بنكتشفها بتكون بسبب عدم دراية المحاسب الكافية بأسلوب مبدأ الاستحقاق.
بس الخلاصة يااستاذ خالد ان المحاسب لو بيقفل حساباته كل شهر هايضطر انه يثبت ده فى دفاتره او النظام المحاسبى اللى بيستخدمه ،معظم الشركات بتستخدم برامج محاسبية دلوقتى وفى برامج فيها خاصية بتسمى Recurring يعنى التكرير والترجيع. يعنى بتحطلها المبلغ المدفوع او المستلم كله وهى بتحمل كل مبلغ على فترته اللى بتخصه والباقى بتسجله كأيراد او مصروف مستحق فى الميزانية
شكرا
Mohamed Ismael, CPA, CMA, SOCPA
رد مع اقتباس
الإيراد والمصروف المستحق
المفضلات