سلام عليكم أستاذ عبد الحميد
أنا عندي موقع و نزلت عليه قبل كده برنامج للتجربة (WebERP لكن بصراحة كان مكلكع شوية ففضلت إني أجرب FrontAccounting لإني لقيت له التعريب بتاعك
لو عندك أي شرح للبرنامج أو لو ممكن تبعت لي نسخة إحتياطي للبيانات بتاعة الديمو العربي أحاول أفهم منها إزاي شجرة الحسابات متعرفة و إزاي مربوطة بباقي أجزاء البرنامج أكون شاكر جدا - أنا هاحاول أعمل شرح بالعربي للبرنامج لما أفهمه و ابتدي أطبقه.
حاليا أظن هم عملوا تعديلات كتير في طريقة تصنيف الحسابات أظن إنها معقولة (أنا مش محاسب لكن لإني مدير الشركة فبشتغل مع المحاسب بصورة مكثفة فعندي فكرة مش بطالة لكن طبعا مش زي المحاسب )
أنا حاليا بحاول افهم هو بيعرف إزاي حسابات الضرايب!
أنا شغلي فيه استيراد و توزيع (بيع جملة) و بيع مباشر (قطاعي)
الشحنات بدفع عليها ض.مبيعات + ض. أ.ت
لما ببيع لموزعين بطلع فواتير فيها : 10% ض.م + ض.إضافة 1% و بيتخصم مني 0.5% ض.خ
لما بشتري بضاعة من السوق المحلي بادفع ض.م + 1% ض.إضافة و ساعات بخصم منه ض.خ
لسه مش عارف أعرف الكلام ده إزاي في البرنامج!!
على فكرة ... أنا أخدت التعريب اللي انت عملته و بعمل له تحديث على آخر نسخة ... و صلحت بعض الترجمات السابقة ... و أعتقد إنها سليمة بنسبة كبيرة ... أنا بس هاراجع بعض الترجمات مع محاسب الشركة و بعدين أبعتها للموقع ... لو عندك وقت و تحب تراجعها ممكن أبعتها لك.
شكرا على اهتمامك
وليد