jory98

الله يعطيك العافية مرررة روعة ياليت المزيد

انا عندي ميزانية تقديرية أسويها هالايام للسنة القادمة وترفع لجهة الإختصاص لإعتمادها تتمثل في تكاليف الرواتب وما في حكمها من بدلات وغيرها والتكاليف التشغيلية في بداية كل عام ميلادي ترسل لنا الإدارة الإعتمادات المالية لكل بند والمعتمدة في الميزانية، طبعاً ما تكون نفس الميزانية التقديرية اللي سويناها ورفعناها تكون أقل منها. صح إنو كل عام مختلف عن الثاني بزيادة إعتمادات طبعاُ أنا اشتغلتها قبل بس كمحاسبة بس إنو كرئيسة قسم للتخطيط المالي والميزانية يبغالها كنترول شوي مابي أكون تقليدية وامشي على سياسات سابقة وهي أصلاً بدائية أبي أستفيد من خبرتي السابقة ويكون كل شي عندي واضح وكل ما يتعلق بالبنود والمشاريع التطورات اللي صايرة فيها. بس ياليت مثال حي عشان نتناقش فيه ونشوف في أيش بنعدل حتى نصل للنهاية المطلوبة والهدف المنشود لإنو والله يا أخي من كثر ضغط العمل مش قادرة أجمع افكاري حتى البرمجة نسيتها. ولكم تقديري

!!!!!!!!!!!!!!!!!

أنا رئيسة قسم التخطيط المالي والميزانية جديدة وأبي أعمل كنترول على النفقات لإنو ماكان فيه، مجرد إجراءات تقليدية. وأحب النظام ويكون عملي دقيق جداً. فبالي اعمل نظام حتى لو عن طريق الأكسيل يوضح لي معدل التكاليف ونسبة الزيادة الشهرية في: 1. عدد الموظفين (سعودي/غير سعودي) مقارنة بالشهر السابق. ومقارنة ببقية الأشهر. 2. الرواتب الأساسية (سعودي/ غير سعودي) مقارنةبالشهر السابق. وببقية الأشهر. 3. الوظائف المستحدثة وتكاليفها ونسبة الزيادة فيها كل شهر على حدة ومقارنات ببيقة الأشهر. علماً بأن الرواتب لدي تتمثل في: رواتب اساسية. بدلات ومكافآت. مخصصات ابتعاث وتدريب. نفقات تأشيرات وإقامات. تكاليف مكاتب التوظيف. ومن كر الشغل والله مش قادرة أركز لإنه كثير ففي البداية حاحتاج مساعدتكم. الشي الثاني هو القسم الثاني من الميزانية (التشغيل) عناصر التشغيل. ومقارنتها ببقية الأشهر . وحسب الأقسام وحسب النوع و و و و ...إلخ. عندي شي هام جدا وهو تكاليف العمل الإضافي أبي أحسبها بتقرير آخر اتمنى هالتقرير يوضح: الأقسام.. الأشخاص.. عدد الساعات.. (سعودي/ غير سعودي) ووش الأقسام اللي زاد المستفيدين ووش الأقسام اللي زادت تكاليف العمل الإضافي عشان أعمل كنترول عليها وعلى نفقاتها وأحد من التجاوز في الإعتماد.